ஊலிமில் (மலேசியா) ஆறு இந்தியர்களை போலீசார் சுட்டுக்கொன்றுள்ளனர்.

போலீசார் மேற்கொண்ட அதிரடி நடவடிக்கையில் நகைக்கடை திருட்டுக் கும்பலைச் சேர்ந்தவர்கள்? என போலிசாரால் அடையாளம் கூறப்பட்ட இந்தியர்கள் அறுவர் சுட்டுக் கொள்ளப்பட்டனர். நேற்று முன்தினம் இரவு 10.10 மணியளவில் கம்போங் கமுண்டிங் கரங்கான் கூலிம் என்னுமிடத்தில் அந்த அறுவரும் சுட்டுக்கொள்ளப்பட்டனர் என்று கெடா மாநில போலிஸ் தலைவர் டத்தோ சைட் இப்ராஹிம் பின் டத்தோ ஹாஜி சைட் ஹாஜிசான் நேற்று நிருபர்களிடம் தெரிவித்தார்.

பேரா, கெடா மற்றும் புக்கிட் அமானைச் சேர்ந்த குற்றப்புலனாய்வுத் துறையின் போலிஸ் குழு அந்த அறுவரையும் சுட்டுக் கொன்றதாக அவர் தெரிவித்தார். ஒரு வீட்டை போலிசார் முற்றுகையிட்டபோது அந்த வீட்டிலிருந்து துப்பாக்கி வேட்டுச் சத்தம் கேட்டதாகவும்? போலிசார் சுட்டதில் ஆறு இந்திய ஆடவர்கள் பலியானதாகவும் அவர் கூறினார். அந்தக் கும்பலைச் சேர்ந்தவர்கள் போலிசாரை நோக்கி பலமுறை சுட்டதாகவும் போலிசார் பதிலுக்கு சுடவேண்டி இருந்ததாகவும் அவர் மேலும் தெரிவித்தார்.

இந்த சம்பவத்தை அடுத்து புலன் விசாரணைக்காக நான்கு பெண்களை போலிசார் கைது செய்தனர். கைதான பெண்கள் விசாரணைக்காக ஏழு நாட்களுக்கு தடுத்து வைக்கப்பட்டுள்ளனர். இந்த போலிஸ் நடவடிக்கையில் சுட்டுக் கொள்ளப்பட்டவர்களின் பெயர்கள் வருமாறு:

1. இளங்கோவன் த/பெ ராஜூ (வயது 38)
2. வடிவேலன் த/பெ சிவசுந்தரம் (வயது 29)
3. குருசாமி த/பெ சிங்கம் (வயது 50)
4. பன்னீர் த/பெ ரெங்கசாமி (வயது 28)
5. சந்தானம் த/பெ லுக்ஜேசப் (வயது 34)
6. திலீப்குமார் த/பெ ராமநாதன் (வயது 20)

இந்தியர் அறுவர் சுட்டுக்கொள்ளப்பட்ட சம்பவம் மிகுந்த மனவேதனை அளிப்பதாக பினாங்கு துணை முதல்வர் இராமசாமி தெரிவித்தார்.

கூலிமில் இந்தியர்கள் அறுவர் சுட்டுக் கொள்ளப்பட்ட சம்பவம் தொடர்பில் முழு விசாரணை நடத்தப்பட வேண்டும் என்று மக்கள் சக்தி ஒருங்கிணைப்பாளர் ஆர்.எஸ் தனேந்திரன் கேட்டுக் கொண்டார்.

போலிஸ் நடவடிக்கையில் சுட்டுக்கொள்ளப்பட்ட என் மகன் திலீப் குமார் எந்தக் குற்றச் செயலிலும் இதுவரை ஈடுபட்டிருக்கவில்லை என்று அவரின் தாயார் திருமதி செல்வரசி (வயது 42) கூறினார். என் மகன் குற்றவாளி அல்ல என்று அவர் நேற்று கதறி அழுதார்.

நிறை மாத கர்ப்பிணி பெண்களையே சுட்டுக் கொன்றுவிட்டு காரணம் சொல்லும் திறமை நம் நாட்டு போலீசுக்கு மட்டுமே!

இதுபோன்ற செய்திகள் அப்பட்டமான பொய் என்று தெரிந்தும் ஏதும் செய்ய தகுதியற்றவர்களாக வாழும் வாழ்க்கையே நாம் அனுபவிக்கும் நரகம். இதற்குமேல் ஒரு நரக வாழ்க்கை நமக்கு இல்லை..