முன்கூட்டியே எச்சரித்தும் பீகார் அரசு கண்டுகொள்ளவில்லை: சுஷில் குமார் ஷிண்டே

by ரேவதி Tue Oct 29, 2013 4:11 pm

புதுடெல்லி: நரேந்திர மோடி கூட்டத்தை சீர்குலைக்க சதி நடப்பதாக முன்கூட்டியே எச்சரித்தும், அம்மாநில அரசு கண்டுகொள்ளாமல் இருந்து விட்டது என்று மத்திய அமைச்சர் சுஷில் குமார் ஷிண்டே குற்றம் சாட்டியுள்ளார்.

பீகார் தலைநகர் பட்னாவில் கடந்த ஞாயிற்றுக்கிழமை பா.ஜ.க. பிரதமர் வேட்பாளர் நரேந்திர மோடி பங்கேற்ற பிரம்மாண்ட கூட்டம் நடைபெற்றது. அந்த கூட்டம் ஆரம்பிக்கும் முன்பாக, கூட்டம் நடந்த மைதானம், ரயில் நிலையம் மற்றும் பல இடங்களில் குண்டுகள் வெடித்தது. இந்த குண்டு வெடிப்புகளில் 6 பேர் பலியாகி, 80க்கும் மேற்பட்டோர் படுகாயம் அடைந்தனர்.

இதையடுத்து, இந்த கூட்டத்திற்கு முறையான பாதுகாப்பு ஏற்பாடுகளை பீகார் மாநில அரசு செய்யவில்லை என்ற குற்றச்சாட்டு எழுந்துள்ளது. இதற்கு மறுப்பு தெரிவித்த அம்மாநில முதல்வர் நிதிஷ் குமார், ''மோடி கூட்டத்துக்கு அச்சுறுத்தல் இருப்பதாக எங்களுக்கு எந்த தகவலையும் உளவுத் துறை தரவில்லை" என்றார்.

இந்நிலையில், மத்திய உள்துறை அமைச்சர் சுஷில்குமார் ஷிண்டே இன்று டெல்லியில் செய்தியாளர்களை சந்தித்தார்.
அப்போது, ''நரேந்திமோடி கூட்டத்தை சீர்குலைக்க சதி நடப்பதாக நாங்கள் ஏற்கனவே பீகார் அரசை எச்சரித்து உஷார்படுத்தினோம். ஆனால், அம்மாநில அரசு இந்த விஷயத்தில் கண்டுகொள்ளாமல் இருந்து முன்னெச்சரிக்கை நடவடிக்கை எடுக்கவில்லை'' என்று குற்றம் சாட்டினார்.

மேலும், நரேந்திர மோடிக்கு எஸ்.பி.ஜி. பாதுகாப்பு தேவையில்லை.அவருக்கு தற்போது போதுமான பாதுகாப்பு வழங்கப்பட்டுள்ளது. அதனை மறுபரிசீலனை செய்யும் திட்டமில்லை "என்றார்.

Vikatan

by **சிவா** Tue Oct 29, 2013 4:14 pm

நரேந்திர மோடிக்கு எஸ்.பி.ஜி. பாதுகாப்பு தேவையில்லை.அவருக்கு தற்போது போதுமான பாதுகாப்பு வழங்கப்பட்டுள்ளது. அதனை மறுபரிசீலனை செய்யும் திட்டமில்லை

இப்படி தலைவர்களுக்கு பாதுகாப்பு அளித்தே மக்களுக்கு பாதுகாப்பில்லாமல் செய்துவிட்டார்கள்!

by **ayyasamy ram** Tue Oct 29, 2013 9:16 pm

SPG மற்றும் NSG பாதுக்காப்புக்கு உள்ள வித்தியாசம்
என்ன..?
-\
தெரிந்தவர்கள் சொல்லுங்கள்...

by **SajeevJino** Tue Oct 29, 2013 11:50 pm

ayyasamy ram wrote:SPG மற்றும் NSG பாதுக்காப்புக்கு உள்ள வித்தியாசம்
என்ன..?
-\
தெரிந்தவர்கள் சொல்லுங்கள்...

மொத்தம் 5 வகையான பாதுகாப்பு முறைகள் உள்ளன ..அனைத்தும் ஒன்ற விட மற்றொன்று கொஞ்சம் பெரியதாக இருக்கும் ..

X -- 2 --- வீரர்கள் சாதாரண காவலரோ இல்லை சிறப்பு காவலர்கள்

Y ---11---இதில் 11 வீரர்கள் இருப்பார் ஒரு வேலை காவலர் பற்றாக்குறை இருந்தால் ராணுவ பிரிவுகளில் இருந்து வருவர்

Z ---26 பேர் --பொதுவாக CRPF படை அல்லது சிறப்பு காவல் படையினர் வருவார்கள் கூடவே ஒரு கன ரக காரும் உண்டு

Z + -----38 பேர் --- இவர்கள் NSG அமைப்பில் உள்ள சிறந்த வீரர்கள் சுமார் 38 பேர் பாதுகாப்பில் இருப்பார்கள்

பொதுவாக பல மாநில முதல்வர்களுக்கு Z பிரிவு பாதுகாப்பே வழங்கப்படும் ..ஏதேனும் மிரட்டல்களோ அல்லது அபாயமோ இருந்தால் Z + வழங்கப்படும்

இவை எல்லாவற்றையும் விடப் பெரியது SPG Special Protection Group தான் ..எத்தனை பேர் மற்றும் அவர்களின் விவரங்களை இங்கு பகிர முடியாது ..கீழே உள்ள படத்தில் நமது SPG வீரர்களை பாருங்கள்

முன்கூட்டியே எச்சரித்தும் பீகார் அரசு கண்டுகொள்ளவில்லை: சுஷில் குமார் ஷிண்டே Main-qimg-df6bd0b3c49b8056fad9c599f4098a43

முன்கூட்டியே எச்சரித்தும் பீகார் அரசு கண்டுகொள்ளவில்லை: சுஷில் குமார் ஷிண்டே Main-qimg-df6bd0b3c49b8056fad9c599f4098a43

முன்கூட்டியே எச்சரித்தும் பீகார் அரசு கண்டுகொள்ளவில்லை: சுஷில் குமார் ஷிண்டே Article-2092415-1179A962000005DC-92_634x421

by **SajeevJino** Tue Oct 29, 2013 11:52 pm

நரேந்திர மோடி அவர்கள் z + பாதுகாப்புடன்

முன்கூட்டியே எச்சரித்தும் பீகார் அரசு கண்டுகொள்ளவில்லை: சுஷில் குமார் ஷிண்டே M_Id_419875_Modi

by amirmaran Wed Oct 30, 2013 10:56 am

மக்களை பாதுகாக்கிறத மறந்துருங்க... யார் செத்தாலும் உயிர் தான்

by Sponsored content

முன்கூட்டியே எச்சரித்தும் பீகார் அரசு கண்டுகொள்ளவில்லை: சுஷில் குமார் ஷிண்டே

முன்கூட்டியே எச்சரித்தும் பீகார் அரசு கண்டுகொள்ளவில்லை: சுஷில் குமார் ஷிண்டே

Re: முன்கூட்டியே எச்சரித்தும் பீகார் அரசு கண்டுகொள்ளவில்லை: சுஷில் குமார் ஷிண்டே

Re: முன்கூட்டியே எச்சரித்தும் பீகார் அரசு கண்டுகொள்ளவில்லை: சுஷில் குமார் ஷிண்டே

Re: முன்கூட்டியே எச்சரித்தும் பீகார் அரசு கண்டுகொள்ளவில்லை: சுஷில் குமார் ஷிண்டே

Re: முன்கூட்டியே எச்சரித்தும் பீகார் அரசு கண்டுகொள்ளவில்லை: சுஷில் குமார் ஷிண்டே

Re: முன்கூட்டியே எச்சரித்தும் பீகார் அரசு கண்டுகொள்ளவில்லை: சுஷில் குமார் ஷிண்டே

Re: முன்கூட்டியே எச்சரித்தும் பீகார் அரசு கண்டுகொள்ளவில்லை: சுஷில் குமார் ஷிண்டே