மதுரையில் மலேசியப் பைங்கிளிகள்...

by **சிவா** Sat Nov 02, 2013 1:31 am

தமிழையும், தமிழ்க் கலாச்சாரத்தையும் பேணிக் காப்பதில் மலேசியத் தமிழர்களுக்கு நிகர் வேறு யாரும் இருக்க முடியாது.

அதை நிரூபிக்கும் வகையில் மலேசிய ஆஸ்ட்ரோ வானவில் நிறுவனம், மலேசிய ஆண் பெண் கலைஞர்கள் 20 பேரை தமிழகத்திற்கே அழைத்து வந்து தமிழக நாட்டுப்புறக் கலைகளை, தமிழகக் கலைஞர்களைக் கொண்டே பயிற்சி அளித்திருக்கிறது.

சென்னை ஷிர்டி டெலிவிஸ்டாஸ் நிறுவனத்தின் ஏற்பாட்டின் பேரில் அவர்களுக்கு மதுரையில் இருந்து 35 கிமீ தூரத்திலுள்ள தமிழ்ப் பண்பாட்டை வளர்க்கும் கலாச்சார மையமான கடம்பவனம் மற்றும் சமணர்கள் வாழ்ந்த கீழக்குயில்குடி மலைப்பகுதிகளில் 15 நாட்களுக்கு மேலாக பிரத்யேகப் பயிற்சி அளிக்கப்பட்டது.

கரகாட்டம், ஒயிலாட்டம், சிலம்பாட்டம், தப்பாட்டம், மோகினியாட்டம், தெருக்கூத்து, பாவைக் கூத்து, நாதஸ்வரம் என பண்டையத் தமிழர்களின் வாழ்வியல் சிந்தனைகளை வெளிஉலகிற்கு அடையாளம் காட்டிக் கொண்டிருக்கும் நாட்டுப்புறக் கலைகளை தமிகம் வளர்க்கிறதோ இல்லையோ... மலேசியாவில் கண்டிப்பாக வளர்த்தே ஆகவேண்டும் என்ற சிந்தனையுடன் களம் புகுந்திருக்கிறார்கள்.

தெய்வ வழிபாடு, சபை வணக்கம், குரு வணக்கம் வைத்து தலையில் கரகம் வைத்து.... கிராமத்து மணம் வீசும் நாட்டுப்புறப் பாடலுக்கு ரோஸ் நிறத்தில் சேலை உடுத்தி நளினமாக ஆடிய மலேசிய மாணவிகள் பல்வேறு அங்க அசைவுகளை வெளிப்படுத்தி அப்ளாஸ் வாங்கிக் கொண்டனர். அம்மாணிவிகளுக்கு மலேசிய குரு செபஸ்தியான் என்றால், மதுரை குரு மாடக்குளத்து தங்கபாண்டியன்.

தற்காப்பு கலையான சிலம்பத்தை தமிழ்நாட்டு டெக்னிக்குடன் கற்றுக்கொண்ட மலேசிய மாணவர்கள் நிகழ்த்திக் காட்டிய ஒவ்வொரு கலையும் பார்வையாளர்களை பரவசத்தில் ஆழ்த்தியது. ஆஸ்ட்ரோ இந்தியப் பிரவுத் தலைவர் முருகையாவும், ஆஸ்ட்ரோ கம்யூனிகேஷன் சீனியர் அசோசியேட் விஜயராணி செல்லப்பாவும் நம்மிடம் பேசினார். "தமிழர்களின் பாரம்பரியம், கலாச்சாரம் மலேசியாவில் பிரதிபலிக்க வேண்டும் என்பதுதான் எங்களின் தலையாய நோக்கம். அதற்காக வலுவான தளத்தை பொங்குதமிழ் நிகழ்ச்சி மூலமாக அமைத்து வருகிறோம். வரும் 2014 ஜனவரி தைத்திங்களில் ஆரம்பித்து மலேசியாவில் உள்ள 5 முக்கியமான இடங்களில் கரகம், ஒயிலாட்டம், சிலம்பாட்டம், தப்பாட்டம் என பலதரப்பட்ட கலைகளை நிகழ்த்திக் காட்ட இருக்கிறோம். இதன்மூலம் மலேசியாவிற்கும், இந்தியாவிற்கும் கலாச்சார ரீதியாக தமிழை வைத்து புது உறவுப்பாலம் அமைத்து வருகிறோம்' என்றனர்.

மதுரையில் மலேசிய நிகழ்ச்சிக்கு ரிகர்சல் பார்த்த சென்னை ஒருங்கிணைப்பாளர் ஷிர்டி டெலிவிஸ்டாஸ் உஷா மற்றும் மலையப்பன் "தமிழர்களின் உணர்வுகளை பிரதிபலிக்கும் இதுபோன்ற கிராமிய கலாச்சார நடனங்களை மலேசியாவில் இருக்கும் தமிழர்கள் அடுத்தடுத்த தலைமுறைக்குக் கொண்டு செல்ல வேண்டும் என்ற நோக்கத்தில்தான், மலேசியாவில் இருப்பவர்களுக்கு மதுரையில் பயிற்சி கொடுக்கிறோம். அடுத்தக்கட்டமாக பயிற்சி பெற்ற இவர்களை வைத்து இந்த கலைகளை மலேசியாவிலும் வேரூன்றச் செய்வதுதான் எங்களது நோக்கமும் கூட' என்றார்கள், பெருமையுடன்.

குமுதம்

by **மாணிக்கம் நடேசன்** Sat Nov 02, 2013 2:08 pm

மலேசிய தமிழர்களா கொக்கா?

by **சிவா** Sat Nov 02, 2013 11:07 pm

மாணிக்கம் நடேசன் wrote:மலேசிய தமிழர்களா கொக்கா?

ஓ, கொக்கா? நான் தவறுதலாக தலைப்பை பைங்கிளி என எழுதிவிட்டேன்!

by **மாணிக்கம் நடேசன்** Sun Nov 03, 2013 11:21 am

ஓஓஓஓஓஓ எங்க ஊரு பொண்ணுங்கள பாத்தா உங்களுக்கு பைங்கிளி மாரி இருக்கா? இருங்க அக்கா கிட்ட பத்த வக்கிறேன். புத்தியிலும் பொறுமையிலும் இவுங்க கொக்கு மாரி.

by **krishnaamma** Sun Nov 03, 2013 2:18 pm

மாணிக்கம் நடேசன் wrote:ஓஓஓஓஓஓ எங்க ஊரு பொண்ணுங்கள பாத்தா உங்களுக்கு பைங்கிளி மாரி இருக்கா? இருங்க அக்கா கிட்ட பத்த வக்கிறேன். புத்தியிலும் பொறுமையிலும் இவுங்க கொக்கு மாரி.

by N.S.Mani Sun Nov 03, 2013 7:15 pm

பைங்கிளியானாலும் கொக்கானாலும் தமிழ் கலாச்சாரம் என்னும் உறவுப்பாலம் மூலம் தமிழ்ப் பண்பாட்டை வளர்ப்போம் என்ற குறிக்கோள் ஒன்றே. நல்ல பாராட்டத்தக்க முயற்சி.

வாழ்க! வளர்க!!