துறைமுகங்களுக்காக புதிய கண்டுபிடிப்பு

இந்தப்பதிவை கப்பல், துறைமுகம் துறைகளில் பணிபுரிபவர்கள் படித்தால் கண்டிப்பாக வியக்கக்கூடும். இந்த துறையில் இருப்பதால் நானும் அலுவலகத்திலும் பலருக்குப் பகிரப்பட்டு எல்லாரும் பார்த்து வியந்தஒன்று. காரணம் இதன் தேவை அப்படி.

கப்பல்களில் கன்டெய்னர்கள் ஏற்றிச்செல்வார்கள் என்று எல்லாருக்கும் தெரியும். இதில் காலியான கன்டெய்னர்கள் துறைமுகத்தி்ல் அதற்கான இடங்களில் இறக்கிவைக்கப்படும். இந்தியாவில் சென்னை எண்ணூர் துறைமுகத்தில் மட்டும் மாதம் 50 லட்சம் கன்டெய்னர்கள் வந்துப்போகிறது. துபாய் ஜபைல் அலியில் 30-40 லட்சம். இதற்காக நிறைய இடவசதி, மனிதவளம், மின்சக்தி தேவைப்படுகிறது. சிலசமயங்களில் கன்டெய்னர்களை இறக்கி வைக்க போதுமான இடம் இல்லாமல் (PORT CONGESTION) துறைமுகத்திற்கு வரும் கப்பல்களை இடவசதி கிடைக்கும்வரை நிறுத்திவிடுவார்கள். இதனால் கப்பல்களின் புறப்பாடு, வருகை எல்லாம் தாமதப்படும். இன்னும் பலப்பல பிரச்சனைகள்.


இந்த பிரச்சனைகளுக்கு தீர்வாக வந்திருக்கிறது மடக்கும் வசதிகொண்ட கன்டெய்னர்கள்(FOLDABLE CONTAINERS) நெதர்லாந்தைச்சேர்ந்த ரினி கிஸ்பர் என்றப்பொறியாளர் இதை வடிவமைத்திருக்கிறார். கார்கோஷெல் என்றப்பெயரிடப்பட்ட இந்த கன்டெய்னர்கள் பைபர் இழைகளால் தயாரிக்கக்பட்டவை. இரும்பினாலான கன்டெய்னர்களின் உறுதியோடும் அதனைவிட மூன்றில் ஒருபங்கு எடையுடன் தயாரிக்கப்பட்டுள்ளது. முக்கியமாக இதன் தயாரிப்பில் வெளிவரும் கார்பன் டைஆக்ஸைடின் அளவு மற்ற கன்டெய்னர்களை தயாரிக்கப்படுமபோது வெளிவருவதை விட குறைவாக வெளிப்படுகிறது.


இந்த காலியான கன்டெய்னர்கள் மடக்கி வைத்துவிடலாம். சாதாரண கன்டெய்னர்களில் ஒன்றின்மேல் ஒன்றாக இரண்டுதான் வைக்கமுடியும். இதை மடக்கி வைத்து ஒன்றின்மேல் ஒன்றாக ஐந்துவைக்கலாம். ஒரு கிரேன் மூலம் 30 நொடிகளில் ஒரு கன்டெய்னரை மடக்கி நிமிர்த்தவிட முடியும். இதனால் நேரம் மிச்சம், அதிக கன்டெய்னர்களை வைக்கலாம், கப்பல்களில் ஏற்றவும், இறக்கவும் இலகுவாகவும் இருக்கும். இது போன்ற கன்டெய்னர்களை மற்றவாகனங்களான ரயில், லாரிகளில் கொண்டுசெல்ல எளிதாகவும் பாதுகாப்பாகவும் இருக்கும். சென்னையில் வண்டியிலிருந்து கன்டெய்னர் கவிழ்ந்து அப்பாவிகளை கொல்லும் விபத்துக்கள் சாதாரணம். இதுபோன்ற கன்டெய்னர்களால் கவிழும் அபாயம் முற்றிலும் இல்லை.




இந்தக்கன்டெய்னர்கள் தற்போது தரத்திற்கான ISO சான்றிதழ் பெறுவதற்காக பரிசோதனையில் உள்ளது, உண்மையில் இதுபோன்ற கண்டுபிடிப்புகள் கப்பல், துறைமுகங்களுக்கு மிகப்பெரிய வரப்பிரசாதம். பயன்பாட்டில் வந்தால் 2020 க்குள் மொத்த தேவையில் நான்கு சதவீதமாக இருக்கும் என எதிர்பார்க்கப்படுகிறது,

submit_url = '';

அரியதோர் தகவல்.

சூப்பர் சூப்பர்