3வது ஒருநாள் போட்டி: ஆஸ்திரேலிய அணி வெற்றி

-

மொஹாலியில் இன்று நடைபெற்ற இந்திய ஆஸ்திரேலிய அணிகளுக்கு இடையிலான 3வது ஒருநாள் போட்டியில், ஆஸ்திரேலிய அணி வெற்றி பெற்று தொடரில் 2-1 என முன்னிலை பெற்றது.

முதலில் விளையாடிய இந்திய அணி நிர்ணயிக்கப்பட்ட 50 ஓவரில் 9 விக்கெட் இழப்புக்கு 303 ரன் குவித்தது. அணியில் அதிகபட்சமாக கேப்டன் தோனி 121 பந்துகளில் 139 ரன்கள் குவித்தார். அவர் 5 சிக்ஸர், 12 பவுண்டரிகளுடன் இந்த ரன்களை எடுத்தார். விராட் கோலி 68 ரன்னும் அஷ்வின் 28 ரன்னும் எடுத்தனர். மற்ற வீர்ர்கள் சொற்ப ரன்களையே எடுத்தனர். ஆஸ்திரேலிய தரப்பில் ஹோக்ஸ் சிறப்பாகப் பந்துவீசி 46 ரன்கள் கொடுத்து 4 விக்கெட்களை எடுத்தார்.

அடுத்து 304 ரன்கள் என்ற இலக்கை வைத்து ஆடிய ஆஸ்திரேலிய அணியில் வீரர்கள் நிதானமாக ரன்களை சேர்த்தனர். அந்த அணியில் ஹுக்ஸ் 40 பந்துகளை எதிர்கொண்டு 22 ரன்கள் எடுத்தார். பின்ச் 44 பந்துகளில் 38 ரன்கள் சேர்த்தார். வாட்சன் 11 ரன்னிலும் பெய்லி 43 ரன்னிலும் ஆட்டம் இழந்தனர். ரன் மிக மெதுவாக சேர்ந்ததால் ஒரு கட்டத்தில் இந்திய அணியின் பக்கம் வெற்றி வாய்ப்பு இருந்தது.

மேக்ஸ்வெல் 3 ரன்னிலும் ஹாடீன் 24 ரன்னிலும் ஆட்டம் இழந்து, 41.1 ஓவரில் 6 விக்கெட் இழப்புக்கு 213 ரன் எடுத்திருந்தது. அந்த நேரத்தில் 9 ஓவரில் ஆஸ்திரேலியா 91 ரன்களை சேர்க்க வேண்டும் என்ற நிலையில் இருந்தது. ஆனால், வோக்ஸும் பால்க்னரும் சேர்ந்து ஆட்டத்தின் போக்கையே மாற்றினர். இருவரும் அதிரடி காட்டி ஆடினர். பால்க்னர் 29 பந்துகளில் 6 சிக்ஸர், 2 பவுண்டரிகளுடன் 64 ரன் குவித்தார். வோக்ஸ் 87 பந்துகளில் 76 ரன் எடுத்தார். இதில் 7 பவுண்டரிகள் அடங்கும். இஷாந்த் சர்மா வீசிய ஆட்டத்தின் 48 வது ஓவர் ஆட்டத்தில் திருப்புமுனையை ஏற்படுத்தியது. இந்த ஓவரில் 4 சிக்ஸர், 1 பவுண்டரி அடிக்கப்பட்டது. இதனால் இலக்கு ரன்கள் குறைந்தது.

இறுதியில் 49.3 ஓவரில் ஆஸ்திரேலிய அணி 4 விக்கெட் வித்தியாசத்தில் வெற்றி பெற்று 2-1 என்று முன்னிலை பெற்றது.
=======
நன்றி: தினமணி

இஷாந்த் ஷர்மா போன்ற வீரர்கள் பாராட்டுக்குரியவர்கள்

SajeevJino wrote:இஷாந்த் ஷர்மா போன்ற வீரர்கள் பாராட்டுக்குரியவர்கள்

காமடி பீசெல்லாம் இந்திய அணியில் இருக்கு என்னத்த செய்ய   

கடைசி ஓவர் போட்ட மகராசன் முதல் பால் புல்டாஸ் போட்டாரு. அப்ப ஒரு ரன் தான் எடுத்தாங்க, ஆனா மூனாவது பாலும் புல்டாஸ் போட்டா சும்மா விடுவாங்களா?  

ஆட்டத்தின் போக்கையே மாற்ற கூடிய திறமை வாய்ந்தவர் இஷாந் சர்மா என்பது நேற்றும் நிருபனமானது... 

உலகின் அனைத்து கிரிக்கெட் அணிகளையும் கணக்கில் எடுத்துக்கொண்டாள் அதிக முறை 300 ரன்களுக்கு மேல் எடுத்த அணி இந்திய அணி தான்.

இவ்வளவு சிறந்த பேட்ஸ்மேன்களை கொண்ட அணி  வேகமே இல்லாத வேகப்பந்து வீச்சாளர்களை கொண்டு எதிரணி பந்துவீச்சாளர்கள் எல்லாம் அடித்து ஜெயிக்கும் நிலையில் வீசுகிறது.

நமது இந்திய கிரிக்கெட் அணியின் பலவீனம் வேகப்பந்துவீச்சுதான்.
என்ன செய்ய நமது நாட்டில் உள்ள மைதானங்கள் அப்படித்தான் உள்ளது.

ரா.ரமேஷ்குமார் wrote:ஆட்டத்தின் போக்கையே மாற்ற கூடிய திறமை வாய்ந்தவர் இஷாந் சர்மா என்பது நேற்றும் நிருபனமானது... 

Man of the Match ----- இஷாந் சர்மா

அன்று முதல் இன்று வரை நமக்கு சிறந்த ஐந்து பந்து வீச்சாளர்கள் இருந்ததே கிடையாது. நம் மட்டை வீச்சாளர்கள் தான் 25 ஓட்டங்கள் குறைவாக எடுத்து இஷாந்த் சர்மாவுக்கு சங்கடத்தை ஏற்படுத்திவிட்டார்கள்.