இனிமேல் மாதந்தோறும் டீசல் விலை 1 அதிகரிக்கிறது சிலிண்டருக்கு 10 உயர்த்த மத்திய அரசு அதிரடி முடிவு!

புதுடெல்லி:டீசல் விலையை மாதந்தோறும் லிட்டருக்கு ரூ.1 என்ற அளவிலும், சமையல் கேஸ் சிலிண்டரை மாதந்தோறும் ரூ.10 உயர்த்தவும் மத்திய அரசு திட்டமிட்டுள்ளது. பெட்ரோல் விலையை எண்ணெய் நிறுவனங்களே நிர்ணயித்து கொள்ள மத்திய அரசு அனுமதி வழங்கியுள்ளது. இதன் காரணமாக 15 நாட்களுக்கு ஒரு முறை, சர்வதேச அளவில் கச்சா எண்ணெய் விலைக்கேற்ப உள்நாட்டில் பெட்ரோல் விலையில் மாற்றம் செய்யப்பட்டு வருகிறது. இதை தொடர்ந்து டீசல் விற்பனையில் ஏற்படும் இழப்பை சரிகட்ட மாதந்தோறும் 50 காசுகள் உயர்த்தி கொள்ள எண்ணெய் நிறுவனங்களுக்கு அண்மையில் அனுமதி வழங்கப்பட்டது. கடந்த சில மாதங்களாக டீசல் விலை மாதந்தோறும் 50 காசுகள் அதிகரித்து வருகிறது.

கடந்த மே மாத நிலவரப்படி ஒரு லிட்டர் டீசல் விற்பனையில் எண்ணெய் நிறுவனங்களுக்கு ரூ.4 இழப்பு இருந்தது. அதன்பின், ரூபாயின் மதிப்பு சரிவு மற்றும் கச்சா எண்ணெய் விலை உயர்வு காரணமாக இந்த இழப்பு ரூ.11 ஆக அதிகரித்துள்ளது. இதை தொடர்ந்து டீசல் விலையை லிட்டருக்கு ரூ.5 உயர்த்த பரேக் கமிட்டி பரிந்துரை செய்தது. தற்போது டெல்லி, ராஜஸ்தான், சட்டீஸ்கர், மத்திய பிரதேசம், மிசோரம் ஆகிய 5 மாநிலங்களுக்கு சட்டமன்ற தேர்தல் தேதி அறிவிக்கப்பட்டுள்ளது. இந்த சமயத்தில் டீசல் விலையை கடுமையாக உயர்த்தினால் அது தேர்தல் முடிவுகளை பாதிக்கும். எனவே பரேக் கமிட்டி பரிந்துரையை மத்திய அரசு உடனடியாக ஏற்கவில்லை.

எனினும், டீசல் விற்பனையில் ஏற்படும் இழப்பை சரிகட்ட வேண்டிய கட்டாயத்தில் இருப்பதால் மாதந்தோறும் ரூ.1 அளவுக்கு டீசல் விலையை உயர்த்த மத்திய அரசு திட்டமிட்டுள்ளது. மாதந்தோறும் ரூ.1 அல்லது 15 நாட்களுக்கு ஒரு முறை 50 காசுகள் என்ற முறையில் டீசல் விலை உயர்த்தப்படலாம். இதே போல் சமையல் கேஸ் சிலிண்டர் விலையையும் மாதந்தோறும் ரூ.5 முதல் 10 வரை உயர்த்தவும் மத்திய அரசு திட்டமிட்டுள்ளது.

கேஸ் சிலிண்டருக்கு ஏற்கனவே கட்டுப்பாடுகள் விதிக்கப்பட்டுள்ளன. அதன்படி ஒரு குடும்பத்துக்கு ஆண்டு ஒன்றுக்கு 9 சிலிண்டர்கள் மட்டுமே மானிய விலையில் வழங்கப்படும். இதனால் இந்த ஆண்டு சமையல் கேஸ் விற்பனையில் ஏற்படும் இழப்பு ஓரளவு குறையும் என எண்ணெய் நிறுவனங்கள் எதிர்பார்த்திருந்தன. ஆனால் அமெரிக்க டாலரின் மதிப்பு கணிசமாக உயர்ந்து எண்ணெய் நிறுவனங்களின் கனவில் மண்ணை வாரி போட்டன. இதன் காரணமாக கேஸ் விலையையும் உயர்த்த வேண்டிய கட்டாயத்துக்கு மத்திய பெட்ரோலிய அமைச்சகம் தள்ளப்பட்டிருப்பதாக எண்ணெய் நிறுவன உயர் அதிகாரி ஒருவர் தெரிவித்தார்.

இந்த தகவல்கள் குறித்து பெட்ரோலிய அமைச்சர் வீரப்ப மொய்லி கருத்து தெரிவிக்க மறுத்துவிட்டார்.இதுகுறித்து பெட்ரோலிய துறை அதிகாரிகள் கூறுகையில, டீசல் விலையை ஒரேயடியாக உயர்த்தும் எண்ணம் இல்லை. படிப்படியாக உயர்த்தப்படும். அதன்படிதான் மாதந்தோறும் சிறிய அளவில் விலையை உயர்த்த திட்டமிடப்பட்டுள்ளது. ஆனால், கேஸ் சிலிண்டர் ஒன்றுக்கு மாதந்தோறும் ரூ.500க்கும் மேல் மானியம் வழங்கப்படுகிறது. இதனால் அரசுக்கு நஷ்டம் அதிகரித்து வருகிறது. இதை சமாளிக்க, டீசலை போலவே மாதந்தோறும் சிலிண்டருக்கும் விலை உயர்த்தலாம்Õ என்று அமைச்சகம் பரிசீலித்து வருகிறது என்றனர்.

டீசல் விலை உயர்ந்தால், அத்தியாவசிய பொருட்கள் விலை உடனடியாக உயரும். ஏற்கனவே, வெங்காயம் ஒரு கிலோ ரூ.100 என்ற அளவிலும், தக்காளி விலை ரூ.80 என்ற அளவுக்கும் கிடுகிடுவென உயர்ந்துள்ளது. விலை குறைவதற்கான அறிகுறிகளே தெரியவில்லை. இந்நிலையில் டீசல் விலை உயர்ந்தால் ஏழை, எளிய மக்கள் கடுமையாக பாதிக்கப்படுவார்கள் என்று அரசியல் கட்சியினர் எதிர்ப்பு தெரிவித்து வருகின்றனர்.

Dinamani

இன்னும் கொஞ்சம் காலம்தான் உங்கள் ஆட்டம்

பெட்ரோல் விலையை எண்ணெய் நிறுவனங்களே நிர்ணயித்து கொள்ள மத்திய அரசு அனுமதி வழங்கியுள்ளது

இதுக்கு மட்டும் அனுமதி கொடுப்பாங்க.... ஆனா கஷ்டப்பட்டு விவசாயம் பண்ற விவசாயிங்களுக்கு மட்டும் விலை  நிர்ணயித்து கொள்ள அனுமதி இல்லை என்ன கொடுமை..

amirmaran wrote:

பெட்ரோல் விலையை எண்ணெய் நிறுவனங்களே நிர்ணயித்து கொள்ள மத்திய அரசு அனுமதி வழங்கியுள்ளது

இதுக்கு மட்டும் அனுமதி கொடுப்பாங்க.... ஆனா கஷ்டப்பட்டு விவசாயம் பண்ற விவசாயிங்களுக்கு மட்டும் விலை  நிர்ணயித்து கொள்ள அனுமதி இல்லை என்ன கொடுமை..

அதுதானே ?  

காஸ் விலை 250 ஏறும் என்று சொன்னாளே ? எங்க போகப்போகிறது நம் நாடு ?

காஸ் விலை 250 ஏறும் என்று சொன்னாளே ? எங்க போகப்போகிறது நம் நாடு ?

இந்தியா என்று ஒரு பெரிய நாடு அதிக மக்கள் தொகையுடன்  இருந்தது... நாளும் அதிகரித்த விலைவாசி உயர்வால் மக்கள் உண்ண வழி இன்றி பட்டினியால் வாடி இறந்தனர்... இப்போது வெறும் பணக்காரர்கள் மட்டும் உள்ளனர் என்று நாளை வரலாறு சொல்லும்....