கட்சி...சின்னம்.. ஓட்டு... எல...எல...

**சிவா** · **சிவா** Wed Nov 06, 2013 5:37 pm

எதையுமே முதல் தடவை செய்யும்போதுதான் பயமும் பதற்றமும் இருக்கும். இரண்டாவது மூன்றாவது தடவையில் அதுவே பழகிப் போகும். 'இரட்டை இலை’ விவகாரத்தில் அதுதான் நடக்கிறது!

சென்னைக் கடற்கரையில் உள்ள எம்.ஜி.ஆர். சமாதியில், இரட்டை இலை வடிவம் கொண்ட சிற்பம் இடம்பெற்றது. 'அரசுப் பணத்தில் அ.தி.மு.க. சின்னமா?’ என்று நீதிமன்றம் போனார்கள். 'அது இரட்டை இலை இல்லை. குதிரையின் விரிந்த சிறகுகள்தான்’ என்று சிரிக்காமல் காரணம் சொன்னார்கள். ஆனால், மக்கள் சிரித்துக்கொண்டார்கள்.

அடுத்து, 'அம்மா குடிநீர்’ பாட்டில்களில் இரட்டை இலை இடம்பெற்றது. 'அது பச்சை இலைகள் கொண்ட கிளைதானே தவிர, இரட்டை இலை அல்லவே’ என்று ரத்தத்தின் ரத்தங்கள் சொல்லிக்கொண்டார்கள். ஆனால், இரண்டு இரண்டு இலைகள் கொண்டதாகவே அந்தக் கிளைகள் அமைந்திருந்தது இயற்கையின் கொடையாக இருக்கலாம்!

இப்போது மூன்றாவது கட்டம்...

கடந்த புதன்கிழமை அன்று சென்னையில் சிறிய பேருந்துகளை அறிமுகப்படுத்தினார் ஜெயலலிதா. அதிலும் அப்பட்டமாக இரட்டை இலை. இதற்கு என்ன சொல்வார்களோ என்று கேட்டபோது அ.தி.மு.க. தொண்டர் ஒருவர் சொன்னார்...

''சார் இது எங்க கட்சி சின்னம் இல்லை. புரட்சித் தலைவர் வணங்கியது கொல்லூர் மூகாம்பிகை. அதன் கலசத்தைக் கவனிச்சீங்கன்னா தெரியும் இரட்டை இலை!''

- இது எப்படி இருக்கு?

**சிவா** · **சிவா** Wed Nov 06, 2013 5:38 pm

இரட்டை இலை துளிர்த்தது எப்படி?

கட்சி...சின்னம்.. ஓட்டு... எல...எல... 1452027_578622078877560_1656668906_n

இரட்டை இலை சின்னத்தில் முதலில் நின்றவர் திண்டுக்கல் மாயத்தேவர். அவரிடம் பேசினோம். ''தலைவர் எம்.ஜி.ஆரால் தொடங்கப்பட்ட அ.தி.மு.க. புதிய கட்சி என்பதால் அதற்கென தனியாக சின்னம் எதுவும் கிடையாது. ஆனாலும் திண்டுக்கல் இடைத்தேர்தலில் கட்சி போட்டியிட்டது. நான் வேட்பாளராக அறிவிக்கப்பட்ட நிலையில், வேட்பாளர்களுக்கு சின்னம் ஒதுக்கும் பணி மதுரை கலெக்டர் அலுவலகத்தில் நடந்தது. அதில் 16 சின்னங்கள் வைத்திருந்தார்கள். நான் இரட்டை இலையை தேர்ந்தெடுத்தேன்.

'வின்சென்ட் சர்ச்சில் மிகப் பெரிய வெற்றிக்கு பிறகு விக்டரி என்பதற்கு அடையாளமாக இரண்டு விரலைக் காட்டினார். அது மாதிரி ரெட்டை இலையும் பார்ப்பதற்கு 'வீ’ மாதிரி இருக்கு. பிரசாரம் செய்யுறப்ப ரெண்டு விரலை காட்டிப் பிரசாரம் செய்ய வசதியா இருக்கும். இரண்டாவது காரணம், உங்க ராசி எண் 2-ம் 7-ம். இதில் இரண்டு இருக்கு. அதனால் அந்த சின்னத்தை தேர்வு செஞ்சேன். மூன்றாவதாக, சுவற்றில் மிகவும் சுலபமாக இந்த சின்னத்தை வரைய முடியும். நான்காவதாக, வாக்கு கேட்கச் செல்லும் இடங்களில் பெண்களிடம் இரண்டு இலையை மட்டும் கொடுத்து சுலபமா வாக்கு கேட்கலாம்’ என்றேன். நான் சொன்னதை கவனமாகக் கேட்ட தலைவர் 'ஓகே’னு சொல்லிட்டார். உடனே தேர்தல் வேலையைத் தொடங்கினோம்'' என நெகிழ்ச்சியுடன் அந்த நினைவுகளைப் பகிர்ந்தார், மாயத்தேவர்.

விகடன்

**சிவா** · **சிவா** Wed Nov 06, 2013 5:41 pm

முன்பு அளவுக்கு அதிகமாகச் சொத்துச் சேர்த்ததால் மக்கள் இவரைத் தூக்கியெறிந்தார்கள், இப்பொழுதும் முதல்வர் சிறிதும் மாறவில்லை, அளவுக்கு அதிகமாகச் சொத்துச் சேர்ந்துவிட்டதால், இப்பொழுது அளவுக்கு அதிகமாக தன் புகழ் பரப்பும் பணியைத் துவங்கிவிட்டார், அதுவும் மக்கள் பணத்தில்!

Sponsored content · Sponsored content

கட்சி...சின்னம்.. ஓட்டு... எல...எல...

கட்சி...சின்னம்.. ஓட்டு... எல...எல...

Re: கட்சி...சின்னம்.. ஓட்டு... எல...எல...

Re: கட்சி...சின்னம்.. ஓட்டு... எல...எல...

Re: கட்சி...சின்னம்.. ஓட்டு... எல...எல...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக