தீபாவளி: "டாஸ்மாக்' கஜானா நிரம்பி சிறப்பாக வருவாய் கிடைத்ததுள்ளது!

by **சிவா** Mon Nov 04, 2013 4:59 am

தீபாவளியை முன்னிட்டு, "டாஸ்மாக்' கடைகளில், 154 கோடி ரூபாய் மதிப்பிலான மது வகைகள் விற்பனையாகி உள்ளன.

தமிழகத்தில், சென்னை மண்டலம், 1,085; கோவை, 954; மதுரை, 1,752; சேலம், 1,336; திருச்சி மண்டலம், 1,711 என, மொத்தம், 6,838 "டாஸ்மாக்' கடைகள் உள்ளன. இந்த கடைகளில், நாள்தோறும், சராசரியாக, 67 கோடி ரூபாய் மதிப்பிற்கு, அரசு நிர்ணயம் செய்துள்ள விலையில், மதுபானங்கள் விற்பனையாகின்றன. தீபாவளி பண்டிகையை முன்னிட்டு, டாஸ்மாக் கடைகளில், 150 கோடி ரூபாய் மதி"ப்பிலான, மது வகைகள் விற்பனையாகும் என, எதிர்பார்க்கப்பட்டது. இதனால், 12 நாட்களுக்கு தேவையான மது வகைகள், கடைகளில் முன்கூட்டியே இருப்பு வைக்கப்பட்டன.

எதிர்பார்த்தது போலவே, இலக்கைத் தாண்டி நேற்று முன்தினம், தீபாவளி அன்று மட்டும், 154 கோடி ரூபாய் மதிப்பிலான, மது வகைகள் விற்பனையாகியுள்ளன. இது, கடந்த ஆண்டு விற்பனையை விட, 22 சதவீதம் (126 கோடி ரூபாய்) அதிகம். "டாஸ்மாக்' கஜானா நிரம்பி சிறப்பாக வருவாய் கிடைத்தது. இனி பண்டிகை நாட்கள் என்று முன்கூட்டியே சரக்குஇருப்பு முறையாக வைத்தால், அது இலக்கை தாண்டி விற்கப்படலாம் என்பதற்கு இது ஓர் உதாரணமாகி உள்ளது.

இதுகுறித்து, டாஸ்மாக் மாவட்ட மேலாளர் ஒருவர் கூறுகையில், "வாடிக்கையாளர்கள், அதிகம் வாங்கும்," சரக்கு'களுக்கு தட்டுப்பாடு ஏற்படாமல் இருக்க, அவற்றை முன் கூட்டியே கொள்முதல் செய்து, இருப்பு வைத்ததே, விற்பனை அதிகரிப்பு காரணம்' என்றார்.

அதே சமயம், தமிழகத்தில் பணப் பற்றாக்குறை என்பது மது குடிப்பவர்கள் பிரச்னையாக சிறிதும் இல்லை என்பதையும் இது காட்டுகிறது.

அல்சா மாலில் விற்பனை அமோகம்! உயர் வருவாய் பிரிவினருக்காக திறக்கப்பட்டுள்ள, சென்னை,அல்சா மால் ஷாப்பிங் காம்ப்ளக்சில் உள்ள, "டாஸ்மாக்' கடையில், தீபாவளிக்கு முந்தைய தினம் (வெள்ளிக்கிழமை) 8 லட்சம் ரூபாய்க்கு, மதுபானம் விற்பனையாகி உள்ளது. தீபாவளிக்கு, 'ஷாப்பிங் மால்' விடுமுறை என்பதால், "டாஸ்மாக்' கடை மட்டும் இயங்கியது.அன்றைய தினம், 5 லட்சம் ரூபாய் என, இரு தினங்களில் மட்டும், 13 லட்சம் ரூபாய்க்கு மதுபானம் இங்கே விற்பனையாகி உள்ளது.

தினமலர்

by **T.N.Balasubramanian** Mon Nov 04, 2013 4:32 pm

குடிமகன்களின் விருப்பம் அறிந்து ,அதை பூர்த்தி செய்கின்ற அரசு.
அரசின் தேவை அறிந்து, அதை நிறைவேற்றும் குடிமகன்கள்.

நாடு நிச்சயம் உருப்படும்.
என்னே வியக்கத்தக்க ஒற்றுமையான அலைவரிசை.

ரமணியன் .

by amirmaran Mon Nov 04, 2013 4:38 pm

ஒரே தெருவில் 3, 4 கடைகள் கூட உள்ளன... ஆனால் மருத்துவமனைகள் ஊருக்கு ஒன்று, அதுவும் அரைகுறையாக... நல்ல அரசு... இப்படியே எல்லாரையும் சாகடித்து விட்டால் நாளை ஒட்டு போட யாரும் இருக்க மாட்டார்கள்

by **ஜாஹீதாபானு** Mon Nov 04, 2013 5:08 pm

இதுல வை.பா வைக் காணோம் சோகம்

by **சிவா** Mon Nov 04, 2013 5:22 pm

ஜாஹீதாபானு wrote:இதுல வை.பா வைக் காணோம்

அவர் இப்படி திருநாளன்று சென்று வரிசையில் நிற்க மாட்டார்! காரணம் அங்கு நிற்கும் நேரத்தில் மூன்று லார்ஜ் குடித்து விடலாம் என்று நினைப்பார்! அதனால் ஒரு வாரத்திற்கு முன்னரே வாங்கி வீட்டில் ஸ்டாக் வைத்துவிடுவது அவர் வாடிக்கை!

by **krishnaamma** Mon Nov 04, 2013 6:32 pm

T.N.Balasubramanian wrote:குடிமகன்களின் விருப்பம் அறிந்து ,அதை பூர்த்தி செய்கின்ற அரசு.
அரசின் தேவை அறிந்து, அதை நிறைவேற்றும் குடிமகன்கள்.

நாடு நிச்சயம் உருப்படும்.
என்னே வியக்கத்தக்க ஒற்றுமையான அலைவரிசை.

ரமணியன் .

என்ன ஒரு அநியாயம் ஐயா சோகம்

by **Muthumohamed** Mon Nov 04, 2013 9:38 pm

amirmaran wrote:ஒரே தெருவில் 3, 4 கடைகள் கூட உள்ளன... ஆனால் மருத்துவமனைகள் ஊருக்கு ஒன்று, அதுவும் அரைகுறையாக... நல்ல அரசு... இப்படியே எல்லாரையும் சாகடித்து விட்டால் நாளை ஒட்டு போட யாரும் இருக்க மாட்டார்கள்

அரசு யோசித்தால் சரி தான்