மது - தமிழக அரசின் கஜானாவை நிரப்பும் அட்சய பாத்திரம்!

by **சாமி** Sun Oct 06, 2013 6:35 am

கஜானாவா... கல்வியா?

Tamil nadu State Marketing Corporation - தமிழக அரசின் கஜானாவை நிரப்பும் அட்சய பாத்திரமான TASMAC-க்கின் விரிவாக்கம்தான் இது.

இந்த டாஸ்மாக்கின் தாக்கம் எவ்வளவு வீரியமானது என்று கடந்த வாரம் வந்த ஒரு செய்தியை பார்ப்போம்...

ஒன்பதாம் வகுப்பு மணவன் ஒருவன் குடிப்பதற்காக ஒரு பீரை வாங்கி இடுப்பில் வைத்துக்கொண்டு சைக்கிளில் சென்றபோது ஏற்பட்ட குலுக்கலில் அந்த பீர் பாட்டில் திடீரென வெடித்ததில், அந்த மாணவன் உயிரிழந்தான்.

இந்தச் செய்தியை படித்ததும் பகீரென்று இருந்தது. இன்று சிறுவர்கள், பெரியவர்கள் என்று வயது வித்தியாசமில்லாமல், அனேகமாக எல்லோர் கையிலும் பீர், பிராந்தி, விஸ்கி என்று ஏதோ ஒன்று நீக்கமற நிறைந்திருக்கிறது. குடிப்பது தவறென்ற குற்ற உணர்ச்சி துளியும் இல்லாமல் குடிக்கும் அளவிற்கு மாணவர்களையும் மாற்றி வைத்திருக்கிறது நம் சமூகம்.

யார் செத்தால் என்ன? எவன் குடி கெட்டாலென்ன? நமக்கு கஜானா நிறைந்தால் சரிதான் என்று வாய்மூடி மௌனமாக இருக்கிறது அரசு.

மற்றவர்கள் குடிப்பதை நாம் தடுக்கவோ, திருத்தவோ முடியாது. ஓரளவு சொல்லத்தான் முடியும். அதையும் மீறி குடிப்பேன் என்று அடம்பிடிப்பவர்களை நாம் என்ன செய்ய முடியும்? அவர்களாகவே திருந்தினால்தான் உண்டு.

காங்கிரஸ் காலத்தில் குடிப்பவர்களுக்கு பர்மிட் வழங்கப்பட்டு வந்தது. குடிப்பவரின் வயது, உடல்நிலை ஆகியவற்றை கருத்தில் கொண்டு அந்த பர்மிட் இருக்கும். அப்படி வழங்கப்படும் பர்மிட்டில் ஒருவர் குடிக்கக்கூடிய அளவு குறிக்கப்பட்டிருக்கும். அந்த அளவை மீறி சரக்கு வாங்க முடியாது. தேவையென்றால், தகுந்த காரணங்கள் கூறி இன்னொரு பர்மிட் வாங்கி வைத்துக் கொள்ளவேண்டும்.

ஆனால், இப்போதோ... வயது வரம்பில்லாமல் எல்லோருக்கும் சரக்கு வழங்கப்படுகிறது. காசு இருந்தால் போதும் யாரும் குடிக்கலாம் என்ற நிலையை மாற்றி, அரசு சில விதிமுறைகளை வகுக்கவேண்டும். குடிப்பவர்களுக்கு வயது வரம்புகளை அமல் படுத்த வேண்டும்.

ஒரு குறிப்பிட்ட வயதிற்கு மேல் உள்ளவர்களுக்குத்தான் தான் சரக்கு விற்கவேண்டும். சிறுவர்களுக்கு / மாணவர்களுக்கு விற்கக்கூடாது என்று டாஸ்மாக் ஊழியர்களுக்கு கட்டளையிட வேண்டும் அரசு. அதையும் மீறி சிறுவர்கள் / மாணவர்களுக்கு விற்கும் டாஸ்மாக் ஊழியர்களுக்கு தண்டனை வழங்கப்படவேண்டும்.

இப்படி ஏதாவது செய்தால்தான் வருங்காலத்தில் மாணவர்கள் குடியினால் சீரழிவதை ஓரளவாவது தடுக்கமுடியும்.

கட்டுரையாளரின் வலைத்தளம் ராகிம்கழ்ஃஜாலி / நன்றி -திஹிந்து

by அசுரன் Sun Oct 06, 2013 10:06 am

சரக்கு விலையை உயர்த்தி அதை ஐந்து நட்சத்திர ஓட்டலில் மட்டுமே பெற முடியும் என்று வைத்தால் ஒருவேளை குடிப்பவர்கள் எண்ணிக்கை குறையுமோ என்னவோ? புன்னகை

by **ராஜா** Sun Oct 06, 2013 11:13 am

காங்கிரஸ் காலத்தில் குடிப்பவர்களுக்கு பர்மிட் வழங்கப்பட்டு வந்தது. குடிப்பவரின் வயது, உடல்நிலை ஆகியவற்றை கருத்தில் கொண்டு அந்த பர்மிட் இருக்கும். அப்படி வழங்கப்படும் பர்மிட்டில் ஒருவர் குடிக்கக்கூடிய அளவு குறிக்கப்பட்டிருக்கும். அந்த அளவை மீறி சரக்கு வாங்க முடியாது. தேவையென்றால், தகுந்த காரணங்கள் கூறி இன்னொரு பர்மிட் வாங்கி வைத்துக் கொள்ளவேண்டும்.

இங்கு இந்த முறை உள்ளது ,
மது தேவைபடுவோர் தங்களின் நிறுவனத்தின் தலைமை அதிகாரி அல்லது ஸ்பான்சர் இடம் அனுமதி கடிதம் வாங்கி கொண்டு சென்றால் தான் பெர்மிட் கார்ட் கொடுப்பார்கள் , அதுவும் ஒருவர் வாங்கும் basic salary ல் ஒரு குறிப்பிட்ட சதவீதம் தான். மது பெட்டிகளை வாங்குபவர் நேராக தங்களின் வீட்டிற்கு தான் செல்லவேண்டும் , இடையில் சாலையில் எங்காவது மது பெட்டிகளுடன் நம்மை போலீஸ் பார்த்தால் (permit card இருந்தாலும்) அடுத்த இரண்டு மூன்று நாட்களில் சொந்த நாட்டிற்கு திரும்பிவிடலாம். இது போன்ற ஏராளமான கட்டுப்பாடுகள் உள்ளன என்று கேள்விபட்டுள்ளேன்.

by அசுரன் Sun Oct 06, 2013 12:02 pm

அரபு நாடுகளை போல இங்கும் விதிமீறல்களை உடனுக்குடன் தண்டித்தாலே போதும். எல்லாம் சரியாக இருக்கும் புன்னகை

by **Muthumohamed** Sun Oct 06, 2013 12:46 pm

அசுரன் wrote:அரபு நாடுகளை போல இங்கும் விதிமீறல்களை உடனுக்குடன் தண்டித்தாலே போதும். எல்லாம் சரியாக இருக்கும்

மது - தமிழக அரசின் கஜானாவை நிரப்பும் அட்சய பாத்திரம்! 3838410834

by **ayyasamy ram** Sun Oct 06, 2013 1:12 pm

விதிமீறல்களை உடனுக்குடன் தண்டித்தாலே போதும்.
எல்லாம் சரியாக இருக்கும் என்பது எடுபடாத வாதம்...
-
இந்த குற்றம் புரிந்தால் தலை இருக்காது என்று தெரிந்தும்
அந்த குற்றத்தை உணர்ச்சி வசப்பட்டு செய்கிறார்கள்
என்பதை, அரபு நாடுகளில் ஒரு ஆண்டுக்கு நிறைவேற்றப்படும்
தூக்கு தண்டனைகளின் எண்ணிக்கையில் இருந்து தெரிந்து
கொள்ளலாம்...

by அசுரன் Sun Oct 06, 2013 2:49 pm

ayyasamy ram wrote:விதிமீறல்களை உடனுக்குடன் தண்டித்தாலே போதும்.
எல்லாம் சரியாக இருக்கும் என்பது எடுபடாத வாதம்...
-
இந்த குற்றம் புரிந்தால் தலை இருக்காது என்று தெரிந்தும்
அந்த குற்றத்தை உணர்ச்சி வசப்பட்டு செய்கிறார்கள்
என்பதை, அரபு நாடுகளில் ஒரு ஆண்டுக்கு நிறைவேற்றப்படும்
தூக்கு தண்டனைகளின் எண்ணிக்கையில் இருந்து தெரிந்து
கொள்ளலாம்...

இருந்தாலும் குற்றம் செய்யும் முன்போ அல்லது செய்த பின்போ பயமாவது இருக்குமே? இப்பவெல்லாம் ஜெயிலுக்கு போகும் போது கூட டாட்டா காட்டிக்கிட்டுல்ல போறாங்க... இல்லைன்னா முகமுடி போட்டுக்கிட்டு போறாங்க. புன்னகை

by **சிவா** Sun Oct 06, 2013 4:01 pm

Tamil nadu State Marketing Corporation - இதுதான் டாஸ்மாக்கா? இனிமேலாவது பொருள் உணர்ந்து குடிக்கச் செல்வோம்.

(ஏண்டா நான் எதற்கு கட்டுரை எழுதினால் நீ இங்கு வந்து என்ன கற்றுக் கொள்கிறாய் என்று சாமி உருட்டுக் கட்டையுடன் என்னைத் துரத்துகிறார் பாருங்கள்)

நாம் என்ன நினைத்தாலும் இதனை ஒழிக்க முடியாது. ஒழித்தால் மீண்டும் கள்ளச்சாராயம் வரும். கள்ளச் சாராயம் அருந்தி 5 பேர் பலி, 10 பேர் பலி என்ற செய்தியை தினமும் படிக்க நேரிடும்.

மக்கள் திருந்தினால் தவிர வேறு வழியில்லை.

by **Muthumohamed** Sun Oct 06, 2013 4:09 pm

அசுரன் wrote:
ayyasamy ram wrote:விதிமீறல்களை உடனுக்குடன் தண்டித்தாலே போதும்.
எல்லாம் சரியாக இருக்கும் என்பது எடுபடாத வாதம்...
-
இந்த குற்றம் புரிந்தால் தலை இருக்காது என்று தெரிந்தும்
அந்த குற்றத்தை உணர்ச்சி வசப்பட்டு செய்கிறார்கள்
என்பதை, அரபு நாடுகளில் ஒரு ஆண்டுக்கு நிறைவேற்றப்படும்
தூக்கு தண்டனைகளின் எண்ணிக்கையில் இருந்து தெரிந்து
கொள்ளலாம்...
இருந்தாலும் குற்றம் செய்யும் முன்போ அல்லது செய்த பின்போ பயமாவது இருக்குமே? இப்பவெல்லாம் ஜெயிலுக்கு போகும் போது கூட டாட்டா காட்டிக்கிட்டுல்ல போறாங்க... இல்லைன்னா முகமுடி போட்டுக்கிட்டு போறாங்க.

by **Muthumohamed** Sun Oct 06, 2013 4:10 pm

சிவா wrote:Tamil nadu State Marketing Corporation - இதுதான் டாஸ்மாக்கா? இனிமேலாவது பொருள் உணர்ந்து குடிக்கச் செல்வோம்.

(ஏண்டா நான் எதற்கு கட்டுரை எழுதினால் நீ இங்கு வந்து என்ன கற்றுக் கொள்கிறாய் என்று சாமி உருட்டுக் கட்டையுடன் என்னைத் துரத்துகிறார் பாருங்கள்)

நாம் என்ன நினைத்தாலும் இதனை ஒழிக்க முடியாது. ஒழித்தால் மீண்டும் கள்ளச்சாராயம் வரும். கள்ளச் சாராயம் அருந்தி 5 பேர் பலி, 10 பேர் பலி என்ற செய்தியை தினமும் படிக்க நேரிடும்.

மக்கள் திருந்தினால் தவிர வேறு வழியில்லை.

இது ரொம்ப கஷ்டம் தான்