* 1098 *

பூர்ணகுரு · பூர்ணகுரு Wed Oct 16, 2013 7:34 pm

First topic message reminder :

ஆண், பெண்

பெண் பார்க்கும் படலம்

பெண் கொடுப்போர் பெண் எடுப்போர்

நிச்சயத் தாம்பூலம் கைமாற்றம்

திருமணத் தேதி வாசிப்பு

கல்யாணப் பத்திரிகை அச்சடிப்பு

உறவுகளை உளமாற வரவழைப்பு

மண்டபம் வரவேற்பு உபசரிப்பு

மணமேடை அலங்கரிப்பு

மணமக்கள் அமர்ந்திருப்பு

மாலை சூட மற்றவர் ஆசீர்வதிப்பு

தாலி ஆசீர்வாதம் அரவணைப்பு

அன்னசாலையில் அணிவகுப்பு

இனிப்பு உவர்ப்பு காரம் படைப்பு

கல்யாண சாப்பாட்டுக் களைப்பு

பந்தி பரிமாற்றம் கலைப்பு

அது சரியில்லை இது சரியில்லை

ஒழுங்காய் இல்லை கவனிப்பு

குறை கூறியது பலதரப்பு

இரு வீட்டாரின் மன அடைப்பு

உறவு செய்தது வெளிநடப்பு

இறுதி நேரத்தில் மண வாழ்த்துக்கள் உடைப்பு !

அவ்வேளையில் திடீரென ஓர் அழைப்பு

இதுவரை நாங்கள் இதுபோல்

நல்லுணவு உண்டதில்லை

மனதோடும் வயிறோடும் வாழ்த்துகிறோம்

* நீங்கள் நீடூழி வாழ்க *

மனமுடைந்த வேளையிலே மணமக்களுக்கு

வந்தது இளம் பிஞ்சுகளின் வாழ்த்துரைப்பு ...

இருவீட்டோர் புரியாமல் தவிப்பு

புரிய வைத்தது மண்டப தரப்பு

பந்தியில் மிச்சப் பண்டங்கள்

சுழற்றினார் 1098 எண்கள்

குழந்தைகளின் வயிறு நிறைந்தது

தெய்வத்தின் உள்ளம் குளிர்ந்தது

மனதார வாழ்த்துக்கள் குவிந்தது !

முக்கியக் குறிப்பு : உலக உணவு தினம் கொண்டாடப்படும் இன்று முடிந்தளவு எந்த உணவையும் வீணாக்காமல் ... அப்படியே மீதமான உணவை *** 1098 *** எனும் இந்த எண்ணுக்கு உடனே அழைத்து அந்த உணவு கிடைக்காமல் வயிறு வருந்தும் குழந்தைகளுக்கு அவ்வுணவு கிடைக்குமாறு செய்ய உறுதி கொள்பவர்கள் இதற்கு விருப்பம் தெரிவிப்போம் !

~ பூர்ணகுரு ~

பூர்ணகுரு · பூர்ணகுரு Thu Oct 17, 2013 6:15 pm

உண்மைதான் சிவா அண்ணா ! ரொம்ப நாளாகி விட்டது ஈகரையில் அமர்ந்து பதிவு அலைகளில் கால் நனைத்து ... என்ன செய்வது ... வேலைப்பளு அதிகம் ... நேரமின்மை ... என்றெல்லாம் பொய்யுரைக்க மனமில்லை ... நிஜத்தில் கொஞ்ச காலமாக எழுத படிக்க மூளை உபயோகிக்கவில்லை ... ஆகவே தான் ... வரத் தோன்றவில்லை ... மன்னிக்கவும்

* 1098 *

* 1098 *

Re: * 1098 *

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக