உலகில் அதிக பணக்காரர்கள் உள்ள நாடுகளில் இந்தியாவுக்கு 6-வது இடம்

**டார்வின்** · **டார்வின்** Fri Nov 08, 2013 1:22 am

லண்டன், நவ. 7-

உலகில் அதிக கோடீஸ்வரர்களை கொண்ட டாப்-10 பட்டியலில் 515 கோடீஸ்வரர்களுடன் அமெரிக்கா முதலிடத்தில் உள்ளது. இதற்கடுத்த இடங்களை முறையே சீனா (157), ஜெர்மனி (148), பிரிட்டன் (135), ரஷ்யா (108) ஆகிய நாடுகள் விளங்குகின்றன. பின்னர் 103 மிகப்பெரிய கோடீஸ்வரர்களை கொண்டு இந்தியா 6-வது நாடாக விளங்குகிறது.

மேலும், பிரான்ஸ், சவூதி அரேபியா, சுவிட்சர்லாந்து, மற்றும் ஹாங்காங் ஆகிய நாடுகள் முறையே டாப்-10 பட்டியலில் இடம்பிடித்துள்ளன.

நாட்டின் வர்த்தக நகரமாக விளங்கும் மும்பையில் மட்டும் 30 கோடீஸ்வரர்கள் இருக்கின்றனர். உலக அளவில் அதிக கோடீஸ்வரர்களை கொண்ட டாப்-5 நகரங்களில் 5-வது நகரமாக மும்பை விளங்குகிறது. 96 கோடீஸ்வரர்களுடன் உலகின் முதலாவது இடத்தில் நியூயார்க் நகரம் விளங்குகிறது. ஹாங்காங், மாஸ்கோ, லண்டன் ஆகிய நகரங்கள் அடுத்தடுத்த இடங்களில் உள்ளன.

உலக அளவில் 2170 கோடீஸ்வரர்கள் இருப்பதாக கணக்கிடப்பட்டுள்ளது
malaimalar

**ayyasamy ram** · **ayyasamy ram** Fri Nov 08, 2013 8:49 am

-
இது நூறு கோடிக்கு மேல் உள்ளவர்கள் லிஸ்டாக
இருக்க கூடும்...!!
-
சென்னையில் கிண்டி, அடையார், போன்ற இடங்களில்
ஒரு காலி மனையின் ( 2400 சதுர அடி) விலையே ஒன்றரை
அல்லது இரண்டு கோடியாகும்...
-
இப்படிப்பட்ட மனையில் சொந்தமாக
வீடுகளுடன் உள்ளவர்கள்
ஆயிரக்கணக்கில் உள்ளனர்...
-
கோடீஸ்வரன் என்பது சர்வ சாதாரமான ஒன்று...