உடல் எடையை குறைத்தால் 4.78 கோடி தங்கம் பரிசு : சவுதி நிர்வாகம் வினோத போட்டி

by amirmaran Sun Nov 10, 2013 12:05 pm

துபாய்: உடல் எடையை குறைப்பவர்களுக்கு ரூ.4.78 கோடி மதிப்புள்ள தங்கம் பரிசாக வழங்கப்படும் என சவுதி நிர்வாகம் அறிவித்துள்ளது.சவுதி நாட்டில் உள்ள துபாய் நகராட்சி நிர்வாகம் வித்தியாசமான போட்டி ஒன்றை அறிவித்தது. அதில் அதிக எடை உள்ளவர்கள் தங்கள் எடையை குறைத்தால் அவர்களுக்கு தங்கம் பரிசாக அளிக்கப்படும் என அறிவித்தது. ஜூலை 19ம் தேதி தொடங்கி ஆகஸ்ட் 16ம் தேதி வரை இந்த போட்டிக்கான விண்ணப்பத்தில் பங்கேற்கலாம் என்றும் அறிவிக்கப்பட்டது.

இதனையடுத்து இந்த போட்டியில் 2648 பேர் கலந்து கொண்டனர். வெற்றி பெற்றவர்களுக்கு சுமார் ரூ.4.78 கோடி மதிப்பில் 16.82 கிலோ தங்கம் பரிசாக வழங்கப்பட்டது.

இதில் முதல் பரிசாக சிரியா நாட்டைச் சேர்ந்த கட்டிட கலைஞர் அகமது இப்ராகிம் அல்ஷேக் என்ற 27 வயது வாலிபர் தட்டிச் சென்றார். மொத்தமாக 26 கிலோ எடையை குறைத்த அவருக்கு ரூ.1.70 லட்சம் மதிப்புள்ள தங்கம் பரிசாக வழங்கப்பட்டது. போட்டியில் கலந்து கொண்டவர்கள் குறைந்தபட்சம் 2 கிலோ குறைப்பவர்களுக்கு ஒரு கிராம் வீதம் தங்கம் வழங்கப்படும் என அறிவிக்கப்பட்டிருந்தது. ஐந்து கிலோவும் அதற்கு அதிகமாகவும் குறைப்பவர்களுக்கு ஒவ்வொரு கிலோவுக்கும் ஒரு கிராம் தங்கம் வழங்கப்படும் என அறிவிக்கப்பட்டது.

இதில் 575 பேர் 2 கிலோவுக்கு அதிகமாகவும், 1795 பேர் 5 கிலோவுக்கு அதிகமாகவும், 29 பேர் 15கிலோவுக்கு அதிகமாகவும், 5 பேர் 20 கிலோவுக்கு அதிகமாகவும் உடல் எடையை குறைத்திருந்தனர் என்பது குறிப்பிடத்தக்கது.

நன்றி: தமிழ்முரசு