இரட்டை சதங்களும்... சாதித்த இந்தியர்களும்!

ஒரு நாள் கிரிக்கெட் போட்டி 1971–ம் ஆண்டு முதல் நடந்து வருகிறது. ஒரு நாள் கிரிக்கெட்டில் இரட்டை செஞ்சுரி ‘கட்டாக்கனியே’ என்பது தான் ஒரு காலத்தில் அனைத்து தரப்பினரின் வாதமாக இருந்து வந்தது.

ஆனால் 20 ஓவர் கிரிக்கெட் அறிமுகம் ஆன பிறகு நிலைமை அப்படியே தலைகீழாக மாறி விட்டது. ‘அதிரடி...சரவெடி..’ என்ற 20 ஓவர் கிரிக்கெட்டின் ‘வேகம்’ ஒரு நாள் போட்டியிலும் முழுமையாக ஊடுருவி விட்டது.

விளைவு...ஒரு நாள் கிரிக்கெட்டில் முடியாதது என்று சொல்லப்பட்ட இரட்டை சதமும் ஒன்றல்ல...இரண்டல்ல...மூன்று முறை இப்போது நிகழ்த்தப்பட்டு விட்டது. அதுவும் இந்திய வீரர்களாலேயே அந்த மூன்று சாதனைகளும் அரங்கேற்றப்பட்டுள்ளது.

2010–ம் ஆண்டில் தென்ஆப்பிரிக்காவுக்கு எதிராக சச்சின் தெண்டுல்கரும்(200 ரன், 147 பந்து, 25 பவுண்டரி, 3 சிக்சர்)

2011–ம் ஆண்டில் வெஸ்ட் இண்டீசுக்கு எதிராக ஷேவாக்கும் (219 ரன், 149 பந்து, 25 பவுண்டரி, 7 சிக்சர்),

இப்போது ரோகித் ஷர்மாவும் (209 ரன், 158 பந்து, 12 பவுண்டரி, 16 சிக்சர்) இரட்டை சத நாயகர்களாக ஜொலித்துள்ளனர்.

இதில் இன்னும் சில அதிசயமான ஒற்றுமைகளும் உள்ளன. மூன்று இரட்டை சதங்களும் இந்திய மண்ணிலேயே நிகழ்ந்துள்ளது. மூவரும் தொடக்க ஆட்டக்காரர்களாக களம் இறங்கியவர்கள். மூன்று சாதனைகளும் மூன்று அணிகளுக்கு எதிராக மூன்று ஆண்டுகளில் பதிவு செய்யப்பட்டிருக்கிறது.


ஒரு நாள் போட்டியில் அதிக ரன்கள் எடுத்த டாப்–5 வீரர்கள் விவரம் வருமாறு:–


ஷேவாக் இந்தியா 219 வெஸ்ட் இண்டீஸ் இந்தூர் 2011

ரோகித் ஷர்மா இந்தியா 209 ஆஸ்திரேலியா பெங்களூர் 2013

தெண்டுல்கர் இந்தியா 200 தென்ஆப்பிரிக்கா குவாலியர் 2010

கவன்ட்ரி ஜிம்பாப்வே 194* வங்காளதேசம் புலவாயோ 2009

சயீத் அன்வர் பாகிஸ்தான் 194 இந்தியா சென்னை 1997

விவரமான பதிவுக்கு நன்றி