கழிப்பறைகள் முதலில்; கோவில்கள் பின்னர் தான்: மோடி

by nandagopal.d Thu Oct 03, 2013 5:52 pm

""என்னை இந்துத்துவா தலைவர் என்று கூறுவதை நான் அனுமதிப்பதில்லை; கிராமங்களில் முதலில் கழிப்பறைகளை கட்டுவதற்குதான் முதலிடம் தருவேன், கோவில் கட்டுவது பின்புதான்,'' என்று குஜராத் முதல்வர் நரேந்திர மோடி கூறினார்.

டில்லியில் கல்லூரி மாணவர்கள் மத்தியில் உரையாற்றிய, பா.ஜ., பிரதமர் வேட்பாளரும், குஜராத் முதல்வருமான நரேந்திர மோடி கூறியதாவது: என்னை இந்துத்துவா தலைவர் என்று கூறுகின்றனர். நான் இதை அனுமதிப்பதில்லை. என்னை பொறுத்தமட்டில், கழிப்பறைகள் கட்டுவதுதான் முதலில்; கோவில் கட்டுவது எல்லாம் இரண்டாம் பட்சம்தான். கிராமங்களில், லட்சங்களை கொட்டி கோவில் கட்டப்படுகிறது. ஆனால், அங்கு கழிப்பறைகள் இருப்பதில்லை. கழிப்பறை வசதி இல்லாததால், பெண்கள் அவதிப்படுவதை பற்றி, மகாத்மா காந்தி கவலைப்பட்டார். இது தான் சிறந்த தலைவருக்கான தகுதி. சிறந்த நிர்வாகமும், விரைவான வளர்ச்சியும் தான் இப்போது தேவை. இவ்வாறு, நரேந்திர மோடி கூறினார்.

மோடி கூறியதை போல், மத்திய ஊரகவளர்ச்சித்துறை அமைச்சர் ஜெய்ராம் ரமேஷ், "நாட்டில் இப்போது கோவில்களை விட அதிகமாக கழிப்பறைகள் தான் தேவை' என்று குறிப்பிட்டு இருந்தார். இதற்கு கடும் எதிர்ப்பு கிளம்பியது.

நன்றிகள் :தினமலர்

by அசுரன் Thu Oct 03, 2013 10:19 pm

சரி ரென்டு பேர்ல யாரு சொன்னாங்க முதல்ல.

by nandagopal.d Fri Oct 04, 2013 11:35 pm

முதலில் சொன்னது மத்திய ஊரகவளர்ச்சித்துறை அமைச்சர் ஜெய்ராம் ரமேஷ்.............

by **சிவா** Fri Oct 04, 2013 11:41 pm

nandagopal.d wrote:முதலில் சொன்னது மத்திய ஊரகவளர்ச்சித்துறை அமைச்சர் ஜெய்ராம் ரமேஷ்.............

இந்தியாவில் கழிப்பறைகள் உள்ளது, ஆனால் அதற்குள் சென்று மீண்டும் உயிருடன் திரும்புவதற்கு உத்தரவாதமில்லை. அவ்வளவு அசுத்தம். விமான நிலையத்திலும் இதே நிலை.

அலட்சியம், அனைத்திலும் அலட்சியம்.

இப்பொழுது இருக்கும் மக்கள் அனைவரும் மடிந்து அடுத்து உருவாகும் புதிய தலைமுறை மாற்றங்களை ஏற்படுத்தினால் தான் மறுமலர்ச்சி ஏற்படும். அதுவரை யாராலும் நாட்டை நல்வழிப்படுத்த முடியாது.

உயிர்காக்கும் மருத்துவமனைகளில் தான் அலட்சியம் மேலோங்கி நிற்கிறது.

by **ayyasamy ram** Sat Oct 05, 2013 5:56 am

ஆங்காங்கே செயல்படும் லையன்ஸ் கிளப்
ரோட்டரி சங்கம் போன்ற கட்சி சாராத அமைப்புகள்
முயற்சி செய்தால் , இப்போதிருக்கும் கழிப்பறைகளில்
தூய்மை ஏற்பட வாய்ப்புள்ளது...

by **சிவா** Sat Oct 05, 2013 6:41 am

ayyasamy ram wrote:ஆங்காங்கே செயல்படும் லையன்ஸ் கிளப்
ரோட்டரி சங்கம் போன்ற கட்சி சாராத அமைப்புகள்
முயற்சி செய்தால் , இப்போதிருக்கும் கழிப்பறைகளில்
தூய்மை ஏற்பட வாய்ப்புள்ளது...

