கணவரை மயக்க யோசனைகள்

பாராட்டோ, விமர்சனமோ சின்னச் சின்ன விஷயங்களுக்குக் கூட உடனடியாக ரியாக்ட் செய்து விடுவார்கள் பெண்கள் என்பது பொதுவான கருத்து. ஆனால் ஆண்கள் அப்படியில்லை. அவர்களை அத்தனை சுலபத்தில் யாராலும் எந்த விஷயத்திலும் திருப்திப் படுத்திவிட முடியாது என்பது பல பெண்களின் நினைப்பு. உண்மையில் அவர்களை வீழ்த்த அப்படியொன்றும் பிரமப் பிரயத்தனங்கள் தேவையில்லை. உங்களவரை வெறும் பேச்சாலேயே வசப்படுத்தி விழ வைக்க இதோ சில யோசனைகள்...

@ படுக்கையறையே உங்களுக்கான முதல் களம். கணவனின் விருப்பங்களுக்கு ஈடு கொடுப்பவளாக மட்டுமே இருப்பது அங்கே முக்கியமில்லை. அவரது சின்னச்சின்ன ஸ்பரிசங்களில் உங்களுக்குப் பிடித்ததை வெளிப்படையாகச் சொல்லலாம். அவரிடம் உங்களுக்குப் பிடித்த சின்னச் சின்ன சில் மிஷங்களை உடனுக்குடன் பாராட்டலாம். கல்யாணமானால் என்ன? தினம் ஒரு முறையாவது, அதுவும் அந்தரங்க நேரத்தில் அவரிடம் ஐ லவ் யூ சொல்லிப் பாருங்கள். மனிதர் ஃபிளாட்!

@ ஒவ்வொரு வீட்டு ஆம்பிளைங்களும் என்னென்னவோ செய்யறாங்க. உங்களுக்கு சுவத்துல ஆணி அடிக்கக் கூடத் துப்பில்லை என்கிற ரிதியில் கணவரைக் கரித்துக் கொட்டும் மனைவிகள் பலர். நீங்களும் அந்த ரகமாக இருந்தால் உடனே மாற்றிக் கொள்ளுங்கள். அவருடைய திறமைகளை மனமாரப் பாராட்டுங்கள். சின்ன சாதனையாக இருந்தாலும் அதைப் பற்றிப் பேசி அவரைக் குஷிப் படுத்துங்கள். அப்படிப் பாராட்ட உங்களுக்குத் தெரியாவிட்டாலும் பரவாயில்லை. அவர் சொல்வதைக் காது கொடுத்துக் கேட்கவாவது செய்யுங்கள். அவராக உங்களிடம் தன் சாதனைகளைப் பற்றிப் பேச வரும்போது கூட வீட்டு வரவு, செலவு கணக்கு பற்றிப் பேசிக் கொண்டிருக்காதீர்கள். காய்கறி வெட்டிக் கொடுத்தால்கூட ஐயே இப்படித்தான் வெட்டறதா? என்று முகம் சுளிக்காமல் எப்படிங்க உங்களால மட்டும் இப்படி புது ஷேப்ல எல்லாம் வெட்டி அசத்த முடியுது? என்று ஒரு பெரிய ஐஸ் கட்டியைத் தூக்கி அவர் தலையில் வைத்து விடுங்கள்.

@ ஒவ்வொருவரிடமும் ஒவ்வொரு மேனரிசம் இருக்கும். பிடிக்காத பட்சத்தில் அவற்றை உடனடியாக மாற்றிக்கொள்ள முடியாது. கொஞ்சம் கொஞ்சமாகத் தான் மாற்ற வேண்டும்.

