உடற்பயிற்சி கூடங்கள் ( ‘ஹெல்த் கிளப்’ )

உடற்பயிற்சி கூடங்கள்

இப்போது உடற்பயிற்சிக் கூடங்கள் பெருகிவருகின்றன. இதற்குக் காரணம், வீட்டில் உடற்பயிற்சி செய்ய முடியாமல், இம்மாதிரி ‘ஹெல்த் கிளப்’புகளில் நண்பர்களுடன் இயந்திரங்களைக் கொண்டு பயிற்சி செய்ய மக்கள் மிகவும் விரும்புகிறார்கள்.

இம்மாதிரி இயந்திரங்கள் மூலம் செய்யும் உடற்பயிற்சிகளால் எந்தவிதமான கெடுதல்களோ பக்க விளைவுகளோ ஏற்படாது. மாறாக, உடலின் அதிகப்படியான எடை குறைந்து அழகான உடலமைப்பை பெற முடிகிறது.

உடற்பயிற்சிக்கூடத்தின் சூழ்நிலையும் மக்கள் விரும்பக் கூடியதாய் இருக்கிறது.

உடற்பயிற்சிக் கூடங்களில் உபயோகிக்கப்படும் சில கருவிகளைப் பின்னர் பார்க்கலாம்.

அளவாகச் சாப்பிடுங்கள், அழகாக இருங்கள்!

கட்டான உடல் அழகைப்பெற வேண்டும் என்பது ஒவ்வொரு மனிதனின் ஆசையாக இருக்கிறது. ஆசைப்பட்டால் மட்டும் போதுமா? சற்றுக் கட்டுப்பாடும் தேவைப்படுகிறது! உடல் எடை குறைய மனிதன் சற்று வாயைக் கட்டுப்படுத்தினால் போதும்.

உடலில் அதிகப்படியான சதைகள் குறைந்தால், உடலின் எடை குறைந்து இலேசாக இருப்பதைப்போல் உணரலாம். அப்படியிருந்தால், மனிதர்கள் ஆரோக்கியமாகவும், உற்சாகமாகவும் தங்கள் பணிகளை ஆற்ற முடியும்.

எந்தெந்த உணவுப் பதார்த்தங்களைத் தவிர்ப்பதன் மூலம் உடலின் கொழுப்பை நீக்கலாம்?

மாமிச வகைகளுள் முட்டை, மாட்டிறைச்சி, ஆட்டிறைச்சி, ஈரல், மூளை, சிறுநீரகம் ஆகியன.
பருப்பு வகைகளுள் முந்திரி, பாதாம், தேங்காய், வேர்க்கடலை, வால்நட், பிஸ்தா போன்றவை.
உலர்ந்த பழங்களுள் உலர்ந்த திராட்சை, பேரிச்சம் பழம் ஆகியன.

பால் மற்றும் எண்ணெய்ப் பொருட்களுள் கெட்டியான பால், கிரீம், சீஸ், ஐஸ்கிரீம், கஸ்டர்டு, வெண்ணெய், நெய், டால்டா, தேங்காய் எண்ணெய், பாமாயில் போன்றவற்றையும் தவிர்க்கலாம்.

கண்டிப்பாகக் கட்டுப்படுத்திக் கொள்ள வேண்டிய பொருள்கள்:
சர்க்கரை, எண்ணெய், ஆல்கஹால், முட்டையின் வெள்ளைக் கரு, கிழங்கு வகைகள் ஆகியவை.


தாராளமாகச் சாப்பிடக்கூடிய உணவு வகைகள்:

நீர்மோர், இலையுடன் கூடிய பச்சைக் காய்கறிகள், காய்கறி சூப், காய்கறி சாலட்டு ஒரு நாளைக்கு 2 அல்லது 3 ஸ்பூன், சனோலா அல்லது சபோலா எண்ணெயைச் சேர்த்துக் கொள்ளலாம்.
கீழ்க்கண்ட எளிய உணவு அட்டவணைப்படி ஓரிரு மாதம் இருந்துவிட்டு எடையைப் பார்க்கலாமே?


காலை ஆறுமணி :

காபி அல்லது டீ 1/4 ஸ்பூன் சர்க்கரையுடன்.



காலை உணவு:

8 மணியிலிருந்து 8.30 மணிக்குள் ஒரு பிரட் டோஸ்ட் (வெண்ணெய் இல்லாமல்) அல்லது இரண்டு இட்லி அல்லது 1 தோசை அல்லது இரண்டு சப்பாத்தி அல்லது 1 கப் உப்புமா இவற்றுள் ஏதாவது ஒன்று. ஒரு வேக வைத்த முட்டை, அரை கப் ஆரஞ்சு ஜூசுடன்.



பகல் 11 மணிக்கு :

ஒரு டம்ளர் நீர்மோர்.


மதிய உணவு:

1 மணியிலிருந்து 2 மணிக்குள் ஒரு கப் சாதம், அரைக் கப் சாம்பார், அரைக் கப் ரசம், அரைக் கப் தயிர். காய்கறி 1 கப் (மாமிசம் சாப்பிடுபவராய் இருந்தால் 1 துண்டு மீன் அல்லது இறைச்சி)


மாலை 4-1/2 மணிக்கு:

ஒரு கப் காபி அல்லது டீ (சர்க்கரை இல்லாமல்) இரண்டு பிஸ்கட் அல்லது 1/2 கப் சுண்டல்.

இரவு உணவு:

7-1/2 மணியிலிருந்து 8 மணிக்குள் இரண்டு சப்பாத்தி அல்லது ஒரு கப் கஞ்சி.
இவை தவிர காலையில் வெறும் வயிற்றில் அரை டம்ளர் எலுமிச்சம்பழ ஜூஸ் அருந்துவதும், 15 நிமிடம் உடற் பயிற்சி செய்வதுமான பழக்கத்தை மேற்கொண்டால் அழகும் ஆரோக்கியமுள்ள முழு மனிதராக ஆகமுடியும்.


நன்றி புவனா

தகவலுக்கு நன்றிகள் தாமு..ஆனா எங்கே இதை எல்லாம் கடை பிடிக்கிறோம்......

நல்ல தகவல் நன்றிகள் தாமு எனக்கு தேவைப்படும் எனக்கு அளவே கிடையாது நல்ல சாப்பாடு என்றால் நாலைந்து தட்டு இறங்கும்

நல்ல சாப்பாடு என்றால் நாலைந்து தட்டு இறங்கும்

இருக்கும்வரை நல்லா அனுபவிச்சிடனும் மீனு அனுபவிக்காமல் நூரு வஜதுவரை இருந்து என்ன பிரயோசனம்

நன்றி மீனு, ரூபன்...

அளவனா சாப்பாடு உடலுக்கு நல்லது ரூபன்..

அதைவிட காய், பழம் சாப்பிடுங்க... மத்தை குரைச்சுடுங்க.... முயற்சி சொஞ்சு பாருங்க...

தின் குடி சா இதுதான் என் வாழ்க்கை இலட்சியம்