நம்பிக்கை மாற்றாதே !

பூர்ணகுரு · பூர்ணகுரு Thu Oct 17, 2013 1:51 pm

ஏற்றங்கள் மாறும்
வண்ணங்கள் மாறும்
வார்த்தைகள் மாறும்
இன்பங்கள் மாறும்
துயரங்கள் மாறும்
கனவுகள் மாறும்
காட்சிகள் மாறும்
காலங்கள் மாறும் - கொண்ட
கோலங்கள் மாறும்
ஆனால் மனிதா - உன்
நம்பிக்கை மாற்றாதே - அது
வாழ்வில் தோல்வியை ஏற்றாதே
தோற்றாலும் மனம் தளராதே
தொடரும் முயற்சியை நீ விட்டு விடாதே...!

சில மணித்துளி வாழும்
பூக்களைப் பார்
மண்ணில் வீழும் வரை
மணக்க மறப்பதில்லை
ஓரிரு நாட்களே
எறும்பின் வாழ்க்கை
அதன் ஓயாத உழைப்பே
கூறும் அதன் சிறப்பை
வண்ணங்கள் ஜொலிக்கும் வானவில்
விண்ணில் வருவதும் மறைவதும்
நிலையில்லா நிமிடங்கள் - அது
கண்களை கவர தவறுவதில்லை
தேனீக்கள் கூட்டை கலைத்தாலும்
தேனடை சொல்லும் அதன் உழைப்பை - இதுபோல்
உண்மைகள் உவமைகள் நூறு
அதில் உன் பெயரையும் சேரு
வாழ்க்கை பாதை மாற்றிடு - உன்
வாழ்வின் தரம் உயரும் காத்திரு...!