தூய தமிழ் தந்த பரிதிமாற் கலைஞர் நினைவு நாள் இன்று. வணங்குவோம் வாருங்கள்!

பரிதிமாற் கலைஞர் (வி. கோ. சூரியநாராயண சாஸ்திரியார், ஜூலை 6, 1870 - நவம்பர் 2, 1903) ஒரு தமிழறிஞரும், நூலாசிரியரும், தனித்தமிழ் இயக்கத்தில் முதன்மையான பங்கு வகித்தவர்களில் ஒருவரும் ஆவார். இவர் உயரிய செந்தமிழ் நடையில் பேசுவதிலும் எழுதுவதிலும் வல்லவர். நாடகப் புலமை சான்றவர். 'தமிழ் மொழி வரலாறு' போன்ற ஆய்வு நூல்களையும், கலாவதி, ரூபாவதி போன்ற நாடக நூல்களையும், நாடக இலக்கணமான நாடகவியலையும் இயற்றிவர். இவருக்குப் பெற்றோர் இட்ட பெயர் சூரியநாராயணன் என்பது. பின்னாளில் சூரியநாராயண சாஸ்திரியர் என்று அழைக்கப்பட்ட இவர், தமிழ் மேல் கொண்ட பற்றினால் தனது பெயரை வடமொழி கலக்காத தூய தமிழில் பரிதிமாற் கலைஞர் என்று மாற்றிக்கொண்டார். மதுரை அருகே விளாச்சேரி எனும் ஊரில் கோவிந்த சிவன் --லட்சுமி அம்மாள் தம்பதியர்க்கு மகனாக இவர் பிறந்தார்.வடமொழியை தந்தையாரிடமும் ,தமிழை மதுரை சபாபதி முதலியாரிடமும் கற்றார் . இளவயது முதலே தமிழ் மொழியின் மீதும், இலக்கணத்தின் மீதும், இலக்கியத்தின் மீதும் மிகுந்த ஆர்வம் கொண்டிருந்த வர் பின்னாளில் இளங்கலை பட்டப்படிப்பில் தமிழ்மொழியிலும், மெய்யியலிலும் மாநிலத்திலேயே முதலாவதாகத் தேறினார்.

தமிழ்மொழியின் வரலாறு மற்றும் நாடகவியல் (நாடகங்களுக்கான இலக்கணம்) உட்பட பல நூல்களை எழுதினார்.கலாவதி (1898),ரூபாவதி என்ற நாடக நூல்களை எழுதி தாமே கலாவதி,ரூபாவதி எனும் பெண் பாத்திரங்களில் நடித்தார் . இராவ் பகதூர் சி.வை. தாமோதரம் பிள்ளை அவர்களால் திராவிட சாஸ்திரி என சிறப்பிக்கப்பட்டார் .தனக்கு தமிழ் கற்பித்த ஆசிரியர் சபாபதி முதலியாரிடம் மிகுந்த பக்தி கொண்டிருந்தார்.

வடமொழியற்ற நல்ல தமிழ்மொழி வேண்டும் என்பதில் பெரும் முனைப்பு காட்டினார். 33 ஆண்டுகளே வாழ்ந்து இவர் மறைந்தபோது இவரது பேராசிரியர் மில்லர் (ஸ்காட்லாந்தைச் சேர்ந்தவர்) பின்வருமாறு புலம்பி அழுதுள்ளது அவரது ஆளுமைக்குச் சான்றாகும்:

“என் புருவம் சுருக்கம் ஏறி, கண்களை மறைக்கும் முதுமையில் வாடுகின்றேன் நான். ஆனால் நடுவயது வருவதற்கு முன்னரே நற்றமிழ்ப்பரிதி அகன்றானே."

தமிழைக் காத்த பெருந்தகையை அவரது நினைவு நாளில் போற்றுவோம் .

 
-
மேலும் சில தகவல்
------------------------------------

20ஆம் நூற்றாண்டு தொடக்கத்தில் சென்னைப் பல்கலைக்
கழகப் பாடப்புத்தகத்திலிருந்து தமிழை நீக்கிட முயற்சி
நடந்தது. உடனடியாக தமிழறிஞர் பூரணலிங்கம் பிள்ளை
என்பவருக்கு தந்தி அடித்து சென்னை வரச் செய்தார்.

இருவரும் ஆசிரியர் சங்க உறுப்பினர்களை வீடு தேடிச்
சென்று தமிழை காக்க வேண்டினர். அவசரமாக ஆசிரியர்
சங்கக் கூட்டம் நடத்தப்பட்டது. அதில் தமிழுக்கு ஆதரவாக
தீர்மானம் நிறைவேறியது.

பிறகு இருவரும் மதுரை சென்று பாண்டித்துரை தேவர்
அவர்களை சந்தித்து மதுரைத் தமிழ்ச்சங்கம் சார்பாக
தீர்மானம் நிறைவேற்ற வேண்டினர்.

அவரும் இதனை ஏற்றுக்கொண்டு உடனடியாக தந்தி
மூலம் தீர்மானத்தை அனுப்பி வைத்தார். எதிர்ப்பு
பெருகுவதைக் கண்ட சென்னைப் பல்கலைக்கழகம்
தமிழை நீக்கும் முடிவைக் கைவிட்டதோடு தமிழ் இனி
கட்டாய பாடமென்று அறிவிப்பு வெளியிட்டது.

இதன் மூலம் பரிதிமாற் கலைஞரின் தமிழ்காக்கும்
போராட்டம் வென்றது.

இப்போது தொடக்கக் கல்வி நிலையிலேயே தமிழுக்கு
ஆபத்து வந்து விட்டது.

பரிதிமாற் கலைஞர் தொடங்கி வைத்த தமிழ்காக்கும்
போராட்டத்தை முன்னெடுக்க அவர் பிறந்த நாளில்
சூளுரைப்போம்!

நன்றி : கதிர் நிலவன்

வாழ்க அவர் புகழ். நன்றி சாமி  

அரிய தகவல் பல, அறிய தந்தமைக்கு நன்றி.
"தூய தமிழ்" என்ற சொல் வரும்போது எல்லாம்,
துயிலினில் இருந்தாலும் மனதினில் வரும் பெயர் 
சூர்யநாராயண சாஸ்த்ரிகள் என்கிற, மறு பெயரால் 
மிகவும் அறியப்பட்ட , பரிதிமார் கலைஞர் .
வாழ்க உன் திருநாமம் ! வந்தனம் பல !
ரமணியன்