சிங்கப்பூரின் 50 ஆண்டு கால தமிழ் இலக்கியங்களை மின்பதிப்புகளாக மாற்றும் புதிய திட்டம் தொடக்கம்!

சிங்கப்பூரின் 50 ஆண்டு கால தமிழ் இலக்கிய நூல்கள் அனைத்தையும் இன்றைய காலத்திற்கு ஏற்றவாறு, இளைய சமுதாயம் பயனடையும் வகையில் மின்பதிப்புகளாக மாற்றும் புதிய திட்டமொன்றை சிங்கப்பூர் அரசாங்கம் தொடங்கியுள்ளது.

இந்த திட்டத்திற்கு சிங்கப்பூரின் தேசிய மரபுடைமைக் கழகம் தலைமைவகிக்க, தேசிய கலை மன்றம், சிங்கப்பூர் தேசிய புத்தக மேம்பாட்டுக்கழகம், சிங்கப்பூர் தேசிய நூலகம், சிங்கப்பூர் தமிழ் எழுத்தாளர்கள் மற்றும் சமூகத் தலைவர்கள் ஆகியோர் துணை புரிகின்றனர்.

இந்த மின்னிலக்க மரபுடைமைத் திட்டம் வரும் 2015 ஆம் ஆண்டு நாடு முழுவது அமலுக்கு வரும் என்றும், சிங்கப்பூரின் 50 வது சுதந்திர தின விழாவை முன்னிட்டு இந்த ஏற்பாடு செய்யப்பட்டுள்ளது என்றும் அறிவிக்கப்பட்டுள்ளது.

இது குறித்து சிங்கப்பூரின் பிரதமர் துறை அமைச்சரான எஸ்.ஈஸ்வரன் கூறுகையில், “இந்த திட்டத்தின் முக்கிய நோக்கம் சிங்கபூரின் 50 ஆண்டு கால தமிழ் இலக்கிய நூல்கள் அனைத்தையும் மின்பதிப்புக்களாக மாற்றுவதாகும். அதன் மூலம் சிங்கப்பூரின் இளைய சமூதாயத்தினருக்கும், உலகம் முழுவதும் இந்த திட்டம் போய் சேரும் வகையிலும் பயனுள்ளதாக இருக்கும் என்று நாங்கள் நம்புகின்றோம்” என்று கூறியுள்ளார்.

சிங்கப்பூரின் 50 வது சுதந்திர தினம்

சிங்கப்பூர் தனது 50 வது சுதந்திர தின விழாவை வரும் 2015 ஆம் ஆண்டு ஆகஸ்ட் மாதம் கொண்டாடவிருக்கிறது.

வரலாற்றுச் சிறப்புமிக்க அந்த தருணத்தைக் கொண்டாட சிங்கப்பூர் இந்திய சமூகம் திரு.அருண்மகிழ்நன் தலைமையின் கீழ் சிங்கப்பூர் தமிழ் இலக்கியத்தை மின்னிலக்கமாவதற்கு முன்மொழியப்பட்டுள்ளது. இந்த முன்னோடியான முயற்சிக்கு சிங்கப்பூர் அரசாங்கமும் ஊக்கம் அளித்து ஆதரவு நல்குகிறது.

மின்னிலக்க மரபுடைமைத் திட்டத்தின் முக்கியத்துவம்

இந்த திட்டத்தின் மூலம் சிங்கப்பூர் தமிழ் இலக்கியப் படைப்புகளை வரலாற்றுப் பதிவாகவும், என்றும் நிலைத்திருக்கும் வகையிலும் நிலைபெற செய்யலாம்.

வெவ்வேறு சுற்றுச்சூழலில், வெவ்வேறு கண்ணோட்டங்களில் வாழ்ந்த எழுத்தாளர்கள் சிங்கப்பூரை எவ்வாறு பார்த்தனர் என்பதற்கான பதிவாக இது இருக்கும்.

மொத்தத்தில் எதிர்கால சந்ததியினருக்கும், புலம் பெயர்ந்தோருக்கும் நமது மூதாதையர்கள் வழங்கும் செறிவுமிக்க கலாசார மரபுடைமையாக இந்த தொகுப்பு அமையும்.

மேலும், தமிழாசிரியர்கள், மாணவர்கள் பயனடையும் வகையில் சிங்கப்பூரின் தமிழ் இலக்கியம் குறித்த விரிவான வளமாக இது திகழும்.

தமிழ் இலக்கியம் குறித்து பல்கலைக்கழக மாணவர்களுக்கும், கல்வியாளர்களுக்கும் ஆய்வு செய்ய மிகவும் பயனுள்ளதாக இந்த திட்டம் அமையும் என்பது நிச்சயம்.

செல்லியல்

-
தமிழ் மின்மரபுடைமைத் திட்டத் தொடக்க
நிகழ்வில் (இடமிருந்து) திட்டத் தலைமை
ஒருங்கிணைப்பாளர் திரு அருண் மகிழ்நன்,
தேசிய நூலக வாரியத்தின் தலைமை
நிர்வாக அதிகாரி திருமதி இலெய்ன் இங்,
பிரதமர் அலுவலக அமைச்சர்
திரு எஸ். ஈஸ்வரன், சிங்கப்பூர்த் தமிழ்
எழுத்தாளர் கழகத் தலைவர்
திரு நா. ஆண்டியப்பன், மாணவர்கள் ரமேஷ்
தேஜஸ்வினி, ஆதித்யா சீனிவாசன். படம்: தி
னேஷ் ஜெரார்ட்

ayyasamy ram wrote:

நன்றி!

அருண்மகிழ்நன் போற்றத்தக்கவர் ! சிவா பாராட்டத்தக்கவர் ! நல்ல முயற்சி !  தமிழ் நெஞ்சம் விம்முகிறது!மற்றவர்கள் பாடம் கற்றுக்கொள்ளவேண்டும் !