குற்றச் செயல்கள் அதிகம் நடைபெறும் மாநிலங்களின் பட்டியல் வெளியீடு

நாட்டிலேயே எழுத்தறிவில் முதலிடத்தில் இருக்கும் கேரள மாநிலம், குற்றச் செயல்களிலும் முதலிடம் பெற்றிருப்பதாக அதிர்ச்சி தகவல் வெளியாகியுள்ளது. தேசிய குற்றப் பதிவுத் துறை 2013ஆம் ஆண்டிற்கான குற்றச் செயல்கள் குறித்து வெளியிட்டுள்ள புள்ளி விவரத்தில் இந்த தகவல் தெரிவிக்கப்பட்டுள்ளது. இந்திய தண்டனை சட்டப்படி கேரள மாநிலத்தில் லட்சம் பேருக்கு 456 பேர் குற்றப் பின்னணி கொண்டவர்கள் என்று அந்த தகவல் கூறுகிறது.

கேரளாவிற்கு அடுத்தப்படியாக மத்திய பிரதேசம் 2வது இடத்திலும், தமிழ்நாடு 3வது இடத்திலும் உள்ளது. குற்றச் செயல்கள் மிக குறைவாக உள்ள மாநிலமாக நாகாலாந்து திகழ்கிறது. அதிக அளவில் குற்ற செயல்கள் நடைபெறும் நகரங்கள் பொறுத்த வரை கேரள மாநிலம் கொச்சிக்கு முதலிடம் கிடைத்துள்ளது.

அண்மையில் வளர்ச்சி அடைந்த மாநிலங்களாக கூறப்பட்ட கேரளா, தமிழ்நாடு போன்ற மாநிலங்களில் குற்றச் செயல்களும் அதிகமாக நடப்பதாக வெளியாகியுள்ள புள்ள விவரம் அதிர்ச்சியை ஏற்படுத்தியுள்ளது.

dinakaran

டாஸ்மார்கின் வளர்ச்சியால் தமிழகம் முதலிடம் பெரும்     

புதுடில்லி: இந்தியாவில் நடக்கும் குற்றங்களில் கேரள மாநிலம் அதிகப்புள்ளிகளை பெற்று முன்னிலை வகிக்கிறது. கல்வி முதல் பல்வேறு விஷயங்களில் முதலிடம் பிடிக்கும் இந்த கேரள மாநிலம் அதிக குற்றச்சசெயல்கள் புரிவதிலும் இப்பகுதி மக்கள் முதலிடத்தை பிடித்துள்ளனர். நகரம் வாரியாக எடுக்கப்பட்ட சர்வேயிலும் இங்குள்ள கொச்சி நகரமே முன்னிலை பெற்றுள்ளளது. சராசரி கணக்கெடுப்பு விவரத்தின்படி டில்லி, குஜராத், மத்திய பிரதேசம், கர்நாடகா, ஆந்திரா, சட்டீஸ்கர், அருணாசல பிரதேசம், தமிழ்நாடு ஆகியவைகளும் அதிக புள்ளிகள் பெற்றுள்ளது.
நாட்டில் நடைபெறும் குற்றங்கள் குறித்த கணக்கெடுப்பு, பல விஷயங்களுக்கு அவசியமாகிறது. குற்றத்தடுப்பு, கண்காணிப்பு, முன்னெச்சரிக்கை நடவடிக்கை போன்றவைகள், குற்றங்களின் எண்ணிக்கை, அவை நடக்கும் முறை ஆகியவற்றின் அடிப்படையில் எடுக்கப்படுகின்றன. இப்பணியில், தேசிய குற்ற ஆவண காப்பகம் ஈடுபட்டுள்ளது. ஒவ்வொரு மாநிலத்தில் உளள குற்ற ஆவண காப்பகங்களில் இருந்து குற்றங்கள் குறித்த தகவலை இந்த அமைப்பு பெறுகிறது. இந்த வகையில், கடந்த 2012ம் ஆண்டுக்கான புள்ளிவிவரங்கள் வெளியிடப்பட்டுள்ளது.

நாட்டிலேயே அதிகமான குற்றங்கள் நடக்கும் மாநிலம் என்ற இடத்தை கேரளா பெற்றுள்ளது. ஒரு லட்சம் மக்கள் தொகையில், 455 குற்றச் செயல்கள் அங்கு நடந்துள்ளன. இது, நாட்டின் சராசரி குற்றச்செயல்கள் எண்ணிக்கையை ஒப்பிடும் போது இரண்டு மடங்கு அதிகமாகும். நாகாலாந்து மாநிலத்தில் தான், நாட்டிலேயே மிகவும் குறைவான எண்ணிக்கையில் குற்றங்கள் நடந்துள்ளன. இங்கு, 47 என்ற அளவில் குற்றங்கள் பதிவாகி உள்ளன.

இந்த வகையில், ஆந்திரா 224, கர்நாடகா 222, ம.பி., 298, தமிழ்நாடு 294, . புதுச்சேரி 291, உ.பி., 96, ஜம்மு காஷ்மீர் 206, மத்திய பிரதேசம் 298, மகாராஷ்ட்டிரா 176, மணிப்பூர் 150, மேகாலயா 96, பஞ்சாப் 127, டில்லி 283 , சண்டிகார் 235 புள்ளிகள் பெற்றுள்ளன.


நகரங்கள் வாரியாக விவரம்:

நகரங்களில் நடந்த குற்றங்கள் குறித்த புள்ளி விவரங்களின்படி, கொச்சியில் தான் அதிகபட்சமாக 817 சம்பவங்கள் நடந்துள்ளன. சென்னை 228 குற்றச்செயல்களும், பெங்களூரூ 344 , கோவை 481, குவாலியர் 686, ஐதராபாத் 206, ஜெய்ப்பூர் 607, கோல்கட்டா 179, லக்னோ 315, மும்பை 165, பாட்னா 525, ஸ்ரீநகர் 205, திருவனந்தபுரம் 429, மதுரை 223, நாசிக் 280 குற்றச்செயல்கள் நடந்துள்ளன.

ஒரு லட்சம் பேருக்கு எத்தனை குற்றங்கள் நடந்துள்ளன என்ற அடிப்படையில் இந்த தகவல் பதிவு செய்யப்பட்டுள்ளது.

-- dinamalar