காந்தி ராட்டினம் ரூ. 1 கோடிக்கு ஏலம் !

லண்டன்: சுதந்திர போராட்டத்தின் ஒரு பகுதியாக, அன்னிய துணிகளை பயன்படுத்தக் கூடாது என எண்ணிய காந்தி, ராட்டினம் மூலம், நூல் நூற்று, கதர் துணிகளை தயாரித்து பயன்படுத்தினார். நாட்டு மக்களும் அதை பின்பற்ற வேண்டும் என்று கேட்டுக் கொண்டார். இந்த கொள்கையை அவர் வாழ்நாள் முழுவதும் கடைப்பிடித்தார். சுதந்திர போராட்டத்திற்காக பலமுறை வெள்ளையர்களால் கைது செய்யப்பட்டு, சிறையில் அடைக்கப்பட்ட போதும், ராட்டையில் நூல் நூற்பதை வழக்கமாக கொண்டிருந்தார்.
கடந்த 1930ம் ஆண்டு, புனே யரவாடா சிறையில் காந்தி அடைக்கப்பட்டார். சிறையில், டைப்ரைட்டர் அளவிலான சிறிய ராட்டினத்தை அவர் நூல் நூற்க பயன்படுத்தினார். மடக்கி வைத்துக் கொள்ளும் வகையிலான இந்த ராட்டினத்தை அவர் தொடர்ந்து பயன்படுத்தி வந்தார். 1935ம் ஆண்டு, அமெரிக்க மிஷினரியின் பியோயட் பபர் என்பவருக்கு காந்தி அன்பு பரிசாக வழங்கினார்.

எதிர்பார்த்த தொகைக்கும் மேலாக : இந்த ராட்டினம் சமீபத்தில், ஷெராப்ஷயர், லுட்லோ ரேஸ்கோர்ஸ் வளாகத்தில் நடந்த ஏலத்தில், ஏலத்திற்கு வந்தது. இந்த ராட்டினம் 1.10 லட்சம் பவுண்ட்டிற்கு ( இந்திய மதிப்பில் ரூ. 1கோடியே 9 லட்சத்து 53 ஆயிரத்து 686 ) ஏலம் போனது. போன் மூலம் ராட்டையை ஒருவர் ஏலம் எடுத்ததாக, ஏலத்தை நடத்திய முல்லாக்ஸ் தெரிவித்தார். ராட்டை ஏலம் போனது குறித்து, ஏல வளாகத்தில் இருந்த ரிச்சர்டு வெஸ்ட்உட் புரூக்ஸ் என்பவர் கூறுகையில், 'காந்தி பயன்படுத்திய ராட்டை, எதிர்பார்த்த தொகைக்கும் மேலாக ஏலம் போனது,' என்றார்.

கடிதம் - மிதியடி - சால்வை - மூக்கு கண்ணாடி: ஏற்கனவே, காந்தி பயன்படுத்திய பல பொருட்கள் ஏலத்திற்கு விடப்பட்டு, அதிக தொகைக்கு எடுக்கப்பட்டுள்ளன. கடந்த பிப்ரவரி மாதம் நடந்த ஒரு ஏலத்தில், காந்தி எழுதிய கடிதம் ஒன்று, 1.15 லட்சம் பவுண்ட்டிற்கு ஏலம் போனது. இது ஒரு சாதனையாகும். அவர் பயன்படுத்திய மிதியடி, சால்வை உள்ளிட்ட பொருட்கள் 2.5 லட்சத்திற்கு ஏலம் போயின என்பது குறிப்பிடத்தக்கது. கடந்த ஆண்டு, காந்தியின் மூக்கு கண்ணாடிகள் இரண்டு, 20 ஆயிரம் பவுண்டு என விலை நிர்ணயிக்கப்பட்ட நிலையில், 34 ஆயிரம் பவுண்டிற்கு ஏலம் போனது.

நன்றி : தினமலர்

ஆமாம் இதெல்லம் யாரு ஏலம் போடறா? ஏன் காந்தி இன் பொருட்கள் நம் நாட்டில் இல்லை ? யாருக்காவது தெரியுமா பதில் சொல்லுங்கோ

krishnaamma wrote:ஆமாம் இதெல்லம் யாரு ஏலம் போடறா? ஏன் காந்தி இன் பொருட்கள் நம் நாட்டில் இல்லை ? யாருக்காவது தெரியுமா பதில் சொல்லுங்கோ

அதானே அக்கா!

காந்திஜியின் பொருட்கள் ஏன் இந்தியாவில் இல்லை?

ஒரு கோடிக்கு வாங்கி என்ன செய்ய?