ஜெயலலிதாவிற்கு மட்டும் விலக்கு

by **T.N.Balasubramanian** Tue Oct 29, 2013 8:42 pm

ஜெயலலிதாவிற்கு மட்டும் விலக்கு

டெல்லி: பெங்களூர் நீதிமன்றத்தில் நடைபெற்று வரும் சொத்துக் குவிப்பு வழக்கில் நாளை ஆஜராவதில் இருந்து தமிழக முதல்வர் ஜெயலலிதாவுக்கு மட்டும் உச்சநீதிமன்றம் விலக்கு அளித்துள்ளது. இந்த வழக்கில் சசிகலா, இளவரசி, சுதாகரன் ஆகியோருக்கு விலக்க அளிக்க உச்சநீதிமன்றம் மறுத்துவிட்டது. 1991-96ஆம் ஆண்டு காலத்தில் தமிழக முதல்வராக ஜெயலலிதா பதவி வகித்த போது வருமானத்துக்கு அதிகமாக சொத்துக் குவித்தார் என்பது வழக்கு. இந்த வழக்கு பல ஆண்டுகாலமாக நடைபெற்று வருகிறது. அண்மையில் இந்த வழக்கை விசாரித்த நீதிபதி பாலகிருஷ்ணா ஓய்வு பெற்றார். இதைத் தொடர்ந்து இந்த வழக்கில் புதிய நீதிபதியாக முடி கவுடர் பொறுப்பேற்றார். அவர் பொறுப்பேற்றவுடன் வழக்கில் குற்றம்சாட்டப்பட்டுள்ள ஜெயலலிதா, சசிகலா, இளவரசி, சுதாகரன் ஆகியோர் நாளை (30-ந் தேதி) நீதிமன்றத்தில் கட்டாயம் ஆஜராக வேண்டும் என்று உத்தரவிட்டார். ஆனால் தமிழக சட்டசபை நடந்து வருவதால் இந்த வழக்கில் நேரில் ஆஜராக விலக்கு கோரி உச்சநீதிமன்றத்தில் ஜெயலலிதா மனுத்தாக்கல் செய்தார். அத்ததுடன் புதிய நீதிபதி முடி கவுடர் நியமனத்துக்கு எதிராகவும் ஜெயலலிதா உள்ளிட்ட 4 பேரும் உச்சநீதிமன்றத்தில் மனுத்தாக்கல் செய்தனர். இம்மனு மீதான விசாரணை முடியும் வரை பெங்களூர் நீதிமன்ற விசாரணைக்கு தடையும் நான்கு பேர் சார்பில் கோரப்பட்டது. இம்மனுவை விசாரித்த நீதிபதிகள் பி,எஸ்,சவுகான், எஸ்,ஏ,பாப்டே ஆகியோர், பெங்களூர் நீதிமன்றத்தில் நேரில் ஆஜராவதில் இருந்து ஜெயலலிதாவுக்கு விலக்கு அளித்து உத்தரவிட்டனர். ஆனால் சசிகலா, இளவரசி, சுதாகரன் ஆகியோருக்கு நேரில் ஆஜராக விலக்கு அளிக்க உச்சநீதிமன்ற நீதிபதிகள் மறுத்துவிட்டனர்.
ரமணியன்
நன்றி தட்ஸ் தமிழ்

by **கரூர் கவியன்பன்** Tue Oct 29, 2013 8:47 pm

பேசாம நாமளும் தேர்தலில் நிக்கலாம் போல......

by **T.N.Balasubramanian** Tue Oct 29, 2013 9:21 pm

தேர்தலில் நின்று ஜெயித்து மாநில முதல் அமைச்சர் ஆகி, மாநிலத்தையும் ஆண்டு ,கட்சியின் பொறுப்புகளையும் கவனித்துக் கொண்டு , தேசிய அளவில் கூர்ந்து நோக்கப்படுதல்---நினைத்துப் பார்த்தால் அவசியம் பாராட்டபடுதலுக்கு உரியவரே.
ஆமாம், கரூர் கவி அன்பரே , தாங்கள் தேர்தலில் நிற்க வேண்டிய அவசியம் வந்துவிட்டதா?

ரமணியன்

by அசுரன் Tue Oct 29, 2013 9:30 pm

இதெல்லாம் நாங்க எதிர்பார்த்தது தான் ஹிஹி

by **ayyasamy ram** Tue Oct 29, 2013 9:44 pm

அரசியல் காழ்ப்புணர்ச்சி காரணமாக போடப்பட்ட
பல வழக்குகளில் அவர் விடுவிக்கப்பட்டுள்ளார்...
-
ஜெயலலிதாவிற்கு மட்டும் விலக்கு USlIiJzhR8mFCNyWTV83+jayalalitha_cm