உள்ளே போனவர் பண்ணிய கூத்து

yarlpavanan · yarlpavanan Sun Oct 20, 2013 10:03 am

நம்மாள் ஒருவர்
ஆண்பனைக் கள்ளு இனிக்கும் என்பதை
சுவைத்தறிய முனைந்தார்!
பனையடைப்பொன்றில் புகுந்து
சீவல் தொழிலாளியிடம்
இனிக்கும் ஆண்பனைக் கள்ளை
இறக்கித் தாடாப்பா
சுவைத்துத் தான் பார்ப்போமென்றார்!
ஐந்து மணித்துளி கூட ஆகியிருக்காது
முட்டி நிரம்பி வழிய
நுரை பொங்கி நிற்க
கள்ளு முட்டி வந்தாச்சு...
(ஒரு முட்டி = மூன்று போத்தல்)
நம்மாளும்
முட்டியோடு மண்டினார் (குடித்தார்)!
பன்னாறையால்
கரும் எறும்புகளைப் பூச்சிகளை
வடித்து வடித்துக் குடித்த
நம்மாளும்
”இனிக்குதடா இனிக்குது” என்று
எப்படியோ
முட்டி உடையாமலே
முட்டி முட்டிக் குடித்தாரே!
பிரக்கு (விக்காமல்) அடிக்காமல்
ஆமை வேகத்தில்
ஆறுதலாகக் குடியுங்கோவென
சீவல் தொழிலாளியும்
அங்கிருந்து அகன்றாரே!
இனிக்குது இனிக்குதென
ஆண்பனைக் கள்ளடித்த நம்மாளுக்கு
சும்மா இருக்க முடியவில்லை...
உள்ளே போனவர்
ஏதேதோ பண்ணத் தூண்டினார்!
பனையடைப்பிற்கு வெளியே
தெருவிலே தலையைக் காட்டினார்...
தெருவழியே போய் வருவோரிடம்
முட்டினார்... முண்டினார்...
வேண்டத் தகாத சொல்களை
வாய்ப்பேச்சில் கொட்டினார்...
இடக்காலை, வலக்காலை
பின்னிப் பின்னித் தள்ளாடினார்...
தெருவால போன
பள்ளிக்கூட ஆசிரியை
வள்ளிப்பிள்ளையின் சேலையை இழுத்தார்...
குடிகாரன்
தன்னைக் கெடுத்தாலும் என்றஞ்சி
சேலை உரியச் சுழன்று
வள்ளிப்பிள்ளையும் ஓடித்தப்ப...
நம்மாளின் பிடிக்குள் சிக்கிய
சேலைத் தலைப்போட தான்
நம்மாளும்
பிடரியடிபட விழுந்தே போனார்!
சுவைத்துச் சுவைத்துக் குடித்த
ஆண்பனைக் கள்ளு உள்ளே போனதால்...
உள்ளே போனவர் பண்ணிய கூத்தால்...
பெண்ணொருத்தியின்
தோளில் தொங்க முனைந்து
சேலைத் தலைப்போட விழ
அடிபட்ட பிடரிக்குள்ளே இருந்த
மூளை இயங்க மறுக்க
செந்நீர் (குருதி) ஓட்டம் நிற்க
விழுந்த நம்மாளைத் தூக்கிவிட முனைந்த
நாலஞ்சு ஆளுகள்
மூச்சைக்காணோம் முழியைக்காணோமென
விழி பிதுங்கி நின்றனரே!

**T.N.Balasubramanian** · **T.N.Balasubramanian** Sun Oct 20, 2013 12:09 pm

நம்மாட்கள் இது செய்யும் கெடுதல்களை புரிந்து கொண்டால் நல்லது.
கவிதை நன்று.

ரமணியன்

அசுரன் · அசுரன் Sun Oct 20, 2013 5:18 pm

பூட்டாரா! செத்தே பூட்டாரா! மீண்டும் சந்திப்போம்

**ayyasamy ram** · **ayyasamy ram** Sun Oct 20, 2013 5:25 pm

அளவுக்கதிமானால், அமிர்தமும் நஞ்சு..!!
-
உள்ளே போனவர் பண்ணிய கூத்து 7actXXiQpS7p3znSy3yb+tblgeneralnews_15441095830

**விஸ்வாஜீ** · **விஸ்வாஜீ** Mon Oct 21, 2013 4:15 am

கள்ளு குடித்தால் கூடவா போதை வரும்.
எப்படியோ குடியால் வரும் தீமைகள் பற்றி கவிதையாக
அருமையாக கூறியுள்ளீர்கள்.
நன்றி

அசுரன் · அசுரன் Mon Oct 21, 2013 5:06 am

vishwajee wrote:கள்ளு குடித்தால் கூடவா போதை வரும்.
எப்படியோ குடியால் வரும் தீமைகள் பற்றி கவிதையாக
அருமையாக கூறியுள்ளீர்கள்.
நன்றி

கள் குடித்தால் போதை வருமா? கள் உடலுக்கு நல்லதா கெட்டதா?

**ayyasamy ram** · **ayyasamy ram** Mon Oct 21, 2013 5:50 am

கள்ளு குடித்தாலும் போதை வரும்...
-
உள்ளே போனவர் பண்ணிய கூத்து X1FPDEwT7aNgwa3hHFhg+300px-Toddy_fresh&bubbling

-
கள் என்பது பனை, தென்னை போன்ற மரங்களிலிருந்து
உற்பத்தி செய்யப்படும் ஒரு வகையான போதை
ஏற்படுத்தும் பானம் ஆகும்.

பனை அல்லது தென்னை மரங்களின் பாளையினை
வெட்டி அதிலிருந்து வடியும் பால் போன்ற திரவம் மண்
பானைகளில் சேகரிக்கப்படுகிறது. இந்த பானம் புளிப்பு
கலந்த சுவையுடன் உள்ளது.

இதை அருந்துபவர்களுக்கு போதை ஏற்படுகிறது.
இதனால் தமிழ்நாட்டில் கள், மதுபானங்களில் ஒன்றாக
உள்ளது.

மேலும் கள் அருந்துவதற்குத் தடை செய்யப்பட்டுள்ளது.
எனவே தமிழ்நாட்டில் கள் உற்பத்தி செய்யப்படுவதில்லை.

**ஜாஹீதாபானு** · 16/04/2011

2பேரா இருந்தாலே ஆபத்து தான்

yarlpavanan · yarlpavanan Fri Oct 25, 2013 10:24 am

பனை, தென்னை, கித்துள் போன்ற மரங்களிலிருந்து கள்ளு இறக்குகிறார்கள்.

கள்ளுக் கேடு தராதது, அளவுக்கு மிஞ்சிக் குடித்தால் கேடு தான்.

yarlpavanan · yarlpavanan Fri Oct 25, 2013 10:26 am

கருத்துத் தெரிவித்த எல்லோருக்கும் நன்றி.

Sponsored content · Sponsored content

உள்ளே போனவர் பண்ணிய கூத்து

உள்ளே போனவர் பண்ணிய கூத்து

Re: உள்ளே போனவர் பண்ணிய கூத்து

Re: உள்ளே போனவர் பண்ணிய கூத்து

Re: உள்ளே போனவர் பண்ணிய கூத்து

Re: உள்ளே போனவர் பண்ணிய கூத்து

Re: உள்ளே போனவர் பண்ணிய கூத்து

Re: உள்ளே போனவர் பண்ணிய கூத்து

Re: உள்ளே போனவர் பண்ணிய கூத்து

Re: உள்ளே போனவர் பண்ணிய கூத்து

Re: உள்ளே போனவர் பண்ணிய கூத்து

Re: உள்ளே போனவர் பண்ணிய கூத்து

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக