இறந்த இந்துவின் இறுதிச்சடங்கை முன்னின்று நடத்திய முஸ்லிம்கள்

by **சிவா** Thu Oct 31, 2013 10:07 pm

ஐதராபாத் : அடிக்கடி மத மோதல்கள் நடைபெறும் ஐதராபாத் நகரில், மத நல்லிணக்கத்திற்கு சான்றாக, இந்து ஒருவரின் உடலை, இந்து முறைப்படி இறுதிச்சடங்குகள் மேற்கொள்ள தேவையான நிதியுதவியை வழங்கிய முஸ்லிம்கள், முன்னின்று அந்தச் சடங்குகளையும் செய்துள்ளனர்.

ஆந்திர தலைநகர் ஐதராபாத்தில், இந்துக்களுக்கும், முஸ்லிம்களுக்கும் அவ்வப்போது மோதல் நடைபெறுவது வழக்கம். அங்குள்ள, இந்திராம்மா நகர் என்ற இடத்தை சுற்றிலும் முஸ்லிம்கள் வசிக்க, நடுவே, பாலராஜு, 60, என்ற, இந்து எலக்ட்ரீஷியன் வசித்து வந்தார்.இரண்டு நாட்களுக்கு முன், வேலையிலிருந்து வீடு திரும்பியவர், படுக்கையில் சாய்ந்தார்; மறுநாள் காலை எழுந்திருக்கவில்லை. அவர் மனைவி சுபத்ராவும், 18 வயது மகள் ரேவதியும் அவரை எழுப்பிய போது, இறந்திருந்தது தெரிய வந்தது.

இறுதிச்சடங்குகள் மேற் கொள்ள பணம் இல்லாமல் தவித்த சுபத்ராவுக்கு, அண்டை வீட்டாரான முஸ்லிம்கள், பணம் கொடுத்து உதவியுள்ளனர். இறந்த எலக்ட்ரீஷியனுக்கு நெருங்கிய உறவினர்கள் இல்லாததால், அவரின் உடலை, இந்து முறைப்படி தகனம் செய்ய, முஸ்லிம் இளைஞர்கள் துாக்கிச் சென்றனர்.அவர்கள் முன், எலக்ட்ரீஷியனின், மகள், ரேவதி, தீச்சட்டியை துாக்கிச் சென்று, தந்தைக்கு இறுதிச் சடங்கையும் செய்தார். பிற அனைத்து சடங்குகளையும், முஸ்லிம் இளைஞர்கள் முன்னின்று நடத்தினர்.

தினமலர்

by **M.M.SENTHIL** Thu Oct 31, 2013 10:10 pm

இருக்கும் போதுதான் ஜாதி வெறி கொண்டு அழைகிறோம், இறந்த பின்னாவது அதை மறந்துவிட்டு மனிதனாக இருக்கிறோமே சந்தோசம்.

by **SajeevJino** Thu Oct 31, 2013 11:20 pm

இன்னும் உலகில் மனிதர்கள் இருக்கிறார்கள் என்பதற்கு மிகச்சிறந்த உதாரணம்

by செந்தில் முருகன் Fri Nov 01, 2013 1:58 pm

இவர்கள் தான் உண்மையான இந்தியர்கள் என்பதற்கு மிக சரியான சான்று.......

by ரேவதி Fri Nov 01, 2013 2:02 pm

இந்து முஸ்லிம் என்று நடந்து கொள்ளாமல் சக மனிதநேயமுள்ளவர்களாக நடந்து கொண்டுள்ளார்கள் நன்றி

by **ஜாஹீதாபானு** Fri Nov 01, 2013 2:14 pm

பாராட்ட வேண்டிய விஷயம் சூப்பருங்க

by **T.N.Balasubramanian** Fri Nov 01, 2013 9:14 pm

வரவேற்க படவேண்டிய விஷயம் .
தலை நிமிர்ந்து வாழ்த்துவோம். அன்பு மலர்

வெறுப்பை வளர்ப்பது அரசியல்வாதிகளும் மதவாதிகளும் மாத்திரம்தான்.

ரமணியன்

by G.Ramajayam Fri Nov 01, 2013 9:26 pm

தேசம் வேண்டுவது இந்த மத நல்லிணக்கத்தையே.

தேசிங்கு ராஜன் முகமது கானின்
நட்பினை பாரு - மத
வேற்றுமை உணர்வை ஊட்டிப்பிரிக்கும்
மார்க்கமும் ஏது?

பாடல் வரிகள் நினைவுக்கு வருகிறது.

அந்த சகோதரர்களின் செயல்பாட்டை போற்றுவோம். வாழ்த்துவோம்.