அமெரிக்காவில் 16 நாட்களாக நீடித்த பொருளாதார நெருக்கடி தீர்ந்தது: ஊழியர்கள் வேலைக்கு திரும்ப உத்தரவு

**ayyasamy ram** · **ayyasamy ram** Fri Oct 18, 2013 8:54 am

ஜனாதிபதி ஒபாமா ஏழை, நடுத்தர மக்கள் பயன்பெறும் வகையில் மருத்துவ காப்பீட்டு திட்டம் கொண்டு வந்தார். இந்த திட்டத்துக்கு குடியரசு கட்சி எதிர்ப்பு தெரிவிக்கிறது. இதன் விளைவாக பிரதிநிதிகள் சபையில் கொண்டு வரப்பட்ட நிதி ஒதுக்கீடு (பட்ஜெட்) மசோதாவை நிறைவேற்றாமல் முடக்கியது. இதனால் சம்பளம் வழங்க முடியாத நிலை உருவானதால், கடந்த 1-ந்தேதி பல அரசு துறை நிறுவனங்கள் மூடப்பட்டன. சுமார் 10 லட்சம் ஊழியர்கள் சம்பளம் இன்றி கட்டாய விடுப்பில் சென்றனர்.
-
எனவே எதிர்க்கட்சியான குடியரசு கட்சியின் எம்.பி.க்களின் ஆதரவை பெற, ஆளுங்கட்சி தீவிர முயற்சி செய்தது. இது தொடர்பாக செனட் சபை, பிரதிநிதிகள் சபை ஆகியவற்றின் இரு கட்சி தலைவர்களும் விவாதித்தார்கள். கடைசியாக கடன் உச்சவரம்பை தளர்த்த நேற்று முன்தினம் நள்ளிரவு உடன்பாடு ஏற்பட்டது. இதன் மூலம் 16 லட்சத்து 10 ஆயிரம் கோடி டாலர்கள் அளவிற்கு கடன் பெறலாம்.

அதன்பிறகு இரு சபைகளும் கூடி ஓட்டெடுப்பு நடைபெற்றது. அதில் செனட் சபையில் 81-18 என்ற ஓட்டுகளும், பிரதிநிதிகள் சபையில் 285-144 ஓட்டுகளும் பெற்று தீர்மானம் நிறைவேறியது.

உடனடியாக மசோதாவில் ஜனாதிபதி ஒபாமா கையெழுத்திட்டார். இதற்காக எம்.பி.க்களுக்கு அவர் நன்றியும், பாராட்டும் தெரிவித்தார்.
-
பாராளுமன்ற இரு சபைகளின் ஒப்புதல் கிடைத்ததால் கடந்த 16 நாட்களாக நீடித்த நிதி நெருக்கடிக்கு தீர்வு ஏற்பட்டது
-
கட்டாய விடுப்பில் சென்றுள்ள அனைத்து ஊழியர்களும் வேலைக்கு திரும்ப வெள்ளை மாளிகை பட்ஜெட் டைரக்டர் சில்வை மாத்யூ உத்தரவு பிறப்பித்தார். எனவே பல்வேறு அரசு நிறுவன ஊழியர்கள் வேலைக்கு திரும்பி வருவதாக தகவல்கள் கூறுகிறது
-
நன்றி: மாலைமலர்

அமெரிக்காவில் 16 நாட்களாக நீடித்த பொருளாதார நெருக்கடி தீர்ந்தது: ஊழியர்கள் வேலைக்கு திரும்ப உத்தரவு

அமெரிக்காவில் 16 நாட்களாக நீடித்த பொருளாதார நெருக்கடி தீர்ந்தது: ஊழியர்கள் வேலைக்கு திரும்ப உத்தரவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக