அது என்ன…

**ரா.ரா3275** · **ரா.ரா3275** Tue Oct 08, 2013 6:26 pm

First topic message reminder :

அது என்ன…
உள்ளுக்குள் மட்டும் வழியும்
உருவமிலா திரவம்
உன்னிடம் விடைபெறுகையில்

பால்வெளியற்றப் புதுவெளியில்
சிறகுகளால் கையெழுத்திடும்
கோட்டுச் சித்திரப் பறவை
உன்னோடு நடக்கையில்

ஊசிகள் தோற்கும் கூர்முனை
மூளைதாண்டி குத்திட்டு நின்று
குதூகலிக்கும் நினைவுகள்
உன்னுடனான செல்பேசி உரையாடலில்

உளறல்குப்பைகளைக் கூட
உதட்டுப்பெட்டகத்தில்
சிந்தாமல் சிதறாமல் தேக்கிவைக்கும்
உன்னைச் சந்தித்த அன்று இரவில்

பரஸ்பரம் புரிந்தும் புரியாமலும்
விட்டேத்தி மனப்பிதுக்கலில்
கண்ணாமூச்சியாடிய
இருதய உரசலின் உஷ்ணத்தில்
பெயர் சொல்ல மறுத்து
ஓடிஒளியும் அரூப அவஸ்தை

என் சிதைப் பற்றியெரிய
வளைந்து நெளியும்
சிரிப்புப்புகை தேடும் ஸ்நேகம்
அது என்ன…