உங்களைத் தேடி வீட்டிற்கு யாராவது பெண்கள் வந்தால் உங்கள் கணவரும் உங்களோடு சேர்ந்து உட்கார்ந்து கொண்டு வாயைப் பார்க்கிறாரா? அதை அப்போதே அவரிடம் சொல்லித் திருத்தப் பார்த்தால் ஆபத்துதான். அப்போது விட்டு விடுங்கள். சரியான சந்தர்ப்பம் கிடைக்கும் போது பக்குவமாகச் சொல்லுங்கள். நேத்து என் ஃப்ரெண்ட் மாலினியைப் பார்க்கப் போனேங்க. அவகிட்டக் கொஞ்ச நேரம் தனியா உட்கார்ந்து பேசிட்டு வராலாம்னு பார்த்தா அவ புருஷனும் அவ பக்கத்துல வந்து உட்கார்ந்துக்கிட்டார். ரெண்டு பேருக்குமே தர்ம சங்கடமாப் போச்சுங்க. என்னதான் சொல்லுங்க, உங்க நாகரிகம் யாருக்கு வரும்? என்று சொல்லிப் பாருங்கள். அடுத்த முறை உங்களைத் தேடி யாராவது வீட்டிற்கு வந்தால் எங்க உன் புருஷனைக் கண்ல காட்ட மாட்டேங்கிறியே என்று கேட்குமளவுக்கு மாறியிருப்பார் அவர். அவரைத் திருத்தும் விஷயங்களில் உங்களது அணுகுமுறை இப்படியே இருக்கட்டும்.

@ அமீர்கானையும், அஜீத்தையும் திரையில் பார்த்துப் பார்த்து வியந்து நமக்கு இப்படி ஒரு புருஷன் அமையலியே என்று ஏங்கும் பெண்கள் பலர் உண்டு. தன் எதிர்பார்ப்பிற்குக் கொஞ்சமும் பொருத்த மில்லாத கணவன் அமையும் போது அவனிடம் மனம் ஒன்றி வாழ முடியாமல் வாழ்க் கையைத் தொலைத்துக் கொள்கிறார்கள். எல்லாரிடமும் பிளஸ்சும் உண்டு.மைனஸும் உண்டு. மைனஸை விட்டு, பிளஸ்சைப் பாராட்டக் கற்றுக் கொள்ளுங்கள். உதாரணத்திற்கு உங்கள் கணவர் கருப்பாக இருக்கலாம். ஆனால் அவரது சிரிப்பு வசீகரமானதாக இருக்கலாம். யப்பா, இந்த சிரிப்புலதான் நான் மயங்கிட்டேன் என்று சொல்லுங்கள். அதே மாதிரி அவருக்குத் தலை வழுக்கையாக இருக்கலாம். அதை நினைத்துக் கவலைப் படாமல் இந்த வழுக்கை தாங்க உங்களுக்கு அழகே என்று சும்மா சொல்லி வையுங்கள். அப்புறம் பாருங்கள் அவரது ரியாக்ஷனை, மனிதர் உங்களையே சுற்றிச்சுற்றி வருவார் எப்போதும்.

நல்ல யோசனை சொன்னாருயாய்யா நம்ம சிவா அண்ணன்

சபீர் wrote:நல்ல யோசனை சொன்னாருயாய்யா நம்ம சிவா அண்ணன்

அவருக்குத் தலை வழுக்கையாக இருக்கலாம். அதை நினைத்துக் கவலைப் படாமல் இந்த வழுக்கை தாங்க உங்களுக்கு அழகே என்று சும்மா சொல்லி வையுங்கள். அப்புறம் பாருங்கள் அவரது ரியாக்ஷனை, மனிதர் உங்களையே சுற்றிச்சுற்றி வருவார் எப்போதும்.

இப்பவும் இதுதான் நடந்திட்டுருக்கோ ?!

Halfmoon wrote:

சபீர் wrote:நல்ல யோசனை சொன்னாருயாய்யா நம்ம சிவா அண்ணன்

அவருக்குத் தலை வழுக்கையாக இருக்கலாம். அதை நினைத்துக் கவலைப் படாமல் இந்த வழுக்கை தாங்க உங்களுக்கு அழகே என்று சும்மா சொல்லி வையுங்கள். அப்புறம் பாருங்கள் அவரது ரியாக்ஷனை, மனிதர் உங்களையே சுற்றிச்சுற்றி வருவார் எப்போதும்.

இப்பவும் இதுதான் நடந்திட்டுருக்கோ ?!

பப்லிக் பப்லிக்