தொழிலாளர்கள் மீது நடவடிக்கை போலீசுடன் வெளிநாட்டினர் மோதல் துப்பாக்கி சூட்டில் 2 பேர் பரிதாப சாவு சவுதி அரேபியாவில் பரபரப்பு,,

**டார்வின்** · **டார்வின்** Mon Nov 11, 2013 4:23 pm

ரியாத்:சவுதி அரேபியா நாட்டில் வெளிநாட்டினருக்கும் போலீசாருக்கும் இடையே ஏற்பட்ட மோதலில் துப்பாக்கியால் சுட்டதில் 2 பேர் பலியாயினர்.
சவுதி அரேபியா அரசு புதிதாக கொண்டு வந்த ‘நிதாகத்’ என்ற தொழிலாளர் சட்டத்தின்படி அங்குள்ள நிறுவனங்கள் உள்ளூர் தொழிலாளர்களுக்கு 10 சதவீத இட ஒதுக்கீடு கொடுக்க வேண்டும் என்று உத்தரவிட்டது. இதனையடுத்து சட்ட விரோதமாக சவுதியில் தங்கியிருக்கும் வெளிநாட்டினர் உடனடியாக நாட்டை விட்டு வெளியேற வேண்டும் என்றும் உத்தரவிடப்பட்டது. வெளிநாட்டினர் தங்களது ஆவணங்களை சரிபார்த்து கொள்ள நவம்பர் 2 வரை கெடு விதிக்கப்பட்டிருந்தது. அதன்பின்னர் அங்கு தங்கியிருக்கும் வெளிநாட்டினர் மீது அபராதம் மற்றும் சிறைத் தண்டனை விதிக்கப்படும் என வெளியுறவுத்துறை அமைச்சகம் எச்சரித்திருந்தது.

இதனால் லட்சக்கணக்கான வெளிநாட்டு தொழிலாளர்கள் சவுதியை விட்டு வெளியேறி வருகின்றனர்.இந்நிலையில் தலைநகர் ரியாத்தில் அரசு அலுவலகம் முன்பாக ஆவணங்களை சமர்பிக்க ஆப்ரிக்காவைச் சேர்ந்த ஏராளமான தொழிலாளர்கள் திரண்டிருந்தனர். மேலும் அவர்கள் போலீசாரின் கைதை கண்டித்து போராட்டத்தில் ஈடுபட்டனர். அங்கு போராட்டத்தில் ஈடுபட்ட தொழிலாளர்கள் மத்தியில் அது கலவரமாக வெடித்தது. போலீசாருக்கும் வெளிநாட்டு தொழிலாளர்களுக்கும் இடையே ஏற்பட்ட மோதல் காரணமாக கற்களை வீசியும், கடைகளை உடைத்தும், அங்கு நிறுத்தியிருந்த வாகனங்களை சேதப்படுத்தியும் வன்முறையில் ஈடுபட்டனர்.

இதனால் போலீசார் துப்பாக்கியால் சுட்டதில் எத்தியோப்பியாவை சேர்ந்த ஒருவரும், ஆப்ரிக்காவை சேர்ந்த ஒருவரும் பலியானதாக எத்தியோப்பியா தூதரகம் வெளியிட்டுள்ள தகவலில் தெரிவிக்கப்பட்டுள்ளது. இந்த வன்முறை சம்பவங்கள் தொடர்பாக 561 பேரை போலீசார் கைது செய்தனர். மேலும் இந்த சம்பவத்தில் 68 பேர் படுகாயமடைந்தனர்.வெளிநாட்டினரின் போராட்டம் காரணமாக ரியாத்தில் பதற்றம் நிலவி வருகிறது.
tamilmurasu

**சிவா** · **சிவா** Mon Nov 11, 2013 4:27 pm

பிழைக்கப்போன இடத்தில் ஏன் இப்படி நடந்து கொள்ள வேண்டும், உயிரைத் துறக்க வேண்டும்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக