உ.பி. தங்கப்புதையல்: கனவு கண்ட துறவிக்கு மோடி திடீர் புகழாரம்!

ரேவதி · ரேவதி Mon Oct 21, 2013 5:29 pm

)

உ.பி. தங்கப்புதையல்: கனவு கண்ட துறவிக்கு மோடி திடீர் புகழாரம்! Modi(12)

புதுடெல்லி: உத்தரபிரதேசத்தில் தங்கப்புதையல் குறித்த ஆய்வை நரேந்திர மோடி விமர்சித்ததால், அது குறித்த கனவு தகவலை தெரிவித்த சாமியார் ஷோபன் சர்கர் அதிருப்தியடைந்ததை தொடர்ந்து, அவரை சமாதானப்படுத்தும் விதமாக தனது ட்விட்டர் தளத்தில் அவரை புகழ்ந்துள்ளார்.

ஆங்கிலேயர் இந்தியாவில் ஆட்சி செய்தபோது, உத்தரபிரதேசத்தில் உன்னாவ் மாவட்டம் அமைந்துள்ள பகுதியில், குறுநில மன்னராக இருந்தவர் ராஜா ராவ் ராம் பக்ஸ் சிங். இவர் ஆங்கிலேயரை எதிர்த்து போரிட்டு 1857–ம் ஆண்டு வீர மரணம் அடைந்தார்.
இவர் தாண்டியா கெராவில் உள்ள தனது கோட்டையில் 1,000 டன் தங்கத்தை புதைத்து வைத்துள்ளதாகவும், இத்தகவலை மன்னர் தன் கனவில் வந்து தெரிவித்ததாகவும் துறவி ஷோபான் சர்க்கர் கூறியிருந்தார். இதனையடுத்து, இந்திய தொல்லியல் துறையும் மத்திய புவியியல் ஆய்வு மையமும், அரண்மனையில் சில இடங்களை தோண்டும் பணியில் ஈடுபட்டுள்ளன.

இதனிடையே கடந்த வாரம் சென்னை வந்த பா.ஜனதா பிரதமர் வேட்பாளர் நரேந்திர மோடி, யாரோ ஒருவர் உ.பி. தங்கப்புதையல்: கனவு கண்ட துறவிக்கு மோடி திடீர் புகழாரம்! UP%20fort(1)

உ.பி. தங்கப்புதையல்: கனவு கண்ட துறவிக்கு மோடி திடீர் புகழாரம்! UP%20fort(1)

துறவி கனவு கண்டு தங்கப்புதையல் இருப்பதாக கூறியதை நம்பி, தங்கப்புதையலை தேடி மத்திய அரசு தோண்டுகிறதே என கடுமையாக சாடியதோடு, இப்படி புதையலை தோண்டிக்கொண்டிருப்பதற்கு பதிலாக, சுவிட்சர்லாந்து வங்கிகளில் உள்ள இந்தியர்களின் கறுப்புப் பணத்தை மீட்க நடவடிக்கை எடுக்க வேண்டும் என கூறியிருந்தார்.

இந்நிலையில் மோடியின் இந்த விமர்சனம் குறித்து ஷோபன் சர்கர் உள்ளிட்ட இந்து துறவிகள் சிலரிடையே அதிருப்தி ஏற்பட்டதாக கூறப்படுகிறது.

மேலும் துறவி ஷோபன் சர்கரின் உதவியாளர் இது குறித்து மோடிக்கே நேரடியாக கடிதம் ஒன்றை எழுதியுள்ளார். அதில், "நீங்கள் ஒரு துறவியை அவமதித்து விட்டீர்கள். இந்தியாவை பொருளாதார சக்தியில் ஒரு வல்லமை மிக்க நாடாக ஆக்க வேண்டும் என்பதுதான் சுவாமி ஷோபன் சர்கரின் கனவு.
ஒருவேளை நீங்கள் பிரதமராக இருந்து, உங்களிடம் இந்த தகவல் தெரிவிக்கப்பட்டால், நீங்கள் தோண்ட உத்தரவிடுவீர்களா அல்லது அந்த தகவலை கேட்டு பரிகசிப்பீர்களா? மக்கள் செல்வாக்குள்ள உங்களைப்போன்ற ஒரு தலைவர் இதுபோன்ற பேச்சுக்களில் நேரத்தை வீணடிக்க வேண்டாம் எனக் கேட்டுக்கொள்கிறேன்" எனக் கூறியுள்ளார்.
இதனைத் தொடர்ந்து துறவி ஷோபன் சர்கர் மற்றும் அவரது ஆதரவாளர்களை சமாதானப்படுத்தும்விதமாக மோடி தனது ட்விட்டர் தளத்தில், அவரை புகழ்ந்து எழுதியுள்ளார்.

"யோகி ஸ்வாமி ஷோபன் சர்கரை நம்பும் லட்சக்கணக்கானோர் அவர் மீது நம்பிக்கை கொண்டுள்ளனர்.அவர் மீது நான் மிகவும் மதிப்பு வைத்துள்ளேன்" என மோடி அதில் குறிப்பிட்டுள்ளார்.

அதே சமயம் வெளிநாட்டு வங்கிகளில் உள்ள கறுப்பு பணம் குறித்து மத்திய அரசு வெள்ளை அறிக்கை வெளியிட வேண்டும் என்றும் மோடி அதில் வலியுறுத்தி உள்ளார்.

- Vikatan

அசுரன் · அசுரன் Mon Oct 21, 2013 5:33 pm

அரசியல்ல இதெல்லாம் சகஜமப்பா! புன்னகை

இந்த பதிவைத் துவங்கியவர் நன்றி கூறியுள்ளார் அசுரன்

நேரு · நேரு Mon Oct 21, 2013 5:45 pm

நிலக்கரி உழலில் யார் யார் சம்மந்தப்பட்டிருக்கிரார்கள் என்று சாதுவால் சொல்லமுடியுமா? எல்லாம் மோடி மஸ்தான் வேலைதான்............... என்ன கொடுமை சார் இது

Sponsored content · Sponsored content

உ.பி. தங்கப்புதையல்: கனவு கண்ட துறவிக்கு மோடி திடீர் புகழாரம்!

உ.பி. தங்கப்புதையல்: கனவு கண்ட துறவிக்கு மோடி திடீர் புகழாரம்!

Re: உ.பி. தங்கப்புதையல்: கனவு கண்ட துறவிக்கு மோடி திடீர் புகழாரம்!

Re: உ.பி. தங்கப்புதையல்: கனவு கண்ட துறவிக்கு மோடி திடீர் புகழாரம்!

Re: உ.பி. தங்கப்புதையல்: கனவு கண்ட துறவிக்கு மோடி திடீர் புகழாரம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக