அந்திவரும் நேரம், அவளும் வரும் நேரும் - விடுகதை

by **ayyasamy ram** Sun Oct 06, 2013 3:11 pm

1) மணம் இல்லாத மல்லிகை மாலையில் மலரும் அது என்ன?
-
2) அந்திவரும் நேரம், அவளும் வரும் நேரும் அது என்ன?
-
3) மண்ணுக்குள் இருக்கும், மங்கைக்கு அழகு தரும் அது என்ன?
-
4) இரவும் பகலும் ஓய்வு இல்லை,
படுத்தால் எழுப்ப ஆள் இல்லை அது என்ன?
-
5) உடம்பெல்லாம் சிவப்பு, அதன் குடுமி பச்சை அது என்ன?
-
6) ஓயாமல் இரையும் இயந்திரமல்ல,
உருண்டோடிவரும் பந்து அல்ல அது என்ன?
-
7) சிறு தூசி விழுந்ததும் குளமே கலங்கியது அது என்ன?
-
8) மழை காலத்தில் குடை பிடிப்பான் அவன் யார்?
-
9) எத்தனை தரம் சுற்றினாலும் தலை சுற்றாது, அது என்ன?
-
10) வீட்டிலிருப்பான் காவலாளி,
வெளியில் சுற்றுவான் அவன் கூட்டாளி,
அவர்கள் யார்?
-
=========================================
விடை தெரிந்தவர்கள் சொல்லுங்கள்

by **சிவா** Sun Oct 06, 2013 3:26 pm

3. மஞ்சள்
7. கண்
8.காளான்
9.பம்பரம்
10.நாய்

by **ayyasamy ram** Sun Oct 06, 2013 9:07 pm

3. மஞ்சள்
7. கண்
8. காளான்
-
சரியான விடைகள்
-
மற்ற வினாக்களுக்கு விடை எதிர்நோக்கலாம்...
-

by அசுரன் Sun Oct 06, 2013 11:09 pm

1. மணம் இல்லாத மல்லிகை மாலையில் மலரும் அது என்ன?
இரவில் ஏற்றும் விளக்கு சரியா?

2. அந்திவரும் நேரம், அவளும் வரும் நேரும் அது என்ன?
காலையில் வரமாட்டாளா? அப்போ அது நிலாவாக இருக்கும்.

3. மண்ணுக்குள் இருக்கும், மங்கைக்கு அழகு தரும் அது என்ன?
மஞ்சள் (உபயம் சிவா)

4. இரவும் பகலும் ஓய்வு இல்லை, படுத்தால் எழுப்ப ஆள் இல்லை அது என்ன?
மூளை அல்லது இதயம்

5. உடம்பெல்லாம் சிவப்பு, அதன் குடுமி பச்சை அது என்ன?
செர்ரி அல்லது தக்காளி

6. ஓயாமல் இரையும் இயந்திரமல்ல, உருண்டோடிவரும் பந்து அல்ல அது என்ன?
கடல் சரியா?

7. சிறு தூசி விழுந்ததும் குளமே கலங்கியது அது என்ன?
குளமேவை எடுத்துட்டு கண் என்று போட்டால் இந்த வாக்கியம் நிறைவடையும்.

8. மழை காலத்தில் பிடிப்பான் அவன் யார்?
குடை தான் பிடிப்பார்கள் ஒருவேளை காளானோ?

9. எத்தனை தரம் சுற்றினாலும் தலை சுற்றாது, அது என்ன?
அதுகூட நாம சுத்தினா நம்ம தலை சுற்றுமா? பம்பரமா?

10. வீட்டிலிருப்பான் காவலாலி, வெளியில் சுற்றுவான் அவன் கூட்டாளி, அவர்கள் யார்?
நாய் சரியா?

அசுரன்