உலகச் செய்திகள்!

by **சிவா** Tue Nov 12, 2013 3:05 pm

First topic message reminder :

தென் ஆப்பிரிக்காவில் பஸ் விபத்தில் 29 பேர் பலி

உலகச் செய்திகள்! - Page 40 Bus-accidentre-212

ஜோகன்ஸ்பர்க், தென் ஆப்பிரிக்கா நாட்டின் கிழக்கே அமைந்துள்ள மபுமாலாங்கா மாகாணத்தில் நேற்று நள்ளிரவு பஸ்சும், லாரியும் பயங்கரமாக மோதின. அதில் 29 பேர் பரிதாபமாக செத்தனர். மேலும் பலத்த காயம் அடைந்த 18 பேர் மீட்கப்பட்டு மருத்துவமனைகளில் சேர்க்கப்பட்டனர்.இந்த விபத்துக்கான காரணம் தெரியவில்லை. பொதுவாக தென் ஆப்பிரிக்காவில் சாலை விபத்துகளில் ஆண்டுக்கு 14 ஆயிரம் பேர் இறப்பதாகவும், அதற்கு சாலை சரிவர பராமரிக்காமல் இருப்பதே காரணம் என்று கூறப்படுகிறது.

by **சிவா** Tue Oct 14, 2014 11:09 pm

ஈழக் கோரிக்கையை கைவிட்டால் அதிபர் ஆட்சி முறை ரத்து

தமிழ் ஈழக் கோரிக்கையை கைவிட்டால் அதிகாரங்கள் அனைத்தும் அதிபரிடம் குவிந்திருக்கும் வகையிலான தற்போதைய ஆட்சி முறையை முடிவுக்கு கொண்டு வருவேன் என்று இலங்கை அதிபர் மகிந்த ராஜபக்சே கூறினார்.

இலங்கையில் அதிபருக்கு அதிக அதிகாரம் இருக்கும் வகையிலான ஆட்சி முறை நடை முறையில் உள்ளது. இதை மாற்றி நாடாளுமன்றத்துக்கு, குறிப்பாக பிரதமருக்கு அதிக அதிகாரம் இருக்கும் வகையிலான ஆட்சி முறையை கொண்டு வரும் என்று பல்வேறு கட்சியினரும் வலியுறுத்தி வருகின்றனர். இந்நிலையில் தமிழர்கள் அதிகளவில் வசிக்கும் வடக்கு மாகாணத்தில் உள்ள கிளிநொச்சியில் நடைபெற்ற கூட்டத்தில் அதிபர் ராஜபக்சே பேசியதாவது:

"தமிழ் தேசிய கூட்டணியும், வெளிநாடுகளில் வசிக்கும் இலங்கைத் தமிழர்களும், தமிழ் ஈழம் என்ற பிரிவினைவாத கோரிக்கையை கைவிட வேண்டும். அவ்வாறு செய்தால், தற்போதுள்ள அதிபருக்கு அதிக அதிகாரம் இருக்கும் வகையிலான ஆட்சி முறையை முடிவுக்கு கொண்டு வரத் தயாராக இருக்கிறேன். கடந்த 30 ஆண்டுகளாக நடை பெற்ற தீவிரவாதச் செயல்களால், எண்ணற்ற உயிர்களையும் மட்டுமல்ல, குடியிருப்புகளையும் இழந்துள்ளீர்கள்.

விடுதலைப் புலிகள் நடத்தி வந்த வங்கிகளில் நகைகளை அடமானம் வைக்கும் நிலைக்கு மக்கள் தள்ளப்பட்டனர். தீவிரவாதத்துக்கு நாங்கள் முற்றுப்புள்ளி வைத்துள்ளதன் மூலம், எவ்வித அச்சமும், சந்தேகமுமின்றி சுதந்திரமாக நீங்கள் வாழ வழி செய்துள்ளோம். விடுதலைப் புலிகளை அழிப்பதற் குத்தான் ராணுவம் போரில் ஈடுபட்டதே தவிர, தமிழர்களுக்கு எதிராக அல்ல. இவ்வாறு அதிபர் ராஜபக்சே கூறினார்.

