நான் என்ன செய்ய?

by **M.M.SENTHIL** Fri Oct 18, 2013 7:00 pm

நான் என்ன செய்ய?

முதல் காதல் முடிந்தது தோல்வியில்
முடிந்த அந்த காதலும் - மனதில்
நீங்காமல் வட்டமிட்டு கொண்டே
என்னை தினம் தினம் கொல்கிறது !
அவளின் நினைவை களைய முடியாமல்
நான் படும் அவஸ்தை என்
எதிரிக்கும் வரக்கூடாது இறைவா!
தாடி வளர்க்கவில்லை
சோகமாய் கவிதை எழுதவில்லை
ஆனாலும் நான் காதலில் தோற்றவன் என்பதை
எப்படி தெரிந்து கொள்ள முடிகிறது மற்றவரால்!
கலையாய் இருந்தவன் இப்போது
கவலையில் தேய்கிறேனாம்
பெற்றவள் சொல்கிறாள்!
காதல் தோற்றபின் வாழ்வே இருட்டாய்
இருப்பதாய் உணர்கிறேன்!
உன்னிடம் பட்ட தோல்விக்கு
உன்னிடமே விடை கிடைக்கும் என்பதால்
உன்னிடமே கேட்கிறேன்
சொல்லடி பெண்ணே நான் என்ன செய்ய
உன் நினைவை அழித்துவிட்டு
நிம்மதியாய் வாழ !