உலக குத்துச்சண்டை போட்டி: மேலும் 3 இந்தியர்கள் கால்இறுதிக்கு தகுதி

**சிவா** · **சிவா** Wed Oct 23, 2013 3:23 am

உலக குத்துச்சண்டை சாம்பியன்ஷிப் போட்டி கஜகஸ்தான் நாட்டில் உள்ள அல்மாதியில் நடந்து வருகிறது. இதில் இந்திய வீரர்கள் பெருமைப்படும் வகையில் தொடர்ந்து அசத்தி வருகிறார்கள்.

நேற்று நடந்த 3-வது சுற்று ஆட்டம் ஒன்றில் இந்திய வீரர் சுமித் சங்வான் 81 கிலோ எடைப்பிரிவில், தன்னை எதிர்த்த பெலாரசின் சியார்ஹெய் நோவிகாவுக்கு சரமாரியாக குத்துகள் விட்டு 3-0 என்ற புள்ளி கணக்கில் சாய்த்தார். கால்இறுதியில் சங்வான் ஒலிம்பிக்கில் வெள்ளிப்பதக்கம் வென்றவரான பலம் வாய்ந்த கஜகஸ்தானின் அடிபெக் நியாஜிம்பெடோவை எதிர்கொள்கிறார்.

மற்றொரு இந்திய வீரர் சதிஷ்குமார் சூப்பர் ஹெவிவெயிட் (91 கிலோவுக்கு மேல்) பிரிவில் பெலாரசின் யான் சுட்ஜிலோஸ்கியை 3-0 என்ற கணக்கில் பந்தாடி கால்இறுதி சுற்றை எட்டினார். அடுத்து அவர் ‘உள்ளூர் ஹீரோ’ இவான் டைசிகோவுடன் பலப்பரீட்சை நடத்துகிறார்.

இதே போல் 60 கிலோ எடை பிரிவில் இந்திய வீரர் விகாஸ் மாலிக் 3-0 என்ற கணக்கில் ஹங்கேரியாவின் மிக்லாஸ் வர்காவை வீழ்த்தி கால்இறுதிக்கு தகுதி பெற்றார். ஏற்கனவே இந்திய வீரர்கள் ஷிப தபா, மனோஜ்குமார் ஆகியோரும் கால்இறுதிக்கு முன்னேறி இருக்கிறார்கள்.

தேசிய பயிற்சியாளர் குர்பாக்ஸ் சிங் சந்து கூறுகையில், ‘இது ஒரு வரலாற்று சிறப்பு மிக்க செயல்பாடாகும். உலக குத்துச்சண்டையில் நாம் பதக்கங்கள் வென்றிருக்கிறோம். ஆனால் ஒரே நேரத்தில் 5 வீரர்கள் கால்இறுதிக்கு வந்திருப்பது இதுவே முதல் முறையாகும்’ என்று நெகிழ்ச்சியுடன் குறிப்பிட்டார். கால்இறுதியில் வெற்றி பெற்றால் பதக்கம் உறுதியாகி விடும்.

அசுரன் · அசுரன் Wed Oct 23, 2013 12:50 pm

உண்மையிலேயே இது பெரிய விசயம் தான். இந்தியா இந்த குத்துசண்டையிலும் மல்யுத்தத்திலும் நம்பர் ஒன்னா திகழும் காலம் விரைவில் வரும்

உலக குத்துச்சண்டை போட்டி: மேலும் 3 இந்தியர்கள் கால்இறுதிக்கு தகுதி

உலக குத்துச்சண்டை போட்டி: மேலும் 3 இந்தியர்கள் கால்இறுதிக்கு தகுதி

Re: உலக குத்துச்சண்டை போட்டி: மேலும் 3 இந்தியர்கள் கால்இறுதிக்கு தகுதி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக