இந்த வாரத்தில் பூமியின் மீது மோத இருக்கும் செயற்கைக்கோள்!

**சாமி** · **சாமி** Sun Oct 20, 2013 9:23 pm

பெர்லின், அக்.20-

விண்வெளியில் நிறுத்தப்பட்டிருந்த அமெரிக்காவின் செயற்கைக்கோளான யு.ஏ.ஆர்.எஸ். செயலிழந்ததையடுத்து அதன் சிதைந்த பாகங்கள் கடந்த மாதம் பூமிக்கு வந்து சேர்ந்தது.

இந்நிலையில், ஜெர்மனி நாட்டை செர்ந்த ரோசாட் என்ற பெயரிடப்பட்ட செயற்கைக்கோளும் செயலிழந்ததை தொடர்ந்து அதன் உடைந்த பாகங்கள் விண்வெளியில் இருந்து பூமிக்கு திரும்ப உள்ளது.

கடந்த 1990ம் ஆண்டு ஜூன் 1ல், அமெரிக்காவின் கேப் கேனவெரல் என்ற இடத்திலிருந்து விண்ணிற்கு செலுத்தப்பட்டது. தற்போது, வெப்பத்தை தடுக்கும் 400 கி.கி. எடை கொண்ட கண்ணாடி உள்பட இதன் உடைந்த பாகங்கள் ஏறத்தாழ 2 டஜன்களை தொடும்.

அமெரிக்க செயற்கைக்கோளை காட்டிலும் ரோசாட் சிறியதெனினும் பூமி மீது விழுவதால் ஏற்படும் பாதிப்பிற்கான வாய்ப்பு 1/2000 விகிதமாக இருக்கும்.

இது யு.ஏ.ஆர்.எஸ். செயற்கைக்கோளிற்கு நாசா நிர்ணயித்த 1/3200 என்ற விகிதத்தை காட்டிலும் அதிகமாகும். இந்த செயற்கைக்கோள் வரும் 21ந்தேதி முதல் 24ந்தேதிக்குள் பூமியில் விழக்கூடும் என ஆய்வாளர்கள் தெரிவித்துள்ளனர்.
-maalaimalar