தமிழர் பெரும்பான்மையாக வசிக்கும் வடக்குப் பகுதியை அந்நாட்டின் பிற பகுதிகளுடன் இணைத்து வந்த யாழ் தேவி ரயில் சேவை விடுதலைப் புலிகள் தாக்குதல் காரண மாக 1990-ல் நிறுத்தப்பட்டது. இந்நிலையில் 2009-ல் இலங்கையில் உள்நாட்டுப் போர் முடிவுக்கு வந்தது. 2010-ல் இலங்கை அதிபர் ராஜபக்சே அப்போதைய இந்தியப் பிரதமர் மன்மோகன் சிங் சந்திப்பின்போது, வடக்கு ரயில்வேயை மறு சீரமைக்கும் திட்டம் உருவெடுத்தது. இதையடுத்து இந்திய அரசு வழங்கிய 800 மில்லியன் டாலர் (சுமார் ரூ.4800 கோடி) நிதியுதவியுடன் இலங்கை அரசு இந்த ரயில்பாதையை 2011-ல் சீரமைக்கத் தொடங்கியது.

மணிக்கு 120 வேகத்தில் செல்லும் வகையிலான ரயில்பாதை, பாலங்கள் உள்ளிட்ட பணிகளுக்கு இந்தியா தொழில்நுட்ப ஆதரவு அளித்தது. சீரமைப்பு பணிகள் முடிவுக்கு வந்த நிலையில் இப்பாதையில் ரயில் போக்குவரத்து தொடங் கியது. அலங்கரிக்கப்பட்ட சிறப்பு ரயிலில், பளை ரயில் நிலையத்தில் இருந்து யாழ்ப்பாணம் ரயில் நிலையம் வரை இலங்கை அதிபர் ராஜபக்ச பயணம் செய்து, ரயில்சேவையை தொடங்கி வைத்தார்.

by **அகிலன்** Wed Oct 15, 2014 1:10 am

தமிழர்கள் மூடர்கள் என்று நினைத்து பேசும் தலைவர்கள்,
தமிழர்களை மூடர்களாகவே வைத்திருக்க விரும்புகிறார்கள்.

by **M.Saranya** Wed Oct 15, 2014 12:10 pm

நம் தமிழர்கள் மூடர்கள் அல்ல. முடங்கி கிடக்கின்றனர்...
இவர் விடும் அறிக்கைகளை எல்லாம் நம்ப வேண்டாம்...

by Narayanan C Wed Oct 15, 2014 7:50 pm

Richard Flanagan 2014-ஆம் ஆண்டிற்கான புக்கர் பரிசை பெற்றுள்ளார்.The Narrow road to the deep north என்ற புத்தகத்திற்காக கிடைத்துள்ளது.இந்த புத்தகம் இரண்டாம் உலகப்போரின்போது தாய்லாந்தில் இருந்து பர்மாவிற்கு ரயில்வே பாதை பல்வேறு நாட்டு கைதிகளை வைத்து போடப்பட்டபோது நடைபெற்ற சம்பவங்களை பற்றியது.இன்னோவலசிரியரின் தந்தையும் இதில் பாதிக்கப்பட்டவர் ஆவார்.இவர் ஆஸ்திரலியாவைச்சேர்ந்தவர்.இன்னோவலை முடிக்க இவருக்கு 12 ஆண்டுகள் ஆனதாம்.

by Narayanan C Thu Oct 16, 2014 12:41 pm

Daniela Liverani (24வயது -எடின்பர்க் இங்கிலாந்து) பல வாரங்களாக மூக்கில் ரத்தம் வடியும் நோயால் அவதிப் பட்டு வந்தார் .ஒரு நாள் ஷவரில் வெந்நீர் குளிக்கும் பொழுது மூக்கில் ஏதோ நீட்டிகொண்டிருப்பraarதைப் பார்த்து மருத்துவமனைக்குச் சென்றார்.அங்கு மருத்துவர்கள் அவர் மூக்கில் ஒரு அட்டை பூச்சி இருப்பதை கண்டு அதிர்ச்சி அடைந்தனர்.பிறகு லாவகமாக கருவிகளைப் பயன்படுத்தி அதை வெளியே எடுத்தனர்.அவர் சில வாரங்களுக்கு முன் வியட்நாம் மற்றும் கம்போடியா சுற்றுலா சென்றிருந்த பொது அது அவர் மூக்கில் எப்படியோ நுழைந்திருக்கலாம் என கருதப் படுகிறது.(BBC News Blog -13/10/14)

by **SajeevJino** Thu Oct 16, 2014 12:45 pm

நேற்று மாலை சிரிய துருக்கி எல்லை கோபானியில் ISIL தீவிரவாதிகளுக்கு எதிராக அமெரிக்க Bomber B 1 லான்சர் குண்டு வீசியது

உலகச் செய்திகள்! - Page 40 10155020_292315887625437_1027044261089054572_n