காஷ்மீர் கிராமத்தை பாக். ராணுவம் கைப்பற்றியதா? ராணுவம் விளக்கம்

காஷ்மீர் கிராமத்தை பாகிஸ்தான் ராணுவம் கைப்பற்றியதாக வெளியான தகவல் குறித்து ராணுவம் விளக்கம் அளித்துள்ளது.

அபத்தமானவை

போர் நிறுத்த உடன்படிக்கையை மீறி, காஷ்மீரில் எல்லைப்பகுதியில் பாகிஸ்தான் ராணுவம் அத்துமீறி தாக்குதல் நடத்தி வருகிறது. இந்த நிலையில், கெரான் செக்டாரில் உள்ள ஒரு கிராமத்தை பாகிஸ்தான் ராணுவம் கைப்பற்றி, தன் கட்டுப்பாட்டில் வைத்துள்ளதாக தகவல்கள் வெளியாகி பரபரப்பை ஏற்படுத்தியது. இது தொடர்பாக அந்த பிராந்திய ராணுவ துணைத்தளபதி குர்மித் சிங், ஸ்ரீநகரில் நிருபர்களுக்கு பேட்டி அளித்தார். அப்போது அவர் கூறியதாவது:–

காஷ்மீரில் எல்லைக்கட்டுப்பாட்டு கோடு பகுதியில் உள்ள கிராம ராணுவ நிலைகளை பாகிஸ்தான் ராணுவத்தினர் ஊடுருவி தங்கள் கட்டுப்பாட்டில் வைத்துள்ளதாக வெளியான தகவல்கள் அபத்தமானவை.

தடுப்பு நடவடிக்கை

கடந்த 24–ந் தேதி தொடங்கி நடந்து வருகிற தடுப்பு நடவடிக்கையால் அந்த பகுதி முழுவதும் எங்கள் கட்டுப்பாட்டில்தான் உள்ளது. இப்போதுவரை தடுப்பு நடவடிக்கை தொடர்ந்து கொண்டிருக்கிறது.

பல்வேறு முனைகளின் வழியாக அவர்கள் ஊடுருவ முயன்றனர். அவர்கள் நிச்சயமாக (ராணுவ) சிறப்பு படையினராக இருக்க வேண்டும். இதற்கு முன்பு நடந்த ஊடுருவல் முயற்சிபோல இது இல்லை. அங்கு நடந்து வருகிற சண்டையில் 5 வீரர்கள் காயம் அடைந்துள்ளனர். அவர்கள் மருத்துவமனையில் சேர்க்கப்பட்டுள்ளனர். அவர்கள் உடல்நிலை ஸ்திரமாக உள்ளது.

முழுவிவரம் தர முடியாது

ஊடுருவல் தடுப்பு நடவடிக்கையின் முழு விவரத்தையும் கூற இயலாது. அது நமது ராணுவ வீரர்களின் செயல்திறமை, செயல்திட்டம் ஆகியவற்றில் சமரசம் செய்துகொள்வதாகி விடும்.

இவ்வாறு அவர் கூறினார்.

தினத்தந்தி

கடனா டி.தூள் வாங்க வந்தாங்க...
அவ்வளவு தான்னு ஏ.கே.
ஆண்டனி சொல்லுவார் பாருங்க....

என்ன கொடுமை சரவணன் இது! இப்படி அநியாயத்துக்கு இந்திய படைகள் கைய கட்டிக்கிட்டு இருக்கே

டார்வின் wrote:கடனா டி.தூள் வாங்க வந்தாங்க...
அவ்வளவு தான்னு ஏ.கே.
ஆண்டனி சொல்லுவார் பாருங்க....

கடனா டீத்தூள் வாங்கவா?    

சிவா wrote:

டார்வின் wrote:கடனா டி.தூள் வாங்க வந்தாங்க...
அவ்வளவு தான்னு ஏ.கே.
ஆண்டனி சொல்லுவார் பாருங்க....

கடனா டீத்தூள் வாங்கவா?    

நல்ல வேளை அவங்க ஊருல டீ விக்கல அதை வித்துட்டு போக வந்தான்னு சொல்லாம விட்டாரே ஹிஹி