பேஸ்புக் தோழியைச் சந்திக்கச் சென்று செல்பேசி, பணத்தை இழந்த மாணவர்!

**சிவா** · **சிவா** Tue Oct 22, 2013 12:13 am

பேஸ்புக் மூலம் தவறான முகவரிகளை உருவாக்கி பெண் போலவே சில ஆண்கள் போலி அடையாளம் தயாரித்து சபலம் பிடித்த ஆண்களை வலையில் வீழ்த்தி முடிந்தவரை சுருட்டுவது என்பது தற்போது அதிகரித்து வருகிறது.

டெல்லியில் மற்றுமொரு இதுபோன்ற சம்பவம் நிகழ்ந்துள்ளது.

தலைநகர் டெல்லியில் உள்ள கல்லூரி ஒன்றில் பி.டெக் படித்துவரும் மாணவர் ஒருவருக்கே இந்த விபரீதச் சம்பவம் நிகழ்ந்துள்ளது.

பேஸ்புக் வைத்துள்ள இவர் திவ்யா என்ற ஒரு பெண்ணிடமிருந்து நட்பு வேண்டுகோள் கிடைக்க அதனை ஏற்றார். இருவரும் சிறிது காலம் பேஸ்புக்கில் கடலை போட்டுக் கொண்டிருந்தனர்.

அப்பறம் என்ன? திவ்ய என்ற அந்தப் பெயர் தன்னை சந்திக்க விருப்பம் தெரிவித்தவுடன் மனிதருக்கு தலைகால் புரியவில்லை.

சரோஜினி நகரில் உள்ள ராணுவ பள்ளிக்கூட பகுதியில் திவ்யாவை சந்திக்க இந்த நபர் புறப்பட்டுச் சென்றார்.

மிகுந்த எதிர்பார்ப்புடன் சென்ற அந்த மாணவருக்கு அங்கு அதிர்ச்சி காத்திருந்தது. அங்கு திவ்யாவும் இல்லை ஒருவரும் இல்லை. மாறாக 4 வாலிபர்கள் தடதடவென வண்டியில் வந்து இவரை பிடித்து வசைமாரி பொழிந்து 1000 ரூபாய் பணம் செல்பேசி ஆகியவற்றைப் பிடுங்கிக் கொண்டு சென்றனர்.

போலீசில் புகார் கொடுத்த நபர் இப்போது திருதிருவென விழித்துக் கொண்டு காத்திருக்கிறார்.

பேஸ்புக்கில் பேரைக் கண்டு ரொமான்ஸ் செய்யாதீர்கள் இளைஞர்களே!

முகநூல்

**Muthumohamed** · **Muthumohamed** Tue Oct 22, 2013 12:17 am

நல்ல விழிப்புணர்வு பதிவு பேஸ்புக் தோழியைச் சந்திக்கச் சென்று செல்பேசி, பணத்தை இழந்த மாணவர்! 1571444738

**M.M.SENTHIL** · **M.M.SENTHIL** Tue Oct 22, 2013 12:20 am

எனது பேஸ்புக் போதுமே என்ற கவியை இங்கே மீண்டும் ஒருமுறை பதிவு செய்து கொள்கிறேன்.

பேஸ் புக் போதுமே

மவனுக்கு கண்ணாலம்
பண்ணிடலாம் வைகாசியில,
விதச்சத அறுத்து முடிச்சா
வெத நெல்லுக்குப் போக
மீதியாகும் ஒரு லட்சம் !

தம்பி மவ கண்ணாலத்துக்கு
வாங்கின காச இப்போ
எந் தம்பியவன் திருப்ப தந்தா
அது வருமே அம்பதாயிரம் !

கடனோ உடனோ - டவுனுல
மளிகை கடை வெச்ச
ராசு மவங்கிட்ட கேட்டு வைப்போம்
கண்ணால செலவுக்கு அம்பதாயிரம் !

ஆத்தாலும், அப்பனும்
சேர்ந்து கணக்குப் போடறாக,
தவமிருந்து பெத்த தன்னோட
ஒத்தப்புள்ளைக்கு !!

நான் பொண்ணு பாத்துட்டேன்
சிம்புளா கோயில்ல
தாலி கட்டிட்டு - நெருங்கின
சொந்தத்துக்கு மட்டும்
சோத்தப் போட்டப் போதும்
என்றான் தவப்புதல்வன்!

குடும்பம் எப்படின்னு
தெரிஞ்சிக்க வேண்டாம்
குலம் என்னன்னும்
தெரிஞ்சிக்க வேணாம்,
ஏதோ பேஸ் புக்குல
பாத்தானாம் பொண்ணை
அதுதான் வேணுங்கிறான்
புலம்பினாள் தாய் !!

மாதம் கடந்து சவமானான் ஒருநாள்
பேஸ் புக்கில் பார்த்தது
பெண்ணில்லை ஆணாம்,
போட்டாவை மாத்திப்போட்டு
பொய்யாக பேசியதாம் !

பெத்த ஆத்தாளை கடைசி
நேரத்திலும் மறந்துவிட்ட பாவியே,
உன்னை பெக்காம இருந்திருந்தா
வரடின்னு வாழ்ந்திருப்பேன் !
பெத்த புள்ள பேஸ் புக்குல
செத்தான்னு நான் எப்படிய்யா
சொல்லி அழுவேன்?

அசுரன் · அசுரன் Tue Oct 22, 2013 12:30 am

சபலம் உள்ள ஆட்கள் பேஸ்புக்கில் அதிகம். நல்லா படட்டும் ஹி ஹி

**சிவா** · **சிவா** Tue Oct 22, 2013 12:35 am

M.M.SENTHIL wrote:எனது பேஸ்புக் போதுமே என்ற கவியை இங்கே மீண்டும் ஒருமுறை பதிவு செய்து கொள்கிறேன்.

பேஸ் புக் போதுமே

மவனுக்கு கண்ணாலம்
பண்ணிடலாம் வைகாசியில,
விதச்சத அறுத்து முடிச்சா
வெத நெல்லுக்குப் போக
மீதியாகும் ஒரு லட்சம் !

தம்பி மவ கண்ணாலத்துக்கு
வாங்கின காச இப்போ
எந் தம்பியவன் திருப்ப தந்தா
அது வருமே அம்பதாயிரம் !

கடனோ உடனோ - டவுனுல
மளிகை கடை வெச்ச
ராசு மவங்கிட்ட கேட்டு வைப்போம்
கண்ணால செலவுக்கு அம்பதாயிரம் !

ஆத்தாலும், அப்பனும்
சேர்ந்து கணக்குப் போடறாக,
தவமிருந்து பெத்த தன்னோட
ஒத்தப்புள்ளைக்கு !!

நான் பொண்ணு பாத்துட்டேன்
சிம்புளா கோயில்ல
தாலி கட்டிட்டு - நெருங்கின
சொந்தத்துக்கு மட்டும்
சோத்தப் போட்டப் போதும்
என்றான் தவப்புதல்வன்!

குடும்பம் எப்படின்னு
தெரிஞ்சிக்க வேண்டாம்
குலம் என்னன்னும்
தெரிஞ்சிக்க வேணாம்,
ஏதோ பேஸ் புக்குல
பாத்தானாம் பொண்ணை
அதுதான் வேணுங்கிறான்
புலம்பினாள் தாய் !!

மாதம் கடந்து சவமானான் ஒருநாள்
பேஸ் புக்கில் பார்த்தது
பெண்ணில்லை ஆணாம்,
போட்டாவை மாத்திப்போட்டு
பொய்யாக பேசியதாம் !

பெத்த ஆத்தாளை கடைசி
நேரத்திலும் மறந்துவிட்ட பாவியே,
உன்னை பெக்காம இருந்திருந்தா
வரடின்னு வாழ்ந்திருப்பேன் !
பெத்த புள்ள பேஸ் புக்குல
செத்தான்னு நான் எப்படிய்யா
சொல்லி அழுவேன்?