அறிந்த அறிவுக்குச் செயல் ஒன்றுபட்டால் அதுதான் துறவு.

**ayyasamy ram** · **ayyasamy ram** Mon Oct 14, 2013 7:41 am

-
''எல்லாவற்றையும் துறந்தால் தான் ஞானம் வரும் என்று
சொல்கின்றார்களே''
அன்பரின் கேள்விக்கு பதிலளிக்கிறார் வேதாத்திரி மகரிஷி்:
-
எல்லாவற்றையும் துறந்து விட்டாலும், இந்த உலகத்தின்
மேல்தான் இருக்கப் போகின்றீர்கள். பசி எடுத்தால் என்ன
செய்யப் போகிறீர்கள்? உணவைத் தானே நாட வேண்டும்?
-
அப்படியென்றால் எதைத் துறந்ததாக அர்த்தம்? இருக்கின்ற
இல்லத்தை விட்டு இன்னொரு வீட்டுக்கோ விடுதிக்கோ
சென்றால் என்ன மாற்றம்? இங்கு அதிகாரத்தோடு உணவு
கேட்பதை விட்டு அங்கு பிறர் தயவை நாடிக் கையேந்தி
வாங்க வேண்டியது தானே தவிர வேறு என்ன விளையும்?
-
துறவு என்றால் அது அன்று. அளவு முறை அறிந்து ஒழுகும்
போது துறவு தானாக அமைந்து விடும்.

சாப்பிட்டுக் கொண்டே இருக்கின்றீர்கள், உணவு சுவையாக
இருக்கிறது.ஆனால், உங்களுடைய அனுபவத்தின் அடிப்
படையில் இதுவரைக்கும் தான் உங்களால் சீரணிக்கச்
செய்ய முடியும் என்று நன்றாகத் தெரிகிறது. அதைத்
தெரிந்து கொண்டு இனிமேல் வேண்டாம் என்று சொல்லி
விட்டு அங்கேயே அதோடு நிறுத்தக் கூடிய அறிவும்,
செயலும் வந்து விட்டன என்றால் அதாவது
அறிந்த அறிவுக்குச் செயல் ஒன்றுபட்டால் அதுதான் துறவு.
-
'' அடுப்பிலே சாதம் வைக்கின்றீர்கள், அல்லது சமையல்
செய்கின்றீர்கள்,
வெந்து போன பிறகு ஏன் இறக்குகின்றீர்கள்?'',
''சட்டியில் உள்ளது அடிப்பிடித்துவிடும்''.
வேக வைக்கின்றவரை உறவு; இறக்குவது துறவு.
இதற்கு மேல் போனால் கெட்டுவிடும் எனத் தெரியும்போது
உடனே விடுதலைசெய்துவிட வேண்டும்; அளவோடு வைத்துக்
கொள்ள வேண்டும். அளவு, அனுபவிக்கக்கூடிய முறை இந்த
இரண்டும் தெரிந்தால் அது தான் துறவு.
-
======================================

-

அசுரன் · அசுரன் Mon Oct 14, 2013 12:15 pm

எல்லாம் அறிவுக்கு தெரியுது. ஆனால் சரியான நேரத்தில் இறக்கி வைக்க முடியாம தானே பலர் தின்டாடுகிறார்கள்

அறிந்த அறிவுக்குச் செயல் ஒன்றுபட்டால் அதுதான் துறவு.

அறிந்த அறிவுக்குச் செயல் ஒன்றுபட்டால் அதுதான் துறவு.

Re: அறிந்த அறிவுக்குச் செயல் ஒன்றுபட்டால் அதுதான் துறவு.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக