வாழும் நரகாசூரர்கள்

G.Ramajayam · G.Ramajayam Fri 1 Nov 2013 - 14:01

என்றோ எப்போதா
வாழ்ந்து
மடிந்தானாம்
நரகாசூரன்

இன்றும் அதற்காய்
குளித்து தலைமூழ்கி
உடுத்தி வெடித்து
விதவிதமாய்
கொண்டாடி மகிழ்கிறார்கள்

எங்கே மறைந்தான்
மாறும் உலகத்தில்
மாற்றம் கொள்கின்றான்
நரகாசூரன்

மணமாகாப் பெண்களுக்கு
மாப்பிள்ளை கோலத்தில்
வரசட்சணை சிக்கலாய்

படித்து முடித்த
இளைஞர்கட்கோ
வேலையில்லை என்பதாக

சம்சாரிக்கும்
சாமான்யனுக்கும்
விலைவாசி எனும்
ரூபம்

ஒட்டுமொத்த
தேசத்திற்கு
ஊழல் என்ற பெயராலே

என்றொழிவான்
இந்த
புது வடிவ
நரகாசூரன்

குளித்து ஒருவழியாய்
தலைமூழ்கி
தொலைக்கச் சொல்வீர்.

ஹர்ஷித் · ஹர்ஷித் Fri 1 Nov 2013 - 14:38

விடியும் இரவு விடியா வாழ்க்கை...,
வாழ்க்கையில் ஒளியேற்ற முடியாமல்
வாசலில் ஒளியேற..,

விடியும் ஒருநாள் என்று
இறைவனை வேண்டி ...,

உங்களின் கவி நன்று
இனிய தீப ஒளித்திருநாள் வாழ்த்துக்கள்