வேறு எதைக் கிழிப்பதற்குத்தான் கட்சி சார்ந்த அமைப்புகள் உள்ளது, இளைஞர்களிடம் சாதி வெறியைத்தான் ஏற்றுகின்றன அனைத்துக் கட்சிகளும்.

by **சிவா** Sat Oct 05, 2013 7:57 am

ஒரு இந்து நாட்டில் தான் ஒரு இந்துத்வா தலைவன் என்று தன்னைக் காட்டிக் கொள்ள என்ன தயக்கம்.

by கு.கோகிலா Sat Oct 05, 2013 10:41 am

சிவா wrote:
nandagopal.d wrote:முதலில் சொன்னது மத்திய ஊரகவளர்ச்சித்துறை அமைச்சர் ஜெய்ராம் ரமேஷ்.............
இந்தியாவில் கழிப்பறைகள் உள்ளது, ஆனால் அதற்குள் சென்று மீண்டும் உயிருடன் திரும்புவதற்கு உத்தரவாதமில்லை. அவ்வளவு அசுத்தம். விமான நிலையத்திலும் இதே நிலை.

அலட்சியம், அனைத்திலும் அலட்சியம்.

இப்பொழுது இருக்கும் மக்கள் அனைவரும் மடிந்து அடுத்து உருவாகும் புதிய தலைமுறை மாற்றங்களை ஏற்படுத்தினால் தான் மறுமலர்ச்சி ஏற்படும். அதுவரை யாராலும் ஆட்டை நல்வழிப்படுத்த முடியாது.

உயிர்காக்கும் மருத்துவமனைகளில் தான் அலட்சியம் மேலோங்கி நிற்கிறது.

பொதுமக்களுக்கும் இதில் பங்கிருக்கிறது. சுத்தம் என்பது நம் வீட்டோடு முடிந்துவிடுவதில்லை சுற்றத்தையும் நாம் வாழுமிடம்தான் என்றெண்ணி பேன வேண்டும். அந்த அக்கரை ஏற்படாமட்டும் எதுவும் சாத்தியமில்லை.

by **ராஜா** Sat Oct 05, 2013 11:14 am

கு.கோகிலா wrote:பொதுமக்களுக்கும் இதில் பங்கிருக்கிறது. சுத்தம் என்பது நம் வீட்டோடு முடிந்துவிடுவதில்லை சுற்றத்தையும் நாம் வாழுமிடம்தான் என்றெண்ணி பேன வேண்டும். அந்த அக்கரை ஏற்படாமட்டும் எதுவும் சாத்தியமில்லை.

அப்படி ஒரு எண்ணமிருந்தால் தமிழ்நாட்டில் இந்த அளவிற்கு டாஸ்மாக் விற்பனை ஆகுமா ? சும்மா காமடி பண்ணாதீங்க....

இந்தியாவிற்கு இப்போ தேவை , தேசபக்தி மிகுந்த ஒரு கடுமையான சர்வாதிகாரி

by கு.கோகிலா Sat Oct 05, 2013 11:36 am

அதைத்தான் நானும் சொல்கிறேன்,மக்கள்திருந்த நினைத்தாலும் அரசியல்வாதிகள் திருந்தவிடமாட்டார்கள்.
சர்வாதிகார ஆட்சியென்பது சொல்வதர்க்கு நன்றாக இருகலாம். ஆனால் அப்படி ஒரு ஆட்சி மலருமாயின் அதன் நோக்கத்தை மறந்து அதிகாரவெறியிலேயே சென்று முடியும். மோடியால் நல்லாட்சியை கொடுக்க முடியும் என்பதும் ஒரு பிரம்மையே.