வெளியூரிலிருந்து பெண் எடுப்பதுமில்லை கொடுப்பதுமில்லை!

ஆணோ, பெண்ணோ கல்யாண வயது வந்து திருமணம் ஆகவில்லை என்றால், "ஏதாவது ஒரு ஊருல உனக்குனு ஒண்ணு பொறந்திருக்கும்' என்பார்கள். ஆனால் இந்த ஊரில் மட்டும் "உனக்குனு எந்தத் தெருவில் பொறந்திருக்கோ' என்றுதான் சொல்வார்கள்.

காரணம், நூறாண்டுகளுக்கு மேலாக கரூர் அருகே உள்ள பள்ளப்பட்டியில் வெளியூரிலிருந்து பெண் எடுப்பதுமில்லை, பெண் கொடுப்பதுமில்லையாம். "இது எப்படி உங்கள் ஊரில் சாத்தியப்படுகிறது' என்று பள்ளப்பட்டி பஞ்சாயத்து முன்னாள் தலைவர் முனவர் ஜானிடம் கேட்டோம்.

"இந்த வழக்கம் தலைமுறை தலைமுறையாக எங்கள் ஊரில் நடந்து வருகிறது. வி.ஐ.பி.முதல் சாதாரண மனிதர்வரை எங்கள் ஊருக்குள்தான் பெண் எடுப்பார்கள், கொடுப்பார்கள். என்னையும் பக்கத்துத் தெருவில்தான் திருமணம் செய்து கொடுத்தார்கள். என் மகன்கள் இருவருக்கும் இரண்டு தெரு தள்ளி பெண் எடுத்துள்ளேன். எந்த ஊரில் எவ்வளவு பெரிய பதவியில் இருந்தாலும் உள்ளூருக்கு வந்து திருமணம் முடித்துச் செல்வதை மட்டுமே மிக கௌரவமாக அனைவருமே நினைப்பதால் இந்த வழக்கம் இன்றுவரை மாறாமல் இருக்கிறது. இதனால் பல சௌகரியங்கள் இருக்கின்றன.

நாம் சம்பந்தம் முடிக்கும் வீட்டாரைப்பற்றி நன்கு அறிந்து கொள்ள முடிகிறது. பெண்ணைப்பற்றியும், மாப்பிள்ளையைப் பற்றியும் அவர்களின் குணநலன்களையும் நாமே கண்கூடாகப் பார்த்து இறுதி முடிவு செய்யலாம். பஸ் ஏறி, கார் ஏறி, ரயிலேறி பொண்ணு பார்க்கப் போறதிலிருந்து, கல்யாணம் முடியும் வரையிலான செலவும் அலைச்சலும் மிச்சம். நல்லது கெட்டது என்றால் சொந்த பந்தம் வருவதற்கு சிரமமில்லாமல் அடுத்த அரை மணி நேரத்தில் அனைவரும் ஒன்று கூடிவிடலாம். கல்யாணம் ஆக வசதியில்லாத பெண்களுக்கு மாப்பிள்ளையும் பார்த்து பலர் சேர்ந்து பணம் வசூல் செய்து சிறப்பாக கல்யாணம் நடப்பது இங்கு அடிக்கடி நடக்கும்.

வெளியூரிலுள்ள நண்பர்களுக்கு கொடுப்பதற்கு மட்டுமே பத்திரிகை அடிப்பார்கள். உள்ளூரில் கொடுப்பதற்கு விசிட்டிங் கார்டில் மணமக்கள் பெயர், திருமணம் நடக்கும் இடம், தேதி ஆகியவை அச்சிட்டுக் கொடுத்து அழைப்பார்கள். என்ன, ஒழுக்கக்கேடான ஆட்களுக்கு பெண் கிடைப்பது மிகச் சிரமம்' என்றார்.

- கரூர் அரவிந்த்

வித்தியாசமான கிராமம்

வித்யாசமாக இருக்கே தகவலுக்கு நன்றி

அந்த ஊரில் உள்ளவவர்கள் வெளியூரில் வேலைக்குச்சென்று அங்கேயே வீடுகட்டி தங்கநேரிட்டுவிட்டால் அவர்களுடைய குழந்தைகளை பற்றியோ அல்லது வெளியூரில் வேலைபார்ப்பவர்களைப்பற்றியவர்களின் குணநலன்களை பற்றியோ அறிந்து கொள்வது எப்படி?

N.S.Mani wrote:அந்த ஊரில் உள்ளவவர்கள் வெளியூரில் வேலைக்குச்சென்று அங்கேயே வீடுகட்டி தங்கநேரிட்டுவிட்டால் அவர்களுடைய குழந்தைகளை பற்றியோ அல்லது வெளியூரில் வேலைபார்ப்பவர்களைப்பற்றியவர்களின் குணநலன்களை பற்றியோ அறிந்து கொள்வது எப்படி?

இதற்கு பதில் அளிப்பது சற்று கடினம் தான்!