ம.பி.யில் ஆலய துர்காபூஜை விழாவில் நெரிசல்: 60 பேர் பலி

**ayyasamy ram** · **ayyasamy ram** Mon Oct 14, 2013 5:33 am

---
மத்தியப் பிரதேச மாநிலம் ரத்தன்கர் கோயிலில் ஏற்பட்ட கூட்ட நெரிசலில் சிக்கி, குறைந்தது 60 பேர் நெரிசலில் உயிரிழந்திருப்பர் என்று அஞ்சப்படுகிறது. பலருக்கு காயம் ஏற்பட்டுள்ளது.

இது குறித்து மாநில முதல்வர் சிவராஜ் சிங் சௌஹான் நீதி விசாரணைக்கு உத்தரவிட்டுள்ளார். மேலும், டிஜிபி, தலைமைச் செயலர் ஆகியோரை தாதியா பகுதிக்கு விரைந்து சென்று நிலைமையைக் கண்காணிக்குமாறும், பாதுகாப்பில் ஈடுபடுமாறும் உத்தரவிட்டுள்ளார்.

தேர்தல் கால நன்னடைத்தை நெறிமுறைகள் அமலில் உள்ள மாநிலம் என்பதால், தேர்தல் ஆணையத்தின் அனுமதியுடன் இழப்பீடு அறிவித்துள்ளார் சிவராஜ் சிங் சௌஹான். உடனடி இழப்பீடாக ரூ.1.5 லட்சம் உயிரிழந்தோரின் குடும்பதினருக்கும், ரூ. 50 ஆயிரம் பலத்த காயமடைந்தோருக்கும், ரூ. 25 ஆயிரம் லேசான காயமடைந்தோருக்கும் என அறிவித்துள்ளார் முதல்வர் சிவராஜ் சிங் சௌஹான்

ஞாயிற்றுக்கிழமை இன்று துர்கா பூஜை நேரத்தில், கோயிலுக்குச் செல்லும் சிந்த் ஆற்றின் பாலத்தில் சுமார் 25 ஆயிரத்துக்கும் அதிகமானோர் கடந்து செல்ல முற்பட்டுள்ளனர். அப்போது நெரிசல் அதிகரித்து உயிரிழப்பு ஏற்பட்டுள்ளது. அதேநேரத்தில், கூட்டத்தைக் கட்டுப்படுத்தி கோயிலுக்கு வரிசையாகச் செல்ல வைக்க போலீஸார் முயன்றுள்ளனர். அப்போது லேசான தடியடி நடத்தப்பட்டுள்ளது. இதனால், நூற்றுக்கும் அதிகமான பக்தர்கள் அலறியடித்து, சிந்த் ஆற்றின் பாலத்தை நோக்கி ஓடியுள்ளனர். அந்த நேரத்தில் நெரிசல் அதிகரித்துள்ளது. இதில் சிக்கியும் சிலர் உயிரிழந்தனர் என்று கூறப்படுகிறது.

ஆனால், போலீஸார் லேசான தடியடி நடத்தினர் என்று கூறப்படுவதை டிஜிபி சம்பால் ரான்சே மறுத்துள்ளார். இது, கூட்டத்தில் குழப்பத்தை ஏற்படுத்தி நெரிசலை ஏற்படுத்த ஒரு சிலரால் பக்தர்களிடையே பரப்பட்ட வதந்தி என்று கூறியுள்ளார்.

இந்தச் சம்பவத்தில் காயமடைந்தோர் உடனடியாக அருகில் உள்ள மருத்துவமனைகளில் அனுமதிக்கப்பட்டனர். நிலைமை சீரடைய சுமார் 2 மணி நேரம் ஆனது. இந்தக் களேபரத்தில் ஆற்றினுள் சுமார் 40 பக்தர்கள் விழுந்திருக்கலாம் என்றும் அவர்களை மீட்கும் முயற்சிகளில் ஈடுபட்டிருப்பதாகவும்
============
நன்றி: தினமணி

**சிவா** · **சிவா** Mon Oct 14, 2013 10:24 am

மத்திய பிரதேசத்தில் கோர சம்பவம் ; தசரா விழா நெரிசல்: 109 பக்தர்கள் பலி!

இது தினமலர் செய்தி!

**சிவா** · **சிவா** Mon Oct 14, 2013 10:25 am

110 pilgrims killed in stampede on bridge leading to MP temple

இது The Times of India செய்தி!

எதுதான் உண்மை!

**சிவா** · **சிவா** Mon Oct 14, 2013 10:27 am

ம.பி.யில் ஆலய துர்காபூஜை விழாவில் நெரிசல்: 60 பேர் பலி 24102336

அசுரன் · அசுரன் Mon Oct 14, 2013 11:02 am

வருத்தமளிக்கும் செய்தி. சரியான ஏற்பாடுகள் செய்யாமல் இதுபோன்ற பெரிய விழாக்கள் நடத்துவதை தவிர்க்கவேன்டும். சோகம்

பாலாஜி · பாலாஜி Mon Oct 14, 2013 11:04 am

அசுரன் wrote:வருத்தமளிக்கும் செய்தி. சரியான ஏற்பாடுகள் செய்யாமல் இதுபோன்ற பெரிய விழாக்கள் நடத்துவதை தவிர்க்கவேன்டும்.

மிக சரி

அசுரன் · அசுரன் Mon Oct 14, 2013 1:53 pm

பாலாஜி wrote:
அசுரன் wrote:வருத்தமளிக்கும் செய்தி. சரியான ஏற்பாடுகள் செய்யாமல் இதுபோன்ற பெரிய விழாக்கள் நடத்துவதை தவிர்க்கவேன்டும்.
மிக சரி

**சிவா** · **சிவா** Mon Oct 14, 2013 3:48 pm

பலி 115 ஆக அதிகரிப்பு

மத்தியப் பிரதேசத்தின் டாடியா மாவட்டத்தில் உள்ள ரத்னாகர் கோயிலில் நேற்று (அக்.,13ம் தேதி) ஏற்பட்ட கூட்ட நெரிசலில் சிக்கி பலியானோர் எண்ணிக்கை 115ஆக அதிகரித்துள்ளது. 100க்கும் மேற்பட்டோர் காயமடைந்துள்ளதாக அதிகாரிகள் தெரிவித்தனர்.

நவராத்திரியையொட்டி நடந்த கோயில் விழாவில் பங்கேற்பதற்கு ஆயிரக்கணக்கானோர் கூடினர். காலை 9-ல் இருந்து 10 மணி வரை, கூட்டத்தை ஒழுங்குபடுத்துவதற்கு காவல்துறையினர் நடவடிக்கை எடுத்தபோது, இந்தக் கூட்ட நெரிசல் ஏற்பட்டதாக கூறப்படுகிறது.

சிந்து நதியின் மேல் உள்ள பாலத்தில் சுமார் 25,000 பேர் இருந்தபோது, இந்தத் துயரச் சம்பவம் நிகழ்ந்துள்ளது. கூட்ட நெரிசல் ஏற்பட்டவுடன், உடனடியாக பாதுகாப்பு படையினரை ஒன்றுதிரட்டி மீட்புப் பணிகளில் ஈடுபட முடியாமல் போய்விட்டதாக போலீஸ் வட்டாரங்கள் தெரிவித்தன.

பின்னர், தகவல் அறிந்து 3 கம்பெனி போலீஸ் படையினர் சம்பவ இடத்துக்கு வந்து மீட்புப் பணிகளை மேற்கொண்டனர்.

பாலம் இடிந்து விழுவதாக வதந்தி பரவியைத் தொடர்ந்தே கூட்ட நெரிசல் ஏற்பட்டது என்று மாவட்ட நிர்வாகிகள் கூறினர்.

அதேநேரத்தில், காவலர்கள் போலீஸ் தடியடி மேற்கொண்டதால்தான் இந்தச் சம்பவம் நிகழ்ந்தது என்ற குற்றச்சாட்டை போலீஸ் தரப்பு மறுத்துள்ளது.

இந்தச் சம்பவத்தில் இதுவரை,ஏறத்தாழ 115 பேர் பலியானதாகவும், நூற்றுக்கணக்கானோர் காயமடைந்ததாகவும் அதிகாரிகள் தெரிவித்தனர்.

உயிரிழந்தவர்களின் குடும்பத்தினருக்கு தலா 1.5 லட்சம் ரூபாயும், படுகாயம் அடைந்தவர்களுக்கு 50,000 ரூபாயும், லேசான காயமடைந்தவர்களுக்கு 25,000 ரூபாயும் நிவாரணமாக மத்தியப் பிரதேச அரசு அறிவித்துள்ளது.

மத்தியப் பிரதேசத்தில், சட்டப்பேரவைத் தேர்தலுக்கான தேதி ஏற்கனவே அறிவிக்கப்பட்டுள்ள நிலையில், தேர்தல் ஆணையத்தின் ஒப்புதலுடன் இந்த நிவாரணம் வழங்கப்படுகிறது.

இச்சம்பவத்தில் உயிரிழந்தோர் குடும்பத்தினருக்கு மத்தியப் பிரதேச முதல்வர் ஷிவ்ராஜ் சிங் செளஹான் இரங்கல் தெரிவித்துள்ளார்.

மத்தியப் பிரதேசத்தை சோகத்தில் ஆழ்த்தியுள்ள இந்தச் சம்பவம் தனக்கு மிகுந்த அதிர்ச்சி அளிப்பதாக, காங்கிரஸ் தலைவர் சோனியா காந்தி குறிப்பிட்டுள்ளார்.

இந்தச் சம்பவத்துக்கு தார்மீக பொறுபேற்று, முதல்வர் செளஹான் மற்றும் சுகாதார அமைச்சர் மிஸ்ரா ஆகியோர் பதவி விலக வேண்டும் என்று காங்கிரஸ் வலியுறுத்தியுள்ளது.

கடந்த 2006-ல் தீபாவளிக்கு மறுநாள், இதே இடத்தில் 57 பக்தர்கள் ஆற்றில் அடித்துச் செல்லப்பட்டு உயிரிழந்தது நினைவுகூரத்தக்கது.

Sponsored content · Sponsored content

ம.பி.யில் ஆலய துர்காபூஜை விழாவில் நெரிசல்: 60 பேர் பலி

ம.பி.யில் ஆலய துர்காபூஜை விழாவில் நெரிசல்: 60 பேர் பலி

Re: ம.பி.யில் ஆலய துர்காபூஜை விழாவில் நெரிசல்: 60 பேர் பலி

Re: ம.பி.யில் ஆலய துர்காபூஜை விழாவில் நெரிசல்: 60 பேர் பலி

Re: ம.பி.யில் ஆலய துர்காபூஜை விழாவில் நெரிசல்: 60 பேர் பலி

Re: ம.பி.யில் ஆலய துர்காபூஜை விழாவில் நெரிசல்: 60 பேர் பலி

Re: ம.பி.யில் ஆலய துர்காபூஜை விழாவில் நெரிசல்: 60 பேர் பலி

Re: ம.பி.யில் ஆலய துர்காபூஜை விழாவில் நெரிசல்: 60 பேர் பலி

Re: ம.பி.யில் ஆலய துர்காபூஜை விழாவில் நெரிசல்: 60 பேர் பலி

Re: ம.பி.யில் ஆலய துர்காபூஜை விழாவில் நெரிசல்: 60 பேர் பலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக