பறக்கும் குழந்தை

**சிவா** · **சிவா** Sat Nov 09, 2013 1:03 pm

எங்கே தொடங்கியது இந்தக் கனவு?

முடிவில்லாமல்
என் மேல் விழுந்துகொண்டிருக்கின்றன
குழந்தைகளின் ஆடைகள்

பால் மணம் பெருகும் ஆடைகள்
சின்ன உடல்கள் மேல்
ஒரு சருகு போல் புரளும் ஆடைகள்
பிஞ்சுக் கைகள் தனக்குத் தானே
எப்போதும் இழுத்து விளையாடும் ஆடைகள்
அம்மாக்களால் ஒருபோதும் சீர்திருத்த முடியாத
ஆயிரம் வினோத வாசனையுள்ள ஆடைகள்

எப்போதும் பாதியில் நின்றுவிடும்
என் பேருந்திலிருந்து கை தவறி விழுந்துவிட்ட
ஒரு குழந்தையின் ஆடையை ஒரு நாள்
நான் துரத்திச் செல்ல ஆரம்பித்தேன்

ஒரு இறகு போல
பறக்க ஆரம்பித்த ஆடை
ஒரு பறவை போல
காற்றில் நீந்த ஆரம்பித்தது

ஆடைக்குள்ளிருந்து
இரண்டு பிஞ்சுக் கால்களும்
இரண்டு பிஞ்சுக் கைகளும்
நீண்டு வருவதை
சாம்பல் நிற வெளிச்சத்தில் கண்ட
சக பறவைகள் மனம் அதிர்ந்தன
அவை என் போலவே பைத்தியம் கொண்டு
பறக்கும் குழந்தையைப் பின் தொடர்கின்றன.

நான் ஒரு பறக்கும் குழந்தையை
நிலத்தின் வழியாகத் துரத்திச் செல்கிறேன்

நான் விழித்தெழும்போது
அந்தக் குழந்தை
தனது சொந்த வீட்டிற்கு
பாதுகாப்பாகத் திரும்பிவிட்டிருக்கும்

செல்வி

**M.M.SENTHIL** · **M.M.SENTHIL** Sat Nov 09, 2013 2:35 pm

பறக்கும் குழந்தை கனவின் முடிவில் பாதுகாப்பாய் தனது சொந்த வீட்டிற்கு திரும்பியபின் கனவு கலையாதிருக்கட்டும். ஏனெனில் கனவில் குழந்தை வரும் அந்த சில நிமிட நேரமாவது உள்ளம் ஆனந்தத்தில் முழ்கட்டும்.

**ஜாஹீதாபானு** · **ஜாஹீதாபானு** Sat Nov 09, 2013 4:52 pm

கவிதை அருமை புன்னகை

Sponsored content · Sponsored content

பறக்கும் குழந்தை

பறக்கும் குழந்தை

Re: பறக்கும் குழந்தை

Re: பறக்கும் குழந்தை

Re: பறக்கும் குழந்தை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக