மங்கள்யான் செயற்கைகோள் செய்திகள்

by **ayyasamy ram** Sun Oct 20, 2013 11:06 pm

First topic message reminder :

பெங்களூரு:

செவ்வாய் கிரக ஆய்வுக்காக இஸ்ரோ நிறுவனம்
மங்கள்யான் என்ற செயற்கை கோளை அனுப்ப
உள்ளது.

இந்த செயற்கை கோள் விண்ணில் ஏவப்படும்
தேதி நேற்று அறிவிக்கப்படும் என்று கூறப்பட்டது.
ஆனால், தேதி அறிவிக்கப்படவில்லை.

இந்நிலையில், மங்கள்யான் செயற்கை கோளை
ஏவுவது தாமதமாகலாம் என்று இஸ்ரோ அறிவித்துள்ளது.

தென்பசிபிக் கடல் பகுதியில் ஏற்பட்டுள்ள மோசமான
வானிலையே இதற்கு காரணம் என்றும், வரும் 22ம் தேதி,
செயற்கை கோள் ஏவப்படும் தேதி அறிவிக்கப்படும்
என்றும் இஸ்ரோ தெரிவித்துள்ளது.

வரும் 28 அல்லது நவம்பர் 19ம் தேதி மங்கள்யான்
ஏவப்படலாம் என தகவல்கள் தெரிவிக்கின்றன.
முன்னதாக, செவ்வாயக்கு செயற்கை கோள்
அனுப்புவதை தாமதப்படுத்த வேண்டும் என அ
மெரிக்க விண்வெளி நிறுவனமான நாசா கூறியிருந்தது.
ஆனால், எந்த காரணத்தை முன்னிட்டும் தாமதிக்க
முடியாது என இஸ்ரோ அறிவித்திருந்தது
குறிப்பிடத்தக்கது.
-
===========
நன்றி: தினமலர்

by **Muthumohamed** Mon Nov 11, 2013 10:59 pm

SajeevJino wrote:நாளை மீண்டும் slingshot செய்யப்போவதாக இஸ்ரோ அறிவித்துள்ளது ..இது சாதாரணமாக நிகழும் ஒரு தகவு தான் ..பிரச்னை எதுவும் இல்லை

இஸ்ரோவின் முயற்சி வெற்றி அடைய வாழ்துக்கள்

by **SajeevJino** Tue Nov 12, 2013 8:11 am

நாம் வெற்றி பெற்று விட்டோம் .. 10000 km உயரத்தை அதிகரிக்க நினைத்தோம் ஆனால் நேற்று அது 78000 km தான் சென்றது ..இன்று காலையில் மீண்டும் முயற்சி செய்தோம் இப்போது 11800 km உயரத்திற்கு அனுப்பிவிட்டோம்

இறைவனுக்கு தான் முதல் வந்தனங்கள் ..இஸ்ரோ விஞ்ஜானிகளுக்கும் வாழ்த்துக்கள்

by **T.N.Balasubramanian** Tue Nov 12, 2013 9:27 am

SajeevJino wrote:நாம் வெற்றி பெற்று விட்டோம் .. 10000 km உயரத்தை அதிகரிக்க நினைத்தோம் ஆனால் நேற்று அது 78000 km தான் சென்றது ..இன்று காலையில் மீண்டும் முயற்சி செய்தோம் இப்போது 11800 km உயரத்திற்கு அனுப்பிவிட்டோம்

இறைவனுக்கு தான் முதல் வந்தனங்கள் ..இஸ்ரோ விஞ்ஜானிகளுக்கும் வாழ்த்துக்கள்

வாழ்த்துக்கள், Sajeev Jino , அன்பு மலர்

10000km உயரம் என்பது 100000km என்றும்
11800km உயரம் சென்று விட்டது என்பதுதான்118000km என்றும் இருக்கவேண்டுமோ? அப்போதுதான் 78000km சென்றுவிட்டது என்ற statement க்கு சரியாக வரும்.

ரமணியன்

by **T.N.Balasubramanian** Tue Nov 12, 2013 9:36 am

இந்த பிரயாணத்திற்கு தேவையான எரிபொருள் என்ன?
ஆரம்பத்தில் எவ்வளவு நிரப்பவேண்டும்?
போகும் வழியில் self generation ஆ?(சுய உற்பத்தியா?)
அறிந்தவர்கள் தகவல் தெரிவிக்க இயலுமா?
இவ்வளவு உயரம் /தூரம் போனாலும் ,ground control ஆல் இயக்கி செயல்படுத்த முடியுமா?
ரமணியன்

by பாலாஜி Tue Nov 12, 2013 10:51 am

இஸ்ரோ விஞ்ஜானிகளுக்கு வாழ்த்துக்கள்

by **சிவா** Tue Nov 12, 2013 11:59 am

'மங்கள்யான்' விண்கலத்தில் ஏற்பட்ட கோளாறு இன்று அதிகாலை சரி செய்யப்பட்டு விட்டதாக இஸ்ரோ ஆராய்ச்சி மையம் தெரிவித்துள்ளது. இது குறித்து, செவ்வாய்கிரகத் திட்டம் பற்றிய ஃபேஸ்புக் பக்கத்திலும் காலை 5.10 மணியளவில் அப்டேட் செய்யப்பட்டுள்ளது. மேலும், பூமியில் இருந்து, 100,000 கி.மீ தூரத்திற்கு மங்கள்யான் முன்னேற்றப்பட்டுள்ளதாகவும் தெரிவிக்கப்பட்டுள்ளது.

மங்கள்யான் விண்கலத்தில் நேற்று (திங்கள்கிழமை) சிறு கோளாறு ஏற்பட்டது. புவி வட்டப்பாதையில் நிலைநிறுத்தப்பட்டுள்ள மங்கள்யான் விண்கலம், கடந்த 7 ஆம் தேதி முதல் படிப்படியாக புவி வட்டப்பாதையின் ஒவ்வொரு சுற்றாக முன்னேற்றப்பட்டு அதன் வெளியேறு வேகம் அதிகரிக்கப்படுகிறது.

நேற்று (திங்கள்கிழமை)அதிகாலை 2.06 மணிக்கு 3ஆவது சுற்றுப்பாதையில் இருந்து 4 ஆவது சுற்றுப்பாதைக்கு மங்கள்யான் முன்னேற்றப்படுவதாக இருந்தது. இதன் மூலம் பூமியில் இருந்து, 100,000 கி.மீ தூரத்திற்கு மங்கள்யான் முன்னேற்றப்பட இருந்தது.

அந்த வேளையில், இயந்திரக் கோளாறு ஏற்பட்டது. இது குறித்து, இஸ்ரோ தனது செவ்வாய்கிரகத் திட்ட ஃபேஸ்புக் பக்கத்தில் அப்டேட் செய்தது. மங்கள்யான் விண்கலத்தின் உந்துகைச் செயல்பாட்டில் (புரொபல்சன்) ஏற்பட்ட சிறு கோளாறு காரணமாக, புவி வட்டப்பாதையின் 4 ஆவது சுற்றுக்கு விண்கலத்தை முன்னேற்றுவதில் தடங்கல் ஏற்பட்டுள்ளது. அக்கோளாறு சரி செய்யப்பட்டு வருகிறது என்றும் தெரிவித்திருந்தது.

இந்நிலையில், இன்று காலையில் கோளாறு சரி செய்யப்பட்டு விட்டதாக இஸ்ரோ தலைவர் கே.ராதாகிருஷ்ணன் தனியார் தொலைக்காட்சிக்கு அளித்த பேட்டியில் கூறியுள்ளார்.

ஃபேஸ்புக்கில் அப்டேட்ஸ்

இந்தியாவின் செவ்வாய்கிரகத் திட்டத்தை தனது ஃபேஸ்புக் பக்கம் மூலம் மக்களுக்கு இடைவிடாமல் அப்டேட்ஸை வழங்கி வருகிறது இஸ்ரோ என்பது குறிப்பிடத்தக்கது.

இஸ்ரோ ஃபேஸ்புக் பக்கத்துடன் தொடர்பில் இருக்க க்ளிக்குக - ISRO's Mars Orbiter Mission