சேனல் 4 இயக்குநர் கல்லம் மேக்ரேவுக்கு இந்திய விசா மறுப்பு,,,

by **டார்வின்** Tue Nov 05, 2013 2:25 pm

இலங்கையில் நிகழ்ந்த இனப்படுகொலைகளை வீடியோ காட்சிகள் மூலம் வெளி உலகுக்குக் கொண்டு வந்த சேனல் 4 தொலைக்காட்சியின் இயக்குநர் கல்லம் மேக்ரே இந்தியா வர விசா மறுக்கப்பட்டுள்ளது.

புது தில்லியில் நவம்பர் 7ம் தேதி லாபநோக்கற்ற அமைப்பு ஒன்று ஏற்பாடு செய்துள்ள நிகழ்ச்சியில் கலந்து கொள்வதற்காக நவம்பர் 6ம் தேதி இந்தியா வர கல்லம் மேக்ரே திட்டமிட்டிருந்தார்.

இந்த நிலையில், கல்லம் மேக்ரேவின் விசாவை மத்திய அரசு நிராகரித்துள்ளது.

தமிழீழ படுகொலைகள், விடுதலைப் புலிகளின் தலைவர் பிரபாகரனின் இளைய மகன் கொல்லப்பட்டது முதல் இறுதியாக விடுதலைப் புலிகளின் செய்தி தொடர்பு பிரிவில் பணியாற்றிய இசைப்பிரியா, இலங்கை ராணுவத்தால் கொல்லப்பட்டது வரை அனைத்தையும் வீடியோக்கள் மூலம் வெளிச்சத்துக்குக் கொண்டு வந்த சேனல் 4 தொலைக்காட்சியின் இயக்குநருக்கு விசா மறுக்கப்பட்டிருப்பது தமிழ் ஆர்வலர்கள் இடையே கடும் அதிருப்தியை ஏற்படுத்தியுள்ளது.
thinamani,,

by ரேவதி Tue Nov 05, 2013 4:16 pm

நல்லதும் செய்ய மாட்டிங்க செய்பவர்களையும் விட மாட்டிங்க உங்க அரசியலில் மண்ணை அள்ளி போட என்ன கொடுமை சார் இது

by **டார்வின்** Tue Nov 05, 2013 4:27 pm

விசா மறுப்பு: கல்லம்மெக்ரே வருத்தம்
டெல்லி வருவதற்கு மத்திய அரசு விசா வழங்காமல் இருப்பது, தம்மை கவலையடைய செய்துள்ளதாக சேனல்-4 தொலைக்காட்சியின் இயக்குநர் கல்லம் மெக்ரே தெரிவித்துள்ளார்.
இதுதொடர்பாக அவர் விடுத்துள்ள அறிக்கையில், தாம் தயாரித்த ''போர் இல்லா மண்டலம் - இலங்கையின் கொலைக்களங்கள்'' என்ற ஆவணப்படம் டெல்லியில் வரும் 7 ஆம் தேதி திரையிடப்படவுள்ளதாக தெரிவித்துள்ளார்.
இந்த நிகழ்ச்சியில் கலந்து கொள்வதற்காக, மத்திய அரசிடம் விசா கேட்டு, கடந்த பிப்ரவரி மாதம் விண்ணப்பித்தாகவும், ஆனால் எட்டு மாதங்கள் ஆகியும் இதுவரை விசா வழங்கப்படவில்லை என்றும் கல்லம் மெக்ரே கூறியுள்ளார்.
விசா தொடர்பாக மத்திய அரசு அதிகாரிகளுடன் பல முறை தொடர்பு கொண்டும், எந்த காரணமும் கூறாமல் விசா வழங்க மறுக்கப்பட்டுள்ளதாகவும் அவர் கவலைத் தெரிவித்துள்ளார்.

by **மாணிக்கம் நடேசன்** Tue Nov 05, 2013 7:17 pm

இந்திய அரசியல் மேல் மட்ட தலைவர்களை இவ்வளவு நாள்களாக மனிதர்கள் என்று நினைத்திருந்தேன், இப்பொழுதுதான் தெரிகிறது அவர்கள் மனிதாபமற்ற சாத்தானின் பிள்ளைகள் என்று.

by **SajeevJino** Tue Nov 05, 2013 7:45 pm

மத்திய அரசிடம் விசா கேட்டு, கடந்த பிப்ரவரி மாதம் விண்ணப்பித்தாகவும், ஆனால் எட்டு மாதங்கள் ஆகியும் இதுவரை விசா வழங்கப்படவில்லை என்றும் கல்லம் மெக்ரே கூறியுள்ளார்.

இதுவரை அவரின் கோரிக்கையை நிலுவையிலேயே வைத்திருக்கிறார்கள் ..ஒரு வேலை அனுமதி வழங்கப்படலாம்

by **ayyasamy ram** Tue Nov 05, 2013 7:51 pm

Meanwhile Macrae has stated that India’s decision to deny him visa was not acceptable while Sri Lankan government has consented to issue him visa to cover forthcoming Commonwealth Summit in Colombo.

by Sponsored content

சேனல் 4 இயக்குநர் கல்லம் மேக்ரேவுக்கு இந்திய விசா மறுப்பு,,,

சேனல் 4 இயக்குநர் கல்லம் மேக்ரேவுக்கு இந்திய விசா மறுப்பு,,,

Re: சேனல் 4 இயக்குநர் கல்லம் மேக்ரேவுக்கு இந்திய விசா மறுப்பு,,,

Re: சேனல் 4 இயக்குநர் கல்லம் மேக்ரேவுக்கு இந்திய விசா மறுப்பு,,,

Re: சேனல் 4 இயக்குநர் கல்லம் மேக்ரேவுக்கு இந்திய விசா மறுப்பு,,,

Re: சேனல் 4 இயக்குநர் கல்லம் மேக்ரேவுக்கு இந்திய விசா மறுப்பு,,,

Re: சேனல் 4 இயக்குநர் கல்லம் மேக்ரேவுக்கு இந்திய விசா மறுப்பு,,,

Re: சேனல் 4 இயக்குநர் கல்லம் மேக்ரேவுக்கு இந்திய விசா மறுப்பு,,,