குட்டு வெளிப்பட்டது!

**krishnaamma** · **krishnaamma** Sun Nov 03, 2013 7:30 pm

அரும்பூர் என்னும் கிராமத்தில் தங்கராசு என்ற விவசாயி, விவசாயம் செய்து வந்தார். அவருக்கு உடல் நலம் சரியில்லாமல் போக, அவர் தன் பிள்ளைகளான ஜெகன், பாலன் இருவரையும் வயலுக்கு வேலை செய்ய அனுப்பினார். இயல்பிலேயே உழைப்பாளியான ஜெகன், வயலில் இறங்கிக் கடுமையாக உழைக்க, சோம்பேறியான அவன் தம்பி பாலன் மரத்தடியில் படுத்து, சுகமாய் தூங்கினான்.

மாலை மங்கியதும், இருவரும் வீடு திரும்பினர். பாலன் சாமர்த்தியமாக, சிறிது சேற்றை எடுத்து தன் கை, கால்கள், உடைகளில் அப்பிக் கொண்டு, அண்ணனுடன் வீடு திரும்பினான்.வீட்டுக்கு வந்ததும் பாலன், அம்மாவிடம், ""பாரும்மா! நான் நாள் முழுவதும் வயலில் கடுமையாக வேலை செய்தேன். அண்ணன் ஒன்றுமே செய்யாமல் நன்றாகக் குறட்டை விட்டுத் தூங்கினான்,'' என்று அண்டப்புளுகு புளுகினான்.

பாலன் சொன்னதை உண்மை என்று நம்பிய அப்பாவி அம்மா, ஜெகனைக் கடிந்து கொண்டாள்.
ஆனால், ஜெகன் தன் தம்பியைக் காட்டிக் கொடுக்க விரும்பாமல் மவுனமாக இருந்து விட்டான். இரவு உணவருந்திய பின் இருவரும் உறங்கச் சென்றனர். ஜெகன் உடனே உறங்கிப் போக, பாலன் தூக்கம் வராமல் புரண்டு, புரண்டு படுத்தான்.

அவனை உற்று கவனித்த அவன் தந்தை தங்கராசு, ""பாலா! உன் அண்ணன் நாள் முழுவதும் கடுமையாக வேலை செய்த களைப்பில் இப்போது அயர்ந்து தூங்கு கிறான். ஆனால், நீயோ வேலை செய்யாமல் நாள் முழுவதும் வெட்டியாய் தூங்கியிருக்கிறாய் என்பது நன்றாகத் தெரி கிறது. அதனால் தான், இப்போது நீ தூக்கம் வராமல் தவிக் கிறாய். உன் அண்ணன் அப்படியும் உன்னைக் காட்டிக் கொடுக்கவில்லை. நீயும் இருக்கிறாயே! சே!'' என்று இகழ்ந்தார்.குட்டு வெளிப்பட்டதைக் கண்டு, பாலன் கூனிக்குறுகினான்.

நன்றி : வாரமலர்

**சிவா** · **சிவா** Sun Nov 03, 2013 11:07 pm

இந்த பதிவைத் துவங்கியவர் நன்றி கூறியுள்ளார் சிவா

**krishnaamma** · **krishnaamma** Mon Nov 04, 2013 3:38 pm

சிவா wrote:

சிலருடைய குட்டுகள் சீக்கிரம் வெளிப்படுகிறது, ஆனால் சிலரின் குட்டுகள் நம் வாழ்நாள் முழுவதும் வெளிப்படுவதே இல்லையே சிவா? ஏன் சிவா ? சோகம்

**T.N.Balasubramanian** · **T.N.Balasubramanian** Mon Nov 04, 2013 4:21 pm

krishnaamma wrote:
சிவா wrote:
சிலருடைய குட்டுகள் சீக்கிரம் வெளிப்படுகிறது, ஆனால் சிலரின் குட்டுகள் நம் வாழ்நாள் முழுவதும் வெளிப்படுவதே இல்லையே சிவா? ஏன் சிவா ?

குட்டுக்கள் ---பொய்கள் என்ற அர்த்தத்தில் தானே, கையாளப்பட்டு இருக்கிறது.

வெளிப்படாத குட்டுகள் ---- வெளியே தெரியாத வரையில் குட்டுக்களே இல்லை அல்லது குட்டுக்களாக வருணிக்க படுவதில்லை.

வெளிப்படாத குட்டுக்கள் உங்களுக்கு ஏதாவது தெரியுமா?

