நினைவுகளின் ஊஞ்சல்

**சிவா** · **சிவா** Sat Nov 09, 2013 1:07 pm

புளிப்பு மிட்டாயை
பாவாடையில் வைத்துக்
கடித்துத் தருவேன்
எச்சிலூற வாங்கிக்கொள்வாய்

வாடகை சைக்கிளின்
பின்னிருக்கையில்
அமர்த்தி வேகமாக ஓட்டிச் செல்வாய்
உன் இடுப்பைக் கட்டிக்கொள்வேன்

ஏரிக்கரைப் பாதையெல்லாம்
கொட்டிக் கிடக்கும்
உன் சிரிப்புச் சத்தமும்
என் கொலுசுச் சத்தமும்

கிழிந்த என் புத்தகத்தை
எடுத்துக்கொண்டு பிரிக்கப்படாத
உன் புத்தகத்தைத் தருவாய்

நீ சர்ச்சுக்கு வரத் தொடங்கியபோது
நான் கோயிலுக்குப் போக
ஆரம்பித்தேன்

ஒருமுறை மத்தாப்பு கொளுத்தி
என் விரல் தீய்ந்ததிலிருந்து
நீ தீபாவளியைக்
கொண்டாடுவதில்லை

மனங்களைப்
பரிமாறிக்கொண்ட
அன்றிரவு வெகுநேரம்
நீயும் உறங்கவில்லையாம்

பள்ளியில் இருவரும்
நட்ட கொன்றை
பூக்க ஆரம்பித்த வேளை
திருமணமாகிவிட்டது

உனக்கு உன் மனைவியோடும்
எனக்கு என் கணவனோடும்.

சுகிர்தராணி

**M.M.SENTHIL** · **M.M.SENTHIL** Sat Nov 09, 2013 2:22 pm

காதலின் வேதனை இதை அனுபவித்தவர்கள் மட்டுமே உணர முடியும்
எனக்கும் உண்டு இந்த மன வலி
கோவில் கோவிலாய் சுற்றியதும்
கோபமாய் பேசியதும்,
காதலியே மனைவியாக வருவாள் என
மனக் கோட்டை கட்டியதும்
அவளின் குடும்ப சூழ்நிலை கண்டு
இருவரும் பரஸ்பரம்
காதலுக்கு விவாகரத்து கொடுத்ததும்.
இன்னும் எத்தனை, எத்தனையோ

நினைவுகளின் ஊஞ்சல்

நினைவுகளின் ஊஞ்சல்

Re: நினைவுகளின் ஊஞ்சல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக