ஆல் இன் ஆல் அழகுராஜா – மொக்கையின் உச்சம்

**Powenraj** · **Powenraj** Sun Nov 03, 2013 4:32 pm

தீபாவளிப்படங்களில், அஜீத்தின் ஆரம்பத்துக்கு பெரும் சவாலைக் கொடுக்கும் என எதிர்பார்க்கப்பட்ட திரைப்படம் கார்த்தியின் ஆல் இன் ஆல் அழகுராஜா. இயக்குனர் ராஜேஷ் மேல வைச்சிருந்த நம்பிக்கை நமக்கு உச்சத்தில இருந்திச்சு. ஆனா, இந்த படத்தைப் பார்த்து முடிச்சதுக்கப்புறம் ‘ஆரம்பம் பிய்ச்சுக்கிட்டு ஓடும்’ என தைரியமாகச் சொல்லலாம். “யார் விமர்சனத்தையாவது வாசிச்சிட்டு இந்தப் படத்துக்கு வந்திருக்கக்கூடாதா சர்வேஸ்வரா!” என அழத்தான் முடிஞ்சுது.
-
நையாண்டி பார்த்த போது, இதைவிட மொக்கையா இனி தமிழ்ல ஏதாவது படம் வருமா? என யோசிச்ச போது, ‘அதுக்குத்தான் நாங்க இருக்கமே!’ என தைரியமாக வந்திருக்கிறார்கள் ராஜேஷ் அன்ட் டீம். ராஜேஷ், யார் படத்தையுமே பார்த்து கத்துக்கத்தேவையில்லை. தன்னோட முதல் மூணு படத்தையும் போட்டுப்பார்த்தாலே புரியும் ‘தன்னிடம் சரக்கு தீர்ந்திடிச்சு’ எண்டு. இவர் ஒரே ட்ரக்கில் பயணிக்கும் போதே புரிந்தது, ‘ராஜேஷிடம் சரக்கு சீக்கிரம் காலியாகிவிடும்’ என்று. இயக்குனர் பேரரசுவுக்கும் இது தான் நிகழ்ந்தது. இவரின் உதவியாளர் பொன்ராம் இயக்கிய வருத்தப்படாத வாலிபர் சங்கம் எவ்வளவோ தேவல!
-
சகுனி, அலெக்ஸ் பாண்டியனைத் தொடர்ந்து கார்த்திக்கு இது இன்னொரு மாபெரும் தோல்விப்படம். பருத்திவீரனில் ஆரம்பித்த போது, ‘தமிழுக்கு அடுத்த கமல் ரெடி’ என்றே எண்ணத்தோன்றியது. ஏன் இவர் தேவையில்லாமல் மாஸ் மற்றும் மசாலாவுக்குள் புகுந்து கொண்டாரோ? அடுத்த புரியாணியும் ஏற்கனவே நமத்துப்போச்சு. தின்ன முடியுமான்னு படம் வந்தாத்தான் புரியும்.
-
ராஜேஷ் படத்தில கதையை எல்லாம் பெரிசா எதிர்பார்த்துப் போகல. அதுக்காக கதையே இல்லாம காமெடிகளை மட்டும் கோர்வையாக்கி கதை ரெடி பண்ண முடியுமா? அதற்கு மொக்கையான ஒரு திரைக்கதை வேற! ‘தீபாவளி அதுவுமா இப்பிடி வந்து மாட்டிக்கிட்டேனே’ என நினைச்சு படம் முழுக்க சிரிச்சேன். ஆனா, சந்தானம் காமெடியைப் பார்த்தபோது சிரிப்பே வரல. அதுவும் ப்ளாஸ்பேக்ல வெத்திலையைப் போட்டுக்கிட்டு சந்தானம் பண்ற டயலாக் டெலிவரி, குமட்டுது.
-
இரண்டரை மணிநேர காமெடி படத்தில ஒரு 10 நிமிஷமே சிரிக்க முடிஞ்சுது. காஜல் பரதம் பழகும் அந்தக் காட்சி செம.. படத்தில இருக்கிற ஒரே ஆறுதலும் இந்த காஜல் பொண்ணு தான். துப்பாக்கிக்கு பிறகு சரியா ஒரு வருஷம் கழிச்சு மறுபடியும் தமிழ்ல ஒரு படம். சுடிதார், ஹாஃப் சாறில கொள்ளை அழகு. பரதம் பற்றி அறவே தெரியாத பொண்ணு டான்ஸ் கத்துக்க நினைக்கிறதும், தான் பாடுற பாட்டு செம மொக்கைன்னு அவங்களுக்கு தெரியாததும் ஏத்துக்க முடியல. ரெண்டு ரீலைத் தேத்துறதுக்கு உதவியிருக்கும். ராஜா, ரஹ்மான், ஹாரீஸ் மியூஸிக்ல எல்லாம் காஜல் பாடியிருக்காம். இந்த வோய்ஸை எல்லாம் அவங்க வைச்சு மியூசிக் பண்ணியிருப்பாங்களா? நடிகர் சுதாரகரை வேற டமேஜ் பண்ணியிருக்காங்க.
-
தமன் பின்னணி இசையிலை செலுத்திற கவனத்தில கொஞ்சமாவதை பாடல் இசையிலையும் செலுத்தலாம். ‘ரப்பப்பா..’ பாடலைத்தவிர எதுவும் மனசில நிற்கல. தமிழ்ல ஒட்டுமொத்த ஹிட் அல்பம் ஒண்டை இவர் எப்பத்தான் தரப்போறாரோ? சக்தி சரவணனின் ஒளிப்பதிவு கண்ணுக்கு குளிர்ச்சியா இருக்கு. இவ்வளவும் சொல்லிட்டனே, படத்தோட கதை?
-
அப்பிடீன்னு ஏதும் இருக்கான்னு ராஜேஷ் கிட்ட கேளுங்க.
-
நன்றி-Akasiyam தளம்

**ரா.ரமேஷ்குமார்** · 23/01/2011

விமர்சனத்திற்கு நன்றி நண்பரே...

சகுனி,அலெக்ஸ்பாண்டியன் என இரண்டு படங்களை விமர்சனங்கள் படிக்காமல் திரையரங்கில் பார்த்து மொக்கையை அனுபவித்து விட்டேன் ஆனால் எப்படியோ இம்முறை தப்பித்தேன்... ஜாலி

**krishnaamma** · **krishnaamma** Sun Nov 03, 2013 9:45 pm

பகிர்வுக்கு நன்றி ராஜ் புன்னகை

**சிவா** · **சிவா** Sun Nov 03, 2013 11:04 pm

நல்லவேளை, படத்தின் நிலையை அறியத் தந்துவிட்டீர்கள், இல்லையென்றால் தேவையில்லாமல் படத்தை தரவிறக்கம் செய்திருப்பேன்.

ஆரம்பம் - சூப்பரோ சூப்பர். அஜீத்திற்கு புது பரிணாமம் மங்காத்தாவில் துவங்கி ஆரம்பத்தில் பயணிக்கிறது. அஜீத் இன்னும் சற்று உடம்பை முறுக்கேற்றினால் ஹாலிவுட் ஹோரோவேதான்..

**Muthumohamed** · **Muthumohamed** Sun Nov 03, 2013 11:14 pm

பகிர்வுக்கு நன்றி

**Muthumohamed** · **Muthumohamed** Sun Nov 03, 2013 11:15 pm

சிவா wrote:நல்லவேளை, படத்தின் நிலையை அறியத் தந்துவிட்டீர்கள், இல்லையென்றால் தேவையில்லாமல் படத்தை தரவிறக்கம் செய்திருப்பேன்.

ஆரம்பம் - சூப்பரோ சூப்பர். அஜீத்திற்கு புது பரிணாமம் மங்காத்தாவில் துவங்கி ஆரம்பத்தில் பயணிக்கிறது. அஜீத் இன்னும் சற்று உடம்பை முறுக்கேற்றினால் ஹாலிவுட் ஹோரோவேதான்..

பலரும் நீங்க சொல்வது போலே சொல்றாங்க அண்ணா தல தல தான்