( கூடாது

ஏதோ ஒரு சினிமாவில் , முகம் கழுவிக் கொண்டு இருக்கும் வடிவேலுவை யாரோ ஒருவர் குட்டிவிட்டு போக, குட்டியது யார் என்பதை குட்டை வைத்தே கண்டுபிடிக்க, ஹாஸ்டலில் இருக்கும் எல்லோரையும் அழைத்து வடிவேலு தலையில் குட்டி, குட்டி குட்டி, முழைத்த குட்டை, வெளிப்பட்ட குட்டு இதுதான் என்று சொல்லக்கூடாது.!)

ரமணியன்

**krishnaamma** · **krishnaamma** Mon Nov 04, 2013 6:30 pm

T.N.Balasubramanian wrote:
krishnaamma wrote:
சிவா wrote:
சிலருடைய குட்டுகள் சீக்கிரம் வெளிப்படுகிறது, ஆனால் சிலரின் குட்டுகள் நம் வாழ்நாள் முழுவதும் வெளிப்படுவதே இல்லையே சிவா? ஏன் சிவா ?

குட்டுக்கள் ---பொய்கள் என்ற அர்த்தத்தில் தானே, கையாளப்பட்டு இருக்கிறது.

வெளிப்படாத குட்டுகள் ---- வெளியே தெரியாத வரையில் குட்டுக்களே இல்லை அல்லது குட்டுக்களாக வருணிக்க படுவதில்லை.

வெளிப்படாத குட்டுக்கள் உங்களுக்கு ஏதாவது தெரியுமா?

( ஏதோ ஒரு சினிமாவில் , முகம் கழுவிக் கொண்டு இருக்கும் வடிவேலுவை யாரோ ஒருவர் குட்டிவிட்டு போக, குட்டியது யார் என்பதை குட்டை வைத்தே கண்டுபிடிக்க, ஹாஸ்டலில் இருக்கும் எல்லோரையும் அழைத்து வடிவேலு தலையில் குட்டி, குட்டி குட்டி, முழைத்த குட்டை, வெளிப்பட்ட குட்டு இதுதான் என்று சொல்லக்கூடாது.!)

ரமணியன்

நான் சின்ன வயதில் ஒருவர் பொய் - பொய்கள் ( இன்று வரை தொடர்கிறது ) சொல்வதை பார்த்து நொந்து போய், அம்மாவிடம் சொல்லி இருக்கேன், அவர்களின் முகமுடியை கிழித்தெறியும்படி. ஆனால் அம்மா சொல்வா எப்போதும், " வேண்டாம் அவாளை பெருமாள் பார்த்துப்பார்" என்று.....ஹும்..............இன்றுவரை அவர்களை பெருமாள் வெறுமனே பார்த்துக்கொண்டே தான் இருக்கார் ...............ஒரு நடவடிக்கையும் எடுக்கலை .......அந்த வேதனை இல் தான் அப்படி பதிவு போட்டேன் ஐயா புன்னகை

**T.N.Balasubramanian** · **T.N.Balasubramanian** Mon Nov 04, 2013 6:37 pm

ராம ராம !

ரமணியன்

**krishnaamma** · **krishnaamma** Mon Nov 04, 2013 6:42 pm

T.N.Balasubramanian wrote:ராம ராம !

ரமணியன்

எதுக்கு இப்போ அவரை கூப்பிடரிங்க ஐயா புன்னகை

**T.N.Balasubramanian** · **T.N.Balasubramanian** Mon Nov 04, 2013 6:55 pm

இன்னும் இது மாதிரி எல்லாம் நடக்கின்றதே என்ற ஆதங்கம் , ராமனை கூப்பிட்டேன்.
ராமனும் பெருமாளின் அவதாரம் தானே.
ரமணியன்

**krishnaamma** · **krishnaamma** Mon Nov 04, 2013 7:02 pm

T.N.Balasubramanian wrote:இன்னும் இது மாதிரி எல்லாம் நடக்கின்றதே என்ற ஆதங்கம் , ராமனை கூப்பிட்டேன்.
ராமனும் பெருமாளின் அவதாரம் தானே.
ரமணியன்

ஆமாம் ஐயா

Sponsored content · Sponsored content

குட்டு வெளிப்பட்டது!

குட்டு வெளிப்பட்டது!

Re: குட்டு வெளிப்பட்டது!

Re: குட்டு வெளிப்பட்டது!

Re: குட்டு வெளிப்பட்டது!

Re: குட்டு வெளிப்பட்டது!

Re: குட்டு வெளிப்பட்டது!

Re: குட்டு வெளிப்பட்டது!

Re: குட்டு வெளிப்பட்டது!

Re: குட்டு வெளிப்பட்டது!

Re: குட்டு வெளிப்பட்டது!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக