இன்று பிறந்த நாள் காணும் கிரிகாசன் அவர்களை வாழ்த்தலாம் வாங்க

First topic message reminder :

முத்தமிழ் வித்தகர் கவிஞர் திரு கிரிகாசன் அவர்களுக்கு ஈகரையின் இனிய பிறந்த நாள் வாழ்த்துகள்! ...

இனிய பிறந்த தின வாழ்த்துகள் கிரிகாசன் அவர்களே....



  

இனிய பிறந்தநாள் நல்வாழ்த்துகள் கிரிகாசன் அண்ணா

அன்பு  உறவுகளே தங்கள் அனைவருக்கும் தனிதனியாக நன்றிகள் கூறவுள்ளேன் முதலில்
பிறந்த நாளுக்கு  இது எனது 56 வது பிறந்ததினம் இன்றைய தினம் என்னைப்பற்றி ஒரு கவிதையை தந்துகொள்கிறேன். நன்றிக்காக மீண்டும் தொடர்ந்து  இழையில் பதில் தருவேன். நான் ஒருவரையும் வாழ்த்துவதில்லைஎன்று எண்ண வேண்டாம் மிகவும் உடல் நிலை பாதிப்படைந்து போயிருக்கிறேன். எழுதுவதே சிரமம் அதனால் மன்னித்து விடுங்கள் உங்கள் வாழ்த்தை மனதார ஏற்றுக்கொள்கிறேன்

     நான் என் செய்தேன்?

பிறந்தேன் வளர்ந்தேன் பெரிதென் றின்பம்
 பெற்றே னல்லேன் இதுதான் நல்
அறம் தேன் எனவும் அறியாதேனோ
 அகத்தென் இருளைக் கொண்டாலும்
சிறந்தேன் பருவம் இளந்தென் புடையோன்
 செழிப்பென் றுயர்வும்  எடுத்தாண்டேன்
புறந்தேன் கொள்ளப் புன்னகைத்தேன் சொல்
பொய்த்தேன் மனமும் புண்ணானேன்

மறந்தேன் பெருமை மலரின் தேனை  
 மதுவை யுண்ணும் வண்டானேன்
துறந்தேன் தேசம் துடித்தேன் அரண்டேன்
 துணிவை மட்டும் கொள்ளாதென்
பறந்தேன் உயிர்கள் பிரிந்தேன் எனவும்
 பரந்தென் இனமும் அழிவாக
இறந்தே னென்போர் இழப்பை கண்டும்
 இருந்தேன் ஏதும் செயலற்றேன்

நறுந்தேன் உலகில் நடந்தேன் நலிவை
 நாளும்கண்டேன் நினைவாலென்
அறுந்தென் உணர்வும் அழிவென்றாக
 அடைந்தேன் அன்னை தமிழ்வேண்ட
குறுந்தேன் கவிதை கொள்ளென் றாள் நான்
 குளிர்மை கொண்டேன் கலைபோற்றிப்
பொறுத்தேனன்றி புரிந்தேன் கடமை
 புகழ்ந்தேன் தாயே சக்தியவள்

கருந்தென் றலதும் காணா அண்டம்
 கருவின் உயிராய்காண் அன்னை
வருந்தென் படையும் வாழ்வில் செய்யும்
 வருத்தம் தன்னைக் குணமாக்கி
மருந் தென்றாகும் மண்ணின்வீரம்
 மலரச் செய்யும் நாள்மட்டும்
இருந்தென் வாழ்வில் எதுசெய்தாலென்
 இரந்தேனன்றோ  இதுவாழ்வோ?

அன்புடன் கிரிகாசன்

தாங்கள் எங்களிடம் ஏன் அண்ணா மன்னிப்பு என்ற பெரிய வார்த்தையெல்லாம் பயன்படுத்த வேண்டும்?

தங்களைப் பற்றி அறிவேன் அண்ணா! தங்களுக்கு பிறந்த நாள் வாழ்த்துக் கூறுவது எங்களுக்கு கிடைத்த பாக்கியம். அதற்கு தாங்கள் நன்றி கூற வேண்டும் என்பதெல்லாம் இல்லை அண்ணா!

தாங்கள் சிறந்த உடல் நலத்துடன் இருந்து தமிழ்த் தாய்க்குப் பணியாற்ற வேண்டும், அதுவே எங்கள் ஆசை!

                        
                       

அன்பு வாழ்த்துக்கள்

தேன் மதுர கவிதனை ஈன்ற உமை ,

பாவே தேன் என்பதால்  

பாவேந்தன் என்று அழைக்கவா?

நலிவுற்ற உடல், நலம் பெற     

ஆண்டவன் அருள் நாடும்,  

அன்பன் ரமணியன்

தாமதமான வாழ்த்துக்கு மன்னிக்கவும்..,
இனிய பிறந்தநாள் வாழ்த்துக்கள் ஐயா.