இந்தியாவின் செல்வந்தர்களில் முகேஷ் அம்பானிக்கு முதலிடம்.

by **சிவா** Sat Oct 26, 2013 10:29 am

இந்தியாவின் செல்வந்தர்களில் முதலிடத்தை பிரபல தொழிலதிபர் முகேஷ் அம்பானி பெற்றுள்ளார். இவரது வருவாயில் 2 சதவீதம் இழப்பு ஏற்பட்டபோதும் இந்த முதலிடத்தை இவர் தக்கவைத்துள்ளார்.

இந்திய செல்வதர்களின் பட்டியலை சீனாவைச் சேர்ந்த ஹரூன் நிறுவனம் வெளியிட்டுள்ளது.

இந்திய செல்வந்தர்கள் பட்டியலில் முதலிடத்தில் இருந்து வரும் பிரபல தொழில் அதிபர் முகேஷ் அம்பானிக்கு கடந்த ஆண்டு 2 சதவீதம் அளவுக்கு வருவாய் இழப்பு ஏற்பட்டது, என்றாலும் அவர் 18.9 பில்லியன் அமெரிக்க டாலருக்கு நிகரான மதிப்புள்ள சொத்துக்களுடன் இந்திய பணக்காரர்களில் முதல் இடத்தில் இருக்கிறார்.

லண்டனில் வசித்து வரும் பிரபல தொழில் அதிபர் லட்சுமி மிட்டல் 15.9 பில்லியன் டாலர் சொத்துக்களுடன் 2-வது இடத்தில் உள்ளார். திலீப் சங்வி மூன்றாவது இடத்தில் இருக்கிறார்.

விப்ரோ நிறுவனத்தின் அசிம் பிரேம்ஜி 12 பில்லியன் டாலர் சொத்துக்களுடன் 4-வது இடத்திலும், எச்.சி.எல். நிறுவனத் தலைவர் சிவ் நாடார் 8.6 பில்லியன் டாலர் சொத்துக்களுடன் 5-வது இடத்திலும் உள்ளனர். தொழில் அதிபர் குமார் மங்கலம் பிர்லா 8.4 பில்லியன் டாலர் சொத்துக்களுடன் 6-வது இடத்தைப் பிடித்துள்ளார்.

பாலிவுட் நடிகரான ஷாருக் கான் 400 மில்லியன் டாலர் சொத்துக்களுடன் இப்பட்டியலில் 114 வது இடத்ததை பெற்றுள்ளார் என்பது குறிப்பிடத்தக்கது.

by அசுரன் Sat Oct 26, 2013 2:08 pm

இவங்க வரி கட்டினானே போதும் அரசாங்கத்திற்கு நிறைய பணம் வரும்

by யினியவன் Sat Oct 26, 2013 2:15 pm

கணக்கில் வந்த வருமானத்தின் படி இத்தனை பில்லியன்கள் வராததை சேர்த்தால்?

by amirmaran Sat Oct 26, 2013 3:19 pm

இந்திய செல்வதர்களின் பட்டியலை சீனாவைச் சேர்ந்த ஹரூன் நிறுவனம் வெளியிட்டுள்ளது.

இதில இருந்து என்ன தெரியுது? சீனா நம்மை அதிகமா கண்காணிக்கிறது...

by **ayyasamy ram** Sat Oct 26, 2013 9:37 pm

இந்தியாவின் செல்வந்தர்களில் முகேஷ் அம்பானிக்கு முதலிடம். I0OcmxVUQymR9AOwC1xa+mukesh-ambani-257x300

-
முகேஷ் அம்பானி
--------------
$ 21.5 Billion Dollar.-க்கு சொந்தக்காரர்...
உலக அளவில் பணக்காரர் பட்டியலில் 22 -வது இடத்தில்
இருப்பவர்
-

by அசுரன் Sat Oct 26, 2013 9:48 pm

amirmaran wrote:
இந்திய செல்வதர்களின் பட்டியலை சீனாவைச் சேர்ந்த ஹரூன் நிறுவனம் வெளியிட்டுள்ளது.
இதில இருந்து என்ன தெரியுது? சீனா நம்மை அதிகமா கண்காணிக்கிறது...

சீனா காரனுக்கு கண்ணு சின்னதா இருந்தாலும் எப்படி நம்ம பார்க்குறான் பாருங்க புன்னகை

by **விஸ்வாஜீ** Sun Oct 27, 2013 1:02 pm

இவரால் இந்தியாவுக்கு என்ன்ன பெருமை

by **SajeevJino** Sun Oct 27, 2013 1:34 pm

vishwajee wrote:இவரால் இந்தியாவுக்கு என்ன்ன பெருமை

இவர் வீட்டிற்கு ஒரு நாள் வருமான வரித்துறையினர் சோதனை போடும் போது நாட்டின் பங்குகள் சர்வதேச அளவில் குறையும் போது தெரியும்

by **ayyasamy ram** Sun Oct 27, 2013 1:53 pm

வருமான வரித்துறையினர் சோதனை போடுமளவுக்கு
அவர் ஒன்றும் லேசுப்பட்ட பணக்காரர் அல்ல....
-
ஏப்ரல் - ஜூன் முடிய உள்ள காலாண்டுக்கு மட்டும்
முன்னதாக செலுத்தப்படும் வரித்தொகை மட்டும்
900 கோடி ஆகும்...
-
இந்த அளவுக்கு தொழிலில் வருமானம் ஈட்டுகிறார்
என்றால், எத்தனை ஆயிரம் பேருக்கு வேலை
கொடுத்திருக்கிறார் என்பதும் புரியம்...
-
இவரது வீட்டை பராமரிக்க மட்டும் 600 பேர்கள்
உள்ளனர்..-
-
இவரது வீடு குறித்த செய்திக்கு:
http://www.eegarai.net/t44633-9000