Latest topics

சிற்றுந்துகளில் இரட்டை இலை: அகற்றக்கோரி மு.க.ஸ்டாலின் வழக்கு!

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

சிற்றுந்துகளில் இரட்டை இலை: அகற்றக்கோரி மு.க.ஸ்டாலின் வழக்கு!

Post by சிவா Wed Nov 06, 2013 5:25 pm

சென்னை: சிற்றுந்துகளில் உள்ள இரட்டை இலை சின்னத்தை அகற்ற உத்தரவிடக்கோரி உயர்நீதிமன்றத்தில் தி.மு.க. பொருளாளர் மு.க.ஸ்டாலின் வழக்கு தொடுத்துள்ளார்.

இது தொடர்பாக மு.க.ஸ்டாலின் சென்னை, உயர்நீதிமன்றத்தில் மனு ஒன்றை இன்று தாக்கல் செய்தார். அந்த மனுவில் ''சென்னையில் சமீபத்தில் அறிமுகப்படுத்தப்பட்ட சிற்றுந்துகளில் இரட்டை இலை சின்னம் வரையப்பட்டுள்ளது.

இதை அகற்றக்கோரி ஏற்கனவே, நாங்கள் சட்டமன்றத்தில் குரல் கொடுத்தும் இதுவரை அதை அகற்ற நடவடிக்கை எடுக்கவில்லை. எனவே, சிற்றுந்துகளில் உள்ள இரட்டை இலை சின்னத்தை அகற்ற அதிகாரிகளுக்கு உத்தரவிட வேண்டும்'' எனக் கூறியுள்ளார்.

மேலும், ''இதேபோல், தமிழக அரசு சார்பில் கொண்டு வரப்பட்ட அம்மா குடிநீர் திட்ட பாட்டிலிலும், இரட்டை இலை சின்னமும், ஜெயலலிதா படமும் வைக்கப்பட்டிருக்கிறது. அதேப்போன்று எம்.ஜி.ஆர். சமாதியிலும் இரட்டை இலை சின்னம் வைக்கப்பட்டிருக்கிறது. இவைகளை அகற்றவும் உத்தரவிட வேண்டும்'' என அவர் தனது மனுவில் கூறியுள்ளார்.

இவ்வழக்கு சென்னை உயர் நீதிமன்றத்தில் விரைவில் விசாரணைக்கு வர உள்ளது.

சிவா: நிறுவனர்; பதிவுகள் : 91538
இணைந்தது : 19/09/2008