முல்லாவும் கத்தரிக்காயும்

**ayyasamy ram** · **ayyasamy ram** Mon 14 Oct 2013 - 6:48

-

அரசரும் முல்லாவும் அருகருகே அமர்ந்திருந்து உணவருந்திக் கொண்டிருந்தனர். உணவில் கத்தரிக்காய்க் கறியும் இடம்பெற்று இருந்தது

அரசர் கூறினார் “கத்தரிக்காய் ஒரு அற்புதமான காய்கறி, அதன் சுவையே அலாதியானது” என்றார். உடனே முல்லாவும் “ஆமாம் அரசே, கத்தரிக்காய் மிகவும் சுவையானது” என்றார் – .இன்னொருநாள் இருவரும் சேர்ந்து உணவருந்தியபோது மன்னர் கூறினார் “இந்தக் கத்தரிக்காய் ஒரு மோசமான காய்கறி, அதில் ந்தவிதச் சுவையும் கிடையாது” என்றார்.

உடனே முல்லாவும் “ஆமாம் அரசே கத்தரிக்காய் ஒரு வெறுக்கத் தக்க காய்கறி, அதனை உண்பதால் ‘சொறி’, ‘சிரங்கு’ போன்றவையும் ஏற்படுகின்றன” என்றார்.

உடனே மன்னர் முல்லாவைப் பார்த்துக் கேட்டார்.என்ன முல்லா? அன்று நான் கத்தரிக்காயைப் பாராட்டியபோது நீரும் பாராட்டினீர், இன்று நான் கத்தரிக்காயை இகழ்ந்து பேசும்போது நீரும் வெறுப்பாகப் பேசுகிறீர்? என்று கேட்டார்.

அதற்கு முல்லா கூறினார் “அரசே நான் வேலை பார்ப்பது, உங்களிடம்தான், கத்தரிக்காயிடம் அல்ல. எனக்குச் சம்பளம் தருவது நீங்கள்தான்,கத்தரிக்காய் அல்ல” என்று பதிலளித்தார். – ——————————————-