நல்லெண்ணெய் ( Gingelly Oil )

தாமு · தாமு Thu Oct 29, 2009 4:18 pm

இந்தியாவில் ஏராளமாகப் பயிரிடப்படுகின்ற ஒரு சிறிய செடி எள். இதன் காயிலிருக்கின்ற ஏராளமான விதைகளைச் சேகரித்து உலர்த்தி எண்ணெய் எடுக்கிறார்கள். இந்த எண்ணெய் தென்னிந்தியாவில் உணவு செய்தற் பொருட்டும், தலை முழுகிற்கும் பயன்படுகிறது. எள்ளில் வெள்ளை, கருமை, செம்மை என மூன்று பிரிவுகளுண்டு. மற்றும் காட்டெள், சிற்றெள், பேரெள் எனவும் பல வகுப்புகளுண்டு.

எள்ளிலிருந்து எடுக்கப்படும் நல்லெண்ணெய் உணவுப் பொருளாகவும், மருந்துப் பொருளாகவும், வெளிப்பூச்சாகவும் பயன்படுத்தப்படுகிறது. குறிப்பாக தென்னிந்தியாவில் சமையலுக்குப் பயன்படுத்துவது இந்த எண்ணெய்தான். சற்றுக் கசப்பும், சிறிது இனிப்பும், காரத் தன்மையுங் கொண்ட எண்ணெய் இது. எளிதாக சருமத்திற்குள் ஊடுருவக் கூடியது. அதனால் சருமம் மிருதுவாகவும், போஷாக்குடனும் திகழ உதவுகிறது.

சருமத்தின் ஈரப்பதத்தை சமப்படுத்துகிறது. உடல் வெப்பத்தைத் தணிக்கிறது. ரத்தத்தில் கொலஸ்டிராலைக் குறைக்கிறது. உலர்ந்த சருமத்திற்கு நல்லது.

சீனா, இந்தியா, துருக்கி முதலான நாடுகளில் எள் பெருவாரியாகப் பயிரிடப்படுகிறது. இளவேனில் காலத்தில் பயிரிடப்பட்டு மூன்று நான்கு மாதங்களில் அறுவடை செய்யப்படுகிறது. எள்ளுச் செடி 30 செ.மீ. முதல் 90 செ.மீ உயரம் வரை வளரக் கூடியது.

இதன் இலைகள் முட்டை வடிவிலோ, ஈட்டி வடிவிலோ 8 முதல் 13 செ.மீ. நீளம் வரை இருக்கும். இதன் பூக்கள் இளஞ்சிவப்பு அல்லது வெள்ளை நிறத்திலிருக்கும். இந்தப் பூ கண் சம்பந்தமான எல்லா நோய்களையும் தீர்க்கும் மருந்தாகப் பயன்பட்டு வருகிறது. இதன் விதைகள் மிகச் சிறியது. இதில் 70 சதவீதம் எண்ணெய்ச் சத்து உள்ளது.
ஒன்றிரண்டு பச்சை இலையை எடுத்துக் குளிர்ந்த நீரில் அலசினால் பச்சை இறங்கும். இது புண்பட்ட கண்களைக் கழுவ உதவும்.

ஒன்றிரண்டு இலைகளை ஒரு ஆழாக்கு குளிர்ந்த நீரிலிட்டு ஊற வைத்து, தினம் இருவேளையாக ஆறு அல்லது ஏழு நாட்கள் கொடுத்துவர சீதக்கழிச்சல் குணமாகும். இலையைப் பதவடையாகச் செய்து கட்டிகளுக்குக் கட்ட அவை சீக்கிரம் பக்குவமடைந்து உடையும். இதன் பூவைக் கண்ணோய்க்கு வழங்குவதுண்டு. காயையும், தோலையும் உலர்த்திச் சுட்டுச் சாம்பலாக்கி, புண்களுக்குத் தூவ அவை குணமாகும்.

விதையை ஊறவைத்த தண்ணீரை உதிரச் சிக்கலுக்குக் கொடுக்கலாம். விதையின் விழுது ஒரு சுண்டையளவு வெண்ணெயில் சாப்பிட குருதி மூலம் குணமாகும்.
எள்ளைச் சேர்த்துப் பக்குவப்படுத்திய அன்னத்தை உட்கொண்டால் உடல் வன்மை உண்டாகும்.

எள் நெய் புத்திக்குத் தெளிவு, விழிகளுக்குக் குளிர்ச்சி, உடல் பூரிப்பு, உடல் வன்மை ஆகியவற்றைத் தருவதோடு கண்ணோய், தலைக் கொதிப்பு, சொரி, சிரங்கு, புண் முதலியவைகளைத் தணிக்கும். மனமகிழ்ச்சியைத் தரும்.

எண்ணெயில் இரண்டு அல்லது நான்கு கரண்டியளவு ஒவ்வொரு நாளும் உள்ளுக்குக் கொடுத்துக் கொண்டுவர உடல் பூரிக்கும்.

கோழி முட்டை வெண்கருவுடன், எண்ணெய் கலந்து பருக்களின் மீது பூசிக்கொண்டு வர கட்டிகளின் வலி நீங்கும்.

இதையே காலையில் இரு கண்களிலும் விட்டுக் கட்டி, தலையிலும் தடவித் தேய்த்து, காய்ந்தறிய வெந்நீரில் அடுத்தடுத்து மூன்று நாட்கள் தலை முழுகிவர கண் சிவப்பு, கண் வலி, கண்ணில் நீர் வடிதல், இவைகளுடன் சேர்ந்த மண்டைக் குத்தல் முதலியன நீங்கும்.

இந்த எண்ணெய் மார்க்ரைன், சோப்பு மற்றும் ஒப்பனை பொருள்கள் முதலியன செய்யவும் பயன்படுத்தப்படுகிறது.

அழகுக்கூடும்…

நன்றி - விஜயகுமாரி பாஸ்கரன்

ரூபன் · ரூபன் Thu Oct 29, 2009 4:19 pm

எண்கள் ஊர் நல்லெண்ணெய் தயாரிப்பதையே பிரதான தொழிலாக கொண்டது நல்லெண்ணெய் ( Gingelly Oil ) 325286

kirupairajah · kirupairajah Thu Oct 29, 2009 4:23 pm

நல்லெண்ணை என்றால் என்ன என்பதுடன், அதன் மருத்துவ குணங்களையும் சிறப்பாக விளக்கியுள்ளீர்கள், பதிவிற்கு நன்றி தாமு!

முஹம்மத் · முஹம்மத் Mon Jun 27, 2011 7:17 pm

http://tndawa.blogspot.com/2011/06/blog-post_27.html

எள்ளில் இருந்து ஆட்டி எடுக்கப்படும் நல்லெண்ணைய்யை அதிகம் பயன்படுத்துபவர்கள் நாம்.

இது வெளிப்பூச்சுக்கும், உணவுப் பொருளாகவும், மருந்துப் பொருளாகவும் பயன்படுகிறது.

தென்னிந்தியாவில் அதிகமாக சமையலுக்குப் பயன்படுத்தப்படும் எண்ணை இதுதான். இந்தியா, சீனா, துருக்கி போன்ற நாடுகளில் எள் அதிகமாகப் பயிரிடப்படுகிறது.

எள்ளில் வெள்ளை எள், கறுப்பு எள், சிவப்பு எள் என்ற மூன்று வகை உண்டு. மேலும் காட்டெள், சிற்றெள், பேரெள் போன்ற வகைகளும் உண்டு.

* நல்லெண்ணைய், சற்றுக் கசப்பும், சிறிது இனிப்பும், காரத் தன்மையும் கொண்டது.

எளிதாக சருமத்துக்குள் ஊடுருவக் கூடியது. அதனால் சருமம் மிருதுவாகவும், போஷாக்குடனும் திகழ உதவுகிறது.

* நல்லெண்ணைய், சருமத்தின் ஈரப்பதத்தைச் சமப்படுத்துகிறது. உடல் வெப்பத்தைத் தணிக்கிறது. ரத்தத்தில் கொலஸ்டிராலைக் குறைக்கிறது.

* நல்லெண்ணைய்யை, 'இயற்கை நமக்கு அளித்த கொடை' என்று தாராளமாகச் சொல்லலாம்.அளவில்லாமல் தொடரும் இதன் நன்மைகளே அதற்குக் காரணம்.

நல்லெண்ணைய், புத்திக்குத் தெளிவு, விழிகளுக்குக் குளிர்ச்சி, உடல் பூரிப்பு, வலிமை ஆகியவற்றைத் தருகிறது. கண் நோய், தலைக் கொதிப்பு, சொரி, சிரங்கு, புண் முதலியவற்றைத் தணிக்கிறது.

* நல்லெண்ணைய்யை தினமும் இரண்டு அல்லது மூன்று தேக்கரண்டியளவு சாப்பிட்டு வந்தால் உடல் பூரிக்கும். கோழிமுட்டை வெண்கருவுடன் நல்லெண்ணைய் கலந்து பருக்களின் மீது பூசி வந்தால் கட்டிகளின் வலி நீங்கும்.

* நல்லெண்ணைய் தேய்த்துக் குளித்து வந்தால், கண் சிவப்பு, கண் வலி, கண்ணில் நீர் வடிதல், மண்டைக் குத்தல் போன்றவை நீங்கும் என்று பாரம்பரிய மருத்துவர்கள் கூறுகின்றனர்.

நன்றி: உங்களுக்காக
Mohammad சுல்தான்

http://tndawa.blogspot.com/2011/06/blog-post_27.html

**கே. பாலா** · **கே. பாலா** Mon Jun 27, 2011 7:23 pm

நல்லெண்ணதோடு பகிர்ந்து கொண்டமைக்கு நன்றி நண்பா ! நல்லெண்ணெய் ( Gingelly Oil ) 678642

தாமு · தாமு Mon Jun 27, 2011 7:27 pm

நண்பா எப்போதும் நீங்கள் இடும் பதிவு முன்பே இருக்கிறதா என்று பார்த்து இடவும்.....

இதை சித்த மருத்துவத்தில் போடவேண்டும் சோகம்

**krishnaamma** · **krishnaamma** Mon Jun 27, 2011 9:17 pm

நல்ல பகிர்வு தாமு புன்னகை

நாங்க ராஜஸ்தானில் இருந்த போது, செக்கில் ஆட்டி பிரெஷாக வாங்குவோம். ரொம்ப மணமாக இருக்கும். அங்கு மொத்தமும் இந்த எண்ணை தான் உபயோகிப்பார்கள். பொங்கலுக்கு அவர்கள் எள் உருண்டை பிடிப்பார்கள் .அது நம்ம ஊரிலே கார்திகைக்கு பொரி உருண்டை பிடிப்போமே அந்த அளவில் இருக்கும் புன்னகை

தாமு · தாமு Tue Jun 28, 2011 5:31 am

krishnaamma wrote:நல்ல பகிர்வு தாமு நாங்க ராஜஸ்தானில் இருந்த போது, செக்கில் ஆட்டி பிரெஷாக வாங்குவோம். ரொம்ப மணமாக இருக்கும். அங்கு மொத்தமும் இந்த எண்ணை தான் உபயோகிப்பார்கள். பொங்கலுக்கு அவர்கள் எள் உருண்டை பிடிப்பார்கள் .அது நம்ம ஊரிலே கார்திகைக்கு பொரி உருண்டை பிடிப்போமே அந்த அளவில் இருக்கும்

அம்மா

Sponsored content · Sponsored content

நல்லெண்ணெய் ( Gingelly Oil )

நல்லெண்ணெய் ( Gingelly Oil )

Re: நல்லெண்ணெய் ( Gingelly Oil )

Re: நல்லெண்ணெய் ( Gingelly Oil )

நல்லெண்ணைய்யின் பயன்கள் !

Re: நல்லெண்ணெய் ( Gingelly Oil )

Re: நல்லெண்ணெய் ( Gingelly Oil )

Re: நல்லெண்ணெய் ( Gingelly Oil )

Re: நல்லெண்ணெய் ( Gingelly Oil )

Re: நல்லெண்ணெய் ( Gingelly Oil